విమానం చక్రాల్లో దాక్కుని వెళ్లినా బతికాడు, ఎలాగంటే..
దక్షిణాఫ్రికా నుండి నెదర్లాండ్స్లో ఆమ్స్టర్డామ్లోని స్కిపోల్ విమానాశ్రయంలో దిగిన విమానచక్రాల్లో దాక్కుని ప్రయాణించిన వ్యక్తిని ప్రాణాలతో గుర్తించినట్లు డచ్ పోలీసులు తెలిపారు.
దక్షిణాఫ్రికాలోని జోహన్నెస్బర్గ్ నుంచి నెదర్లాండ్లోని ఆమ్స్టర్డామ్కి విమాన ప్రయాణానికి దాదాపు 11 గంటల సమయం పడుతుంది. అయితే ఈ కార్గో విమానం కెన్యాలోని నైరోబీలో ఒకసారి ఆగిందని సమాచారం.
ఎత్తైన ప్రదేశాలలో అతిభయకరమైన చలితో పాటు తక్కువ ఆక్సిజన్ ఉండటం కారణంగా సుదీర్ఘంగా విమాన చక్రాల్లో దాక్కుని ప్రయాణం చేయడం అసాధారణమైన సంఘటన.
'విమానం ముందు చక్రాల విభాగంలో ఆ వ్యక్తి సజీవంగా కనిపించాడు. అతని ఆరోగ్యం నిలకడగా ఉన్నపుడే ఆసుపత్రికి తరలించబడ్డాడు' అని రాయల్ డచ్ మిలిటరీ పోలీస్ ప్రతినిధి జోవన్నా హెల్మండ్స్ ఎఎఫ్పి వార్తా సంస్థకు తెలిపారు.
'అతను ఇంకా బ్రతికి ఉండటం చాలా గొప్ప విషయం ' అని ఆమె చెప్పింది.
సంఘటన స్థలంలో ఆ మనిషి శరీర ఉష్టోగ్రత పెరిగిందని, అంబులెన్స్ వచ్చే సమయానికి అతను ప్రాథమిక ప్రశ్నలకు సమాధానం ఇవ్వగలిగాడు అని డచ్ బ్రాడ్కాస్టర్ ఎన్ఓఎస్ పేర్కోంది.
కార్గోలక్స్ ఇటాలియా నడుపుతున్న విమానచక్రాల్లో దాక్కుని ఓవ్యక్తి ప్రయాణించాడని సరుకు రవాణా సంస్థ కార్గోలక్స్ ప్రతినిధి రాయిటర్స్కి పంపిన ఇమెయిల్లో ధృవీకరించారు.
ఇవి కూడా చదవండి:
- లాక్డౌన్లో యూట్యూబ్ చానల్తో లక్షల ఫాలోవర్లు .. 22 దేశాలు చుట్టేసిన యువకుడు
- తొలి రిపబ్లిక్ డే వేడుకలు ఎలా జరిగాయో తెలుసా?
- కరోనా ఉందని కాన్పు చేయలేదు.. ఆసుపత్రి గేటు వద్ద చెంచు మహిళ ప్రసవం
- పుతిన్ క్రిమియాను రష్యాలో ఎలా విలీనం చేశారు
- వ్యాక్సీన్ తీసుకోని రోగికి గుండె మార్పిడి చికిత్స నిరాకరించిన ఆసుపత్రి
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)
