آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
معروف اداکار فاروق ضمیر 78 برس کی عمر میں انتقال کر گئے
- مصنف, بیورو رپورٹ
- عہدہ, بی بی سی اردو ڈاٹ کام، لاہور
پاکستان ٹیلی ویژن کے معروف اداکار فاروق ضمیر طویل علالت کے بعد لاہور میں انتقال کر گئے۔
ان کی عمر 78 برس تھی۔
اداکار فاروق ضمیر سانس کی بیماری کی وجہ سے مقامی ہسپتال میں زیرِ علاج تھے۔
فاروق ضمیر ابتدا ہی سے پاکستان ٹیلی ویژن سے منسلک رہے اور انھوں نے کئی مقبول ڈراموں میں اداکاری کے جوہر دکھائے۔
فاروق ضمیر نے اپنی اداکاری اور ڈائیلاگ ڈیلیوری کی وجہ سے منفرد مقام رکھتے تھے۔
انھوں نے درجنوں ٹی وی ڈراموں میں کام کیا جن میں ’گڈریا‘، ’رانی ‘ اور ’سراغ زندگی‘ جیسے مشہور ڈرامے شامل ہیں۔
فاروق ضمیر نے ٹی وی کے علاوہ فلم میں بھی اداکاری کی۔
اس کے علاوہ انہوں نے نجی ٹی وی چینلوں کے ڈراموں میں بھی کام کیا۔
End of سب سے زیادہ پڑھی جانے والی
اداکار فاروق ضمیر کو 25 فروری کو سپردِ خاک کر دیا جائے گا۔
