ንሸሞንተ መዓልታት ዝሓሰቡዎ፡ ንትሽዓተ ኣዋርሕ ኣብ ህዋ ዝጸንሑ ጠፈርተኛታት ዘሕለፉዎ ህይወት

ኣመሪካውያን ጠፈርተኛታት ናሳ ቡች ዊልሞርን ሱኒ ዊልያምስን፡ ድሕሪ ትሽዓተ ኣዋርሕ ኣብ ጠፈር ምጽናሕ፡ ኣብ መወዳእታ ናብ ምድሪ ተመሊሶም ኣለዉ።

እታ ስፐይስኤክስ መንኰርኰር ህዋ፡ ንኸባቢ ኣየር ብፍጥነት ብርሃን ሓሊፋ እያ ናብ ባሕሪ-ምድሪ ወሪዳ።

እተን ኣርባዕተ ፓራሹት ቅድሚ ምኽፋተን ኣብ ገማግም ባሕሪ ፍሎሪዳ ዘዕረፋ ኰይነን፡ ሰራሕተኛታት ህይወት ኣድሕን ቅድሚ ምብጽሖም፡ ገለ ነገር ገጢሙዎም ነይሩ።

እታ መንሳፈፊ ፓራሹት ኣብ ባሕሪ ብዶልፊን ተኸቢባ ነይራ።

ድሕሪ ትሽዓተ ኣዋርሕ

እቶም ጠፈርተኛታት ኣብ ባሬላ (ስትረይቸር) ክድይቡ ተራእዮም።

ኣብቲ ስሕበት ዘይብሉ ህዋ ነዊሕ ድሕሪ ምጽናሕ፡ ኵነታት ምድሪ ሓድሽ ክዀኖም ንቡር እዩ።

ብጕጅለ ሕክምና ክምርመሩ እዮም፣ ድሕሪኡ ድማ ምስ ስድራቤቶም ክራኸቡ እዮም።

"እቲ ዓቢይ ነገር ፈተውቶምን ቤተሰቦምን ምርኣይ፡ በዓላት ሓቢርካ ምሕላፍ ክኸውን'ዩ፡" ትብል ፈላመይቲ ብሪጣንያዊት ጠፈርተኛ ሄለን ሻርማን።

"ኵሎም እቶም ስድራቤታዊ ጽምብል፡ ዕለተ ልደትን ካልእ ኣካል ክዀኑ እዮም ዝበልዎም ፍጻመታትን - ሕጂ፡ ሃንደበት ምናልባት ቍሩብ ዝጠፍአ ግዜ ከከሓሕሱ ይኽእሉ እዮም።"

ኣብ ጠፈር

ዛንታ ቡችን ሱኒን ኣብ ሰነ 2024 እዩ ጀሚሩ።

እቲ ፕሮጀክት ክሕሰብ እንከሎ፡ ንሸሞንተ መዓልታት ጻንሒት ጥራሕ እዩ ተወጢኑ ዝተገብረ።

ኣብታ ብዅባንያ ኣየርን ስፐይስን ቦይንግ ዝተሰርሐት ስታርላይነር እትበሃል መንኰርኰር ጠፈር ምስ ዝነበሩ ሰባት፡ ኣብ ናይ መጀመርታ ፈተነ በረራ ይሳተፉ ነይሮም።

እንተዀነ፡ እታ ቡችን ሱኒን ናብ ኣህጉራዊ መደበር ህዋ ንምጕዓዝ ዝጥቀሙላ ዝነበሩ መንኰርኰር ጠፈር ቴክኒካዊ ጸገማት ምስ ኣጋጠማ፡ ዝጸንሑዎ ግዜ ክናዋሕ ተገደዱ።

'ስታርላይነር' ኣብ መጀመርታ መስከረም ባዶ ኰይና ናብ መሬት ብሰላም ተመሊሳ።

እንተዀነ፡ እዞም ጽምዲ ንመምለሲኦም ሓድሽ መንኰራኰር የድልዮም ነይሩ እዩ።

ኣብ መወዳእታ መስከረም ናብ ኣይኤስኤስ ዝበጽሐት ካፕሱል ስፐይስኤክስ እያ።

ኣርባዕተ ጠፈርተኛታት ሒዛ እያ በሪራ፡ ቡችን ሱኒን ክምለሱ ዘኽእሎም ክልተ ክፉታት መናብር ነይሩዋ።

እቲ ተልእኾ ንመንፈቕ ክጸንሕ እኳ እንተ ተሓስበ፡ እቶም ጠፈርተኛታት ግን ንነዊሕ ግዜ ክጸንሑ ነይሩዎም።

እዞም ክልተ ኣባላት ናሳ፡ ካብቲ ትጽቢት ዝገበሩዎ ንላዕሊ ኣብ ጠፈር ክጸንሑ ተገዲዶም።

ኣብ ጠፈር ኴንካ ኣብ ፕረዚደንታዊ መረጻ ምድማጽ

ቡችን ሱኒን ከምኡ'ውን እቶም ካልኦት ክልተ ምስኦም ኣብ መርከብ ዝነበሩ ኣመሪካውያን ዶን ፔቲትን ኒክ ሄግን ነፍሲ ወከፎም ኣብ ዝሓለፈ ዓመት ኣብ ዝተኻየደ መረጻ ኣመሪካ ድምጾም ክህቡ ዕድል ረኺቦም።

