Шаш тоҷик аз Русия ихроҷ шуд

  • 25 Апрел, 2014

Шаш шаҳрванди Тоҷикистон бо иттиҳоми ҳузури ғайриқонунӣ дар Русия аз вилояти Смоленски ин кишвар ихроҷ шуданд.

Бино ба иттилоъи Идораи муҳоҷирати Русия, дар маҷмӯъ 22 муҳоҷири хориҷӣ, шаҳрвандони Ӯзбакистон, Ветном, Укройн, Марокаш, Озорбойҷон ва Арманистон бо иттиҳоми мушобеҳ аз Русия берун шудаанд.

Ин манбаъ гуфтааст, ба ин афрод бо маблағи буҷети давлати Русия чиптаи ҳавопаймо харидорӣ шуда ва ба кишварҳояшон эъзом шудаанд.

Тибқи қавонини Русия афроди хориҷии ихроҷшуда дар муддати 5 соли оянда аз ҳаққи вуруд ба ин кишвар маҳрум хоҳанд шуд.