بگ برادر اب چین میں بھی
،تصویر کا ذریعہENDEMOL
امریکہ کے ریئلیٹی شو بگ برادر کی طرز کا ایک پروگرام پہلی مرتبہ چین میں بھی شروع ہونے والا ہے جس میں ایک گھر میں رہنے والے افراد ایک دوسرے کے رویوں کا مقابلہ کرتے ہیں۔
یہ پروگرام مقبول ویڈیو شائٹ یوکو ٹوڈو پر نشر کیا جائے گا۔
اس شو کے شرکا پر 24 گھنٹے کیمروں کی مدد سے نظر رکھی جاتی ہے اور 15 سال قبل اس پروگرام کے آغاز کے بعد سے اسے درجنوں ممالک میں دیکھا گیا۔
بگ برادر کے تخلیق کار اینڈیمول نے چین کی سب سے بڑی ویڈیو سائٹ یوکو ٹوڈو کے ساتھ ایک معاہدہ کیا ہے۔
ایک بیان کے مطابق اس سائٹ کے پچاس کروڑ صارفین ہیں۔
،تصویر کا ذریعہChannel 4
بگ برادر چائنہ سنہ 2015 کے اوائل میں شروع ہوگا اور دس ہفتوں تک جاری رہے گا۔
اینڈیمول ایشیا کے چیف ایگزیکٹو ارجین وین میئرلو کا کہنا ہے ’ہم یوکو ٹوڈو کے ساتھ ایک ایسے معاہدے کا اعلان کرتے ہوئے کافی پر جوش ہیں جو پہلی مرتبہ چین میں ٹیلی وژن کا چہرہ ہی بدل دے گا۔‘
یہ معاہدہ چین کی حکومت کی جانب سے ٹیلی وژن چینلز کو ریئلیٹی، ڈیٹنگ اور گفتگو کے پروگرامز کی تعداد میں کمی کے احکامات کے تین برس بعد کیا گیا ہے۔
End of سب سے زیادہ پڑھی جانے والی
چینی حکومت نے یہ احکامات اس لیے دیے تھے کہ ان پروگراموں میں فحاشی کا عنصر بڑھ گیا تھا۔
خبر رساں ادارے ایسوسی ایٹڈ پریس کے مطابق چین میں ٹیلی وژن چینلز کی نسبت آن لائن سائٹس پر کم پابندیاں ہیں تاہم ضابطہ کاروں نے حال ہی میں آن لائن ویڈیو کے حوالے سے بھی سختی کرنے کے اشارے دیے ہیں۔
