Ускори беҳтарин филм барои нахустин бор ба филме ба коргардонии як сиёҳпӯст расид
Image copyrightReuters"Дувоздаҳ сол бардагӣ" достони зиндагии як сиёҳпӯсти озод, ки рабуда ва ба унвони барда фурӯхта мешавад, Ускори беҳтарин филмро дар ҳаштоду шашумин ҷавоизи синемоии Ускор аз они худ кард.
Истив Маккуин, нахустин коргардони сиёҳпӯсте, ки филмаш Ускори беҳтарин филмро бурда, ин ҷоизаро ба тамоми касоне тақдим кард, ки ранҷи бардагиро кашидаанд.
Коргардони инглисии мутаваллиди Ландан ҳангоми дарёфти ҷоиза гуфт: "Ҳама инсонҳо ҳақ доранд, ки зиндагӣ кунанд, на ин ки фақат зинда бимонанд."
Лупито Нюнгу бозигари 31-солаи кениёиуласл ҳам барои бозӣ дар ҳамин филм ҷоизаи беҳтарин бозигари мукаммили занро гирифт.
"Дувоздаҳ сол бардагӣ" ускори беҳтарин филмномаи иқтибосиро ҳам ба даст овард ва ин ҷоиза ба Ҷон Ридлей таъаллуқ гирифт.
Алфонсу Куорун, коргардони мекзикии "Ҷозиба", нахустин коргардони лотин шуд, ки Ускори беҳтарин коргардониро ба даст овардааст.
Куорун қудрати "мутаҳаввилкунандаи" синеморо ситоиш кард ва Сондру Булок, бозигари филмашро "ҷону дил"-и филм донист.
Ин филм, ки сохти он панҷ сол тӯл кашид, Ускори беҳтарин тадвин, беҳтарин мусиқии матни уриҷинол, беҳтарин тасвирбародрӣ ва беҳтарин ҷилваҳои вижаро ҳам ба даст овард.
Кейт Блоншет, бозигари устролиёӣ барои дувумин бор Ускори беҳтарин ҳунарпешаи нақши аввали занро бурд, барои филми "Ҷосмини ғамгин" ба коргардонии Вудӣ Олан.
Аммо ҷоизаи беҳтарин бозигари мардлро Метию Мак Коноҳӣ барои ифои нақши як бемори мубтало ба эйдз дар филми "Клуби муштариёни Долос" ба даст овард.
Мак Коноҳӣ барои бозӣ дар ин филм беш аз бист килу вазн кам кард ва шаш моҳ аз хона берун нарафт, то пӯсташ рангпарида шавад
Ҳамбозии ӯ дар ин филм Ҷейрд Лету, ки нақши як марди тароҷинсии мубтало ба эйдзро бозӣ кард, барандаи ҷоизаи беҳтарин бозигари нақши мукаммили мард шуд. Лету, ки барои бозӣ дар ин филм чаҳордаҳ килу вазн кам карда буд, ин ҷоизаро ба касоне тақсим кард, ки ба иллати эйдз даргузаштаанд
Ускори беҳтарин филми ғайризабони инглисӣ ба Поулу Сурентину барои филми итолиёии "Зебоии бузург" расид.
