ఫ్రాన్స్‌లో బయటపడ్డ భారీ డైనోసార్ తొడ ఎముక.. పొడవు ఆరు అడుగుల పైమాటే..

ఫ్రాన్స్‌లో ఓ భారీ డైనోసార్ ఎముక బయటపడింది. ఆంగియక్ అనే ప్రాంతంలో పరిశోధకులు తవ్వకాలు జరుపుతుండగా ఇది వెలుగుచూసింది.

ఇది శాకాహార సారోపాడ్ జాతి డైనోసార్ తొడ ఎముక కావొచ్చని పరిశోధకులు భావిస్తున్నారు. ఈ ఎముక 6.6 అడుగుల (2 మీటర్లు) పొడవు ఉంది.

సారోపాడ్‌లు పొడవైన మెడ, తోకతో ఉండేవి. భూమిపై జీవించిన అత్యంత భారీ జంతువుల్లో ఇవి కూడా ఒకటి.

ఇప్పటికీ ఆ ఎముక అంత సురక్షితంగా ఉండటం ఆశ్చర్యం కలిగించిందని పాలియాంథాలజిస్ట్‌లు అంటున్నారు.

ఇలాంటి ఎముకలు కలిగిన డైనోసార్లు 14 కోట్ల సంవత్సరాల క్రితం భూమిపై జీవించాయని, వాటి బరువు 40 నుంచి 50 టన్నుల దాకా ఉండేవని వారు చెబుతున్నారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)