Марги сарбози конодоӣ др тирандозӣ дар Утово; омодабош дар пойтахт

Image copyrightAP

Як марди мусаллаҳ як сарбозро дар як бинои ёдбуди ҷанг дар шаҳри Утово ба зарби гулӯла куштааст. Дақоиқе баъд пулис дар дохили сохтмони порлумон бо як фарди мусаллаҳ даргир шуд ва ӯро кушт.

Пулис таъйид кард, ки марди муҳоҷим кушта шудааст бо ин ҳол пойтахти Конодо дар тамоми рӯз дар ҳолати омодабош буд, чун аз вуҷуди мазнунони дигар нигаронӣ вуҷуд дошт.

Маълум нест, ки қотили сарбози конодоӣ ҳамон муҳоҷиме бошад, ки дар дохили порлумон бо пулис даргир ва кушта шуд.

Истивен Ҳорпер, нахуствазири Конодо, гуфт, ки кишвар "аз ин хушунат маръуб нахоҳад шуд."

Муҳоҷим пушти дари утоқе, ки нишасти кобина ба раёсати нахуствазири Конодо дар он дар ҷараён буд, бо пулис даргир шуд.

Мақомҳо мегӯянд, ки муҳоҷимон шояд беш аз як нафар буда бошанд.

Хабаргузориҳо дар Омрико ва Конодо ба нақл аз мақомҳои номбурданашудаи конодоӣ гузориш додаанд, ки муҳоҷими мусаллаҳе, ки кушта шуда, Мойкл Зиҳоф Биу ном дорад.

Ҳодиса субҳи рӯзи чаҳоршанбе шурӯъ шуд, замоне ки ду сарбози муҳофизи банои ёдбуд ҳадафи тирандозии марде, ки аслиҳа ҳамл мекард, қарор гирифтанд. Дақоиқе пас аз ин тирандозӣи марде дар дохили порлумон вориди даргирии мусаллаҳона бо пулис шуд.

Нитон Сирилу, яке аз ин ду сарбоз, дар асари ҷароҳоти ворида даргузашт. Се нафари дигар дар бемористон таҳти мудово қарор гирифтанд, аммо мураххас шуданд.

Оқои Ҳорпер асри чаҳоршанбе чизе дар бораи собиқаи фарди муҳоҷим ё ангезаи эҳтимолии ӯ нагуфт: "Дар рӯзҳои оянда чизҳои бештаре дар бораи ин терурист ва ҳар ҳамдасте, ки мумкин аст ба ӯ кумак карда бошад, хоҳем омӯхт."

Тирандозӣ танҳо соъоте пас аз он оғоз шуд, ки сатҳи ҳушдори терруристӣ дар Конодо аз пойин ба мутавассит тағйир пайдо кард.

Яке аз мақомҳои давлатӣ гуфтааст, ки боло бурдани сатҳи ҳушдор дар вокуниш ба нишонаҳое аз ташдиди фаъолияти интернетии гурӯҳҳои тундрави мисли "Давлати исломӣ" ва Алқоъида сурат гирифтааст.

Донишгоҳи Утово, ки дар наздикии порлумон аст, баста шуда ва сафорати Омрико дар Конодо ҳам эълом карда, ки муваққатан таътил мешавад.

Борок Убомо, раиси ҷумҳурии Омрико, дар тамосе телефунӣ бо оқои Ҳорпер ин ҳамаларо маҳкум карда ва бар дӯстии наздики ду кишвар таъкид кардааст.

Ин ҳафта ҳамчунин як сарбози конодоии дигар дар тасодуфи ронандагӣ кушта шуд.

Ба гуфтаи шоҳидон дирӯз фарде омидона ба сӯйи сарбоз ронд ва онҳоро зер гирифт, ки яке аз онҳо даргузашт ва дигаре маҷрӯҳ шуд. Худи ронанда ҳам бо шиллики пулис кушта шуд.

Бино ба гузоришҳо ин шахс тоза ба ислом гаравида буд

Баҳмани Калбосӣ, хабарнигори Би-би-сии форсӣ, ки ба Утово рафтааст, мегӯяд дар Конодо бархе аз ирнтиботи ҳодисаи дирӯз ва имрӯз нигарон ҳастанд.

Расонаҳои Конодо паёмҳое аз аъзои Доъиш дар шабакаи иҷтимоъӣ мунташир карданд, ки дар он аз касе ки сарбозҳоро зер гирифтааст, таҷлил шудааст.

Ин кишвар пештар дар моҳи ҷорӣ эълом кард, ки ба амалиёти ҳавоии таҳти раҳбарии Омрико барои анҷоми ҳамалот ба Доъиш мепайвандад.

Аммо наметавон таъйид кард, ки ҳамалоти ин ҳафта ба Доъиш ё амалиёти тозаи низомии Конодо иртиботе доштааст.