బిల్‌, మెలిండా గేట్స్‌ విడాకులు

27 ఏళ్ల వైవాహిక జీవితం తర్వాత బిల్ గేట్స్, మెలిండా గేట్స్ విడాకులు తీసుకోవాలని నిర్ణయించారు.

"ఒక జంటగా మేం ముందుకు వెళ్లగలమని మాకు అనిపించడం లేదు" అని తాము జారీ చేసిన ఒక ప్రకటనలో ఇద్దరూ చెప్పారు.

తమ విడాకుల గురించి ఇద్దరూ ట్విటర్ ద్వారా ఒక ప్రకటన జారీ చేశారు. అందులో "మా బంధం గురించి, చాలా లోతుగా ఆలోచించుకున్న తర్వాతే మేం విడాకులు తీసుకోవాలని నిర్ణయిచుంకున్నాం" అని చెప్పారు.

"గత 27 ఏళ్లుగా మేం ముగ్గురు పిల్లల్ని పెంచి పోషించాం. ప్రపంచవ్యాప్తంగా ప్రజలకు ఆరోగ్యం, మెరుగైన జీవితాన్ని అందించే ఒక అద్భుతమైన సంస్థను స్థాపించాం. ఈ మిషన్‌ మీద మేం కచ్చితంగా మా నమ్మకం ఉంచుతాం. ఇక ముందు కూడా ఫౌండేషన్ కోసం పనిచేస్తూనే ఉంటాం. కానీ, మా జీవితం తర్వాత దశలోకి ఒక జంటగా మేం ముందుకు వెళ్లలేమని మాకు అనిపించింది" అన్నారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)