காவிரி அமைப்புக்கு எவ்வளவு அதிகாரம் அளிக்கிறது மத்திய அரசின் வரைவறிக்கை?

காவிரி விவகாரத்தில், நீண்ட எதிர்பார்ப்புக்குப் பிறகு மத்திய அரசால் தாக்கல் செய்யப்பட்டிருக்கும் வரைவறிக்கை பல்வேறு எதிர்பார்ப்புக்களை ஏற்படுத்தியுள்ள போதிலும், இன்னும் தெளிவான நிலை ஏற்படவில்லை.

கடந்த வாரம், உச்சநீதிமன்றம் அளித்த ஆணைக்கு இணங்க, காவிரி நீர் பங்கீடு குறித்த வரைவறிக்கையை சமர்ப்பித்தது மத்திய அரசு.

இந்த வரைவறிக்கையை நீர்பாசனத்துறை செயலாளர் யூ.பி சிங் சமர்பித்தார். இந்த அறிக்கையில், அமைக்கப்படவுள்ள காவிரி நீர் பங்கீட்டு குழு எவ்வாறு அமையும் என்பது குறித்த விளக்கங்கள் அளிக்கப்பட்டுள்ளன.

இதற்கு முன்பு, நடுவர் மன்றம் அளித்த பரிந்துரைகளுக்கு ஏற்ற வகையிலேயே இந்த வரைவும் அமைந்துள்ளது. ஆனால் இந்த வரைவுத் திட்டத்தின்கீழ் ஒருங்கிணைக்கப்பட உள்ளவர்கள், காவிரி நதி நீருக்கான மேலாண்மை வாரியமா அல்லது குழுவா அல்லது அமைப்பா என்பது குறித்த எந்த பெயரையும் மத்திய அரசு அளிக்கவில்லை.

அதற்கு மாறாக, எவ்வாறு இதை அழைக்க வேண்டும் என்பதை உச்சநீதிமன்றமே முடிவு செய்யவேண்டும் என்று மத்திய அரசு கேட்டுக்கொண்டுள்ளது.

வரைவறிக்கை விவரம்:

சமர்ப்பிக்கப்பட்ட வரைவின் நகல், சம்மந்தப்பட்ட நான்கு மாநிலங்களுக்கும் அளிக்கப்பட்டுள்ளது. இதில் ஏதேனும் மாறுதல் இருந்தால் இரண்டு நாட்களில் கூறுமாறு உச்சநீதிமன்றத்தால் மாநிலங்களுக்கு அவகாசம் அளிக்கப்பட்டுள்ளது.

வரும் புதன்கிழமை (16.05.18) மாநிலங்களின் கருத்துக்களை கேட்டறியவுள்ள உச்சநீதிமன்றம், அதைத்தொடர்ந்து, இந்த வரைவு அறிக்கையை அமல்படுத்துவது குறித்து மத்திய அரசுக்கு உத்தரவுகளை அளிக்கும் என்று தெரிவித்துள்ளது.

பிற செய்திகள்:

சமூக ஊடகங்களில் பிபிசி தமிழ்: