#ENGvSA దక్షిణాఫ్రికాపై 104 పరుగుల తేడాతో ఇంగ్లండ్ భారీ విజయం.. ప్రపంచ కప్ ప్రారంభ మ్యాచ్

క్రికెట్ ప్రపంచకప్ 2019 ప్రారంభ మ్యాచ్‌లో ఆతిథ్య ఇంగ్లండ్ జట్టు దక్షిణాఫ్రికాపై 104 పరుగుల తేడాతో విజయం సాధించింది.

తొలుత బ్యాటింగ్ చేసిన ఇంగ్లండ్ జట్టు నిర్ణీత 50 ఓవర్లలో 8 వికెట్లు కోల్పోయి 311 పరుగులు చేసింది.

నలుగురు బ్యాట్స్‌మెన్ అర్థ సెంచరీలు చేశారు.

బెన్ స్టోక్స్ 89 పరుగులు, మోర్గాన్ 57 పరుగులు, జేసన్ రాయ్ 54 పరుగులు, జో రూట్ 51 పరుగులు, బట్లర్ 18 పరుగులు, వోక్స్ 13 పరుగులు, ప్లంకెట్ 9 పరుగులు, ఆర్చర్ 7 పరుగులు, మొయిన్ అలీ 3 పరుగులు చేయగా.. బెయిర్ స్ట్రో సున్నా పరుగులకు ఔటయ్యాడు.

దక్షిణాఫ్రికా బౌలర్లలో ఎన్‌గిడి 3 వికెట్లు, ఇమ్రాన్ తాహిర్, రబాడా చెరో రెండు వికెట్లు, ఫెహ్లువాయో ఒక వికెట్ తీశారు.

312 పరుగుల విజయలక్ష్యంతో దక్షిణాఫ్రికా 39.5 ఓవర్లలో 207 పరుగులకు ఆలౌట్ అయ్యింది.

డికాక్ 68 పరుగులు, దుస్సెన్ 50 పరుగులు, ఫెహ్లువాయో 24 పరుగులు, హషీం ఆమ్లా 13 పరుగులు, మార్‌క్రమ్ 11 పరుగులు, రబాడా 11 పరుగులు, జేపీ డుమినీ 8 పరుగులు, డుప్లెసిస్ 5 పరుగులు, ప్రిటోరియస్ 1 పరుగు చేసి ఔటయ్యారు.

ఇంగ్లండ్ బౌలర్లలో ఆర్చర్ 3 వికెట్లు, ప్లంకెట్, స్టోక్స్ చెరో 2 వికెట్లు, రషీద్, మొయిన్ అలీ చెరో ఒక వికెట్ తీశారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)