АКС: Ҳаяҷони кӯдакон аз мушоҳидаи парвози болун дар Қурғонтеппа

  • 17 Декабр, 2014

Рузи сешанбеи 16 декабр дар варзишгоҳи "Пахтакор"-и шаҳри Қурғонтеппа дар ҳузури беш аз панҷ ҳазор кӯдакону навҷавонон аз 17 мактаби ин шаҳр парвози болуне ба ҳаво сурат гирифт.

  • Намояндагии Сандуқи Кӯдакони СММ ё Юнисеф дар Тоҷикистон ба хотири таҷлил аз 25-умин солрӯзи таъсисаш барои кӯдакони Тоҷикистон барномаи фарҳангие дар шаҳри Қурғонтеппа, маркази вилояти Хатлон, баргузор кард.

  • Намунаҳое аз нақошиҳои шогирдони макотиби шаҳри Қурғонтеппа ва намунаҳои ҳунари дастӣ низ ба намоиш гузошта шуда буд.

  • Шогирдони макотиби шаҳри Қурғонтеппа барномаи фарҳангие иборат аз рақсу суруд дар ҳузури ҳамсолони худ дар ин рӯз иҷро карданд.

  • Ин болуни ҳавоӣ қабл аз сафараш ба Тоҷикистон дар кишварҳое мисли Ню Зеланд, Тойлонд, Устролиё, Комбуҷ, Лоус, Чин парвоз кардааст.

  • Рақси суннатии чинӣ дар иҷрои духтарони тоҷик.

  • Гурӯҳи навҷавонони доиранавоз, ки дар ин барнома ширкат доштанд, мегӯянд, ки бисёр мехостанд бар фарози шаҳрашон бо болун парвоз кунанд.

  • Дар кишварҳои Осиёи Миёна ин болун дар барномаҳои таҷлил аз солрӯзи Юнисеф дар Қазоқистон ва Қирғизистон низ ба парвоз даромадааст

  • Шогирдони 17 мадраса дар шаҳри Қурғонтеппа аз ҷумлаи тамошочиёни ин барнома буданд.

  • Болун тавҷҷуҳи кӯдакону навҷавононро ба худ ҷалб кард, зеро аксари онҳо ҳаргиз парвози онро аз наздик надида буданд.

  • Фарзандони кормандони бархе аз созмонҳои байналмилалӣ бо лаптоп ва гӯшиҳои ҳушманд парвози болунро филмбардорӣ карданд.

  • Бо парвози болун ба ҳаво навҷавонон низ бодкунакҳои худро раҳо карданд

  • Дар ҳангоми овозхонии ин духтарбача барқ дар варзишгоҳ рафт ва мусиқӣ қатъ шуд, ки ин боъиси нороҳатӣ ва дилозурдагии ӯ гашт.

  • Донишомӯзони макотиби варзишии шаҳри Қурғонтепа ҳунари худро дар варзишҳои размӣ намоиш доданд.

  • Парвози болун ҳаяҷон ва шавқу шӯри кӯдакону навҷавононро барангехт.

  • Лаҳазоте қабл аз иҷрои барнома барои рақсандаҳои ҷавон.

  • Барои таъмини амният ва назм маъмурони ниҳодҳои зирабт дар маҳал ҳозир буданд.

  • Як гурӯҳи духтарон бо роҳбарии як хонуми чинӣ, ки устоди рақси онҳо буд, рақси суннатии чиниро иҷро карданд.

  • Пас аз 15 килуметр парвоз дар ҳумаи шаҳри Қурғонтеппа ин болун фуруд омад.

  • Мубтакирони баргузории ин барнома гуфтанд, ки ин болун дар кишварҳои дигари ҷаҳон парвози худро идома хоҳад дод.