براڈ چرچ کے لیے تین ٹی وی بافٹا ایوارڈز
برٹش اکیڈمی آف فلم اینڈ ٹیلی وژن آرٹس یا بافٹا ٹی وی ایوارڈ کی اتوار کو ہونے والی تقریب میں آئی ٹی وی کے ڈرامے براڈ چرچ نے بہترین ڈرامہ سمیت تین ایوارڈ جیت لیے ہیں۔
براڈ چرچ میں اداکاری پر اولیویا کولمین کو بہترین اداکارہ اور ڈیوڈ براڈلے کو بہترین معاون اداکار کے ایوارڈز سے نوازا گیا۔
اولیویا کولمین نے جنھوں نے سنہ 2013 میں دو بافٹا ایوارڈ جیتے تھے، سٹیج پر جذباتی انداز میں کہا کہ’ معاف کریں میں جذباتی ہو گئی ہوں۔ ساتھی اداکار ڈیوڈ ٹیننٹ کے ساتھ کام کرنے میں مزہ آیا۔‘
آنٹ اور ڈیک کے شو سیٹر ڈے نائٹ ٹیک آوے کو بھی دو ایوارڈز دیے گئے۔ اسے یہ ایوارڈز بہترین اینٹرٹینمنٹ شو اور بہترین پرفارنمس کے زمرے میں ملے۔
سیٹ کام آئی ٹی کراؤڈ کو بھی دو ایوارڈ سے نوازا گیا۔ یہ ایوارڈز رچرڈ آیوڈے اور کھترین پارکینسن کو مرد اور خاتون کی بہترین مزاحیہ پرمارمنس کے زمرے میں دیے گئے۔
سارہ لنکا شائر کو بی بی سی کے لاسٹ ٹینگو ان ہالی فیکس میں اداکاری پر بہترین معاون اداکارہ کے ایوارڈ سے نوازا گیا۔
بی بی سی ون کے ڈاکٹر ہو، ڈے آف دا ڈور کو بافٹا کے سامعین کی طرف سے ریڈیو ٹائمز کا ایوارڈ دیا گیا۔ یہ واحد ایوارڈ ہے جسے سامعین نے چنا۔
بہترین نیوز کوریج کا ایوارڈ ائی ٹی وی نیوز کو وول وچ حملوں کی کوریج پر دیا گیا۔
End of سب سے زیادہ پڑھی جانے والی
ڈاکومینٹری کا ایوارڈ چینل فور کو عدالت میں قتل کے مقدمے پر بنائی گئی ڈاکومینٹری پر دیا گیا۔
آئی ٹی وی اور چینل فور نے آٹھ آٹھ جبکہ بی بی سی نے چار بافٹا ایوارڈز جیت لیے۔
