నార్డ్ స్ట్రీమ్- 2 పైప్లైన్ ఎక్కడ ఉంది? ఎవరు నిర్మించారు? దీని ప్రాధాన్యం ఏమిటి?
రష్యా నుంచి జర్మనీకి గ్యాస్ సరఫరా చేసే నార్డ్ స్ట్రీమ్ 2 పైప్లైన్ను ధ్రువీకరించే ప్రక్రియను ఆపివేయాలని జర్మనీ నిర్ణయించింది.
రష్యా తాజా చర్యల వల్ల నార్డ్ స్ట్రీమ్-2 గ్యాస్ పైప్లైన్ ధ్రువీకరణ ముందుకెళ్లడం సాధ్యం కాదని జర్మనీ చాన్సలర్ ఓలాఫ్ స్కోల్జ్ స్పష్టం చేశారు.
"ఇందులో సాంకేతిక అంశాలు చాలా ఉన్నాయని అనిపించవచ్చు. కానీ, ఇక ఈ పైప్లైనుకు ఎలాంటి ధ్రువీకరణ ఇవ్వడం కుదరదు. ధ్రువీకరణ లేకుండా నార్డ్ స్ట్రీమ్ 2 తన సరఫరాను ప్రారంభించలేదు" అని జర్మనీ చాన్సలర్ తమ నిర్ణయాన్ని సమర్థించుకున్నారు.
ఈ నిర్ణయం వల్ల జర్మనీకి సహజవాయువు సరఫరా లోటు ఏమీ ఉండదని, కాకపోతే రష్యా నుంచి వచ్చే నార్డ్ స్ట్రీమ్-2 పైప్లైను వల్ల దేశంలో గ్యాస్ నిల్వలు రెట్టింపు అయ్యేవని ఆ దేశ వైస్ చాన్సలర్, ఆర్థిక మంత్రి రాబర్ట్ హాబెక్ మీడియాతో చెప్పారు.
అయితే, దీనివల్ల రాబోయే కొన్ని రోజుల్లో గ్యాస్ ధరలు పెరిగే అవకాశం ఉంటుందని ఆయన అంగీకరించారు.
ఈ పైప్ లైను నిర్మాణం పూర్తయినప్పటికీ, దాని ద్వారా గ్యాస్ సరఫరా కార్యకలాపాలు ఇంకా ప్రారంభం కాలేదు కాబట్టి, దాని ప్రభావం యూరప్ ఇంధన సరఫరాపై పెద్దగా ఉండదని యూరోపియన్ కమిషన్ కూడా ప్రకటించింది.
ఇవి కూడా చదవండి:
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)