ሱኒ ንጋዜጠኛታት ኣብ ዝሃቦ መግለጺ፡ "ከም ዜጋታት ዘለና ኣዝዩ ኣገዳሲ ግዴታ'ዩ፡" ኢሉ።

ቡች፡ ናሳ ኣብ መረጻ ንኽካተቱ "ኣዝዩ ቀሊል" ከም ዝገበረሎም ገሊጹ።

ድምጾም ንምትእንጋድ፡ ኣብ ሂዩስተን ዝርከብ ማእከል ቍጽጽር ተልእኾ፡ ብዕጽው ኢመይል ናብ ISS ናይ ድምጺ ወረቐት ሰዲዱ።

ብድሕሪኡ እቶም ጠፈርተኛታት መሊኦም ናብ ሳተላይታት ኣመሓላሊፎም ናብ ሓደ ኣብ ኒው ሜክሲኮ ዝርከብ ናይ መሬት መዕርፎ ነፈርቲ ኣመሓላሊፎሞም።

ካብኡ ድማ እቲ ድምጺ ናብ ሚሽን ኮንትሮል ዝተመሓላላፈ ኰይኑ፡ ድሕሪኡ ድማ ብኤሌክትሮንያዊ ኣገባብ ናብ ጸሓፍቲ እተን ግዝኣታት ክለኣኽ ተገይሩ።

ኣብ ዜሮ ስሕበት ብቕዓት ምሕላው

ክልቲኦም፡ ኣብ ጠፈር ብምንባር ንዝፍጠር ምጕዳል ሰብነትን ምጭንናቕ ኣዕጽምትን ንምምካት፡ መዓልታዊ ናይ ክልተ ሰዓታት ወይ ልዕሊኡ ምንቅስቓስ ኣካላት ክገብሩ ነይሩዎም።

"መላግቦታትካ ኣይጕድኡን'ዮም፣ እዚ ድማ ኣዝዩ ደስ ዘብል'ዩ፡" ኢሉ ቡች።

ኣብቲ ዜሮ ስሕበት ምንባር ዘስዕቦ ጽልዋ ንምምካት፡ ብሰለስተ ዝተፈላለያ ማሽናት ይሕገዙ ነይሮም።

እቲ ምዕቡል ተጻዋርነት ዘለዎ መሳርሒ ምንቅስቓስ ኣካላት (ARED) ንዅሎም ጕጅለታት ጭዋዳታት ዝሰርሑ ስኳት፣ ዲድሊፍትን መስርዕን ይጥቀመሉ።

'ሓንቲ መሬት እያ ዘላትና'

ብርግጽ ብዛዕባ ኣብ ዓዶም ዝነበረ ህይወት ከስተንትኑ ከለዉ፡ ጸሓይ በሪቓ ክሳብ እትዓርብ ብዙሕ ግዜ ክርእዩ ዕድል ረኺቦም እዮም።

እታ መደበር ጠፈር ኣብ ነፍሲ ወከፍ 24 ሰዓታት 16 ዙርያታት መሬት ኣብ እትገብርሉ እዋን፡ ብ16 ምብራቕን ምዕራብን ጸሓይ ትጓዓዝ፡ ነቶም ኣብታ መንኰርኰር ዝነበሩ ድማ ኣብ ነፍሲ ወከፍ 45 ደቓይቕ ጸሓይ ክትበርቕ ወይ ክትዓርብ ተርኢ።

ከምዚ ዝኣመሰለ ፍሉይ ተጓንፎ ኣብ ርእስኻ ሒዝካ ኣብ ርእሲ መሬት ምንባር ዘስደምም እዩ።

"ቍሩብ ዝተፈላለየ ሓሳብ ንኽህልወካ ማዕጾ ይኸፍት። ሓንቲ ፕላኔት እያ ዘላትና፡ ክንከናኸና ድማ ይግባእ፡" ትብል።

"ካብ ምድሪ ብዙሓት ሰባት መልእኽቲ ይሰዱልና ስለ ዝነበሩ፡ ምስ ኵሉ ሰብ ኣብ ገዛና ከም ዘለና ይስመዐና ነይሩ።"