Қатли фаҷеъи як духтари 22 сола дар Истравшани вилояти Суғд

Вазорати умури дохилаи Тоҷикистон аз аз боздошти се нафар аз сокинони ноҳияи Иставшани вилояти Суғд ба занни қатли фаҷеъи як духтари 22 сола дар ин ноҳия хабар додааст.

Тибқи иттилоъи сойти расмии ин ниҳод, додгоҳҳо ин се нафар аз афроди боздоштшударо дар гузашта низ барои содир кардани ҷароими мухталиф маҳкум ба зиндон кардаанд.

Пулис аз ин ин афрод Эҳроми Бозор, Аслон Fзимбоев ва Илҳом Алиқулов ном бурдааст ва гуфтааст, ки онҳо дар як зиндон ба сар бурда ва бо ҳам дӯст шудаанд .

Тавре ки дар хабар омадааст, ин се нафар аз сокинони Истаравшан қатли Мақсуда Қузиеваи 23 соларо аз қабл тарҳрезӣ карда ва ӯро бо утумубил ба ҳаволии деҳаи Охтанги ҷамоъати Шаҳристон интиқол дода ва дар он ҷо ба таври фаҷеъ ба қатл мерасонанд.

Кормандони пулис мегӯянд, ки таҳқиқоти муқаддамотӣ ҳокист, ки Эҳроми Бозор дар ин қатл нақши бештаре доштааст ва ду ҳамдасти дигари ӯ барои сӯзондани ҷасади ин духтар ба вай кумак кардаанд.

Кормандони пулис дар робита ба ин ҳодиса парвандаи ҷиноиро тибқи моддаи 104 қонуни кайфархоҳи Тоҷикиcтон боз ва таҳқиқоти онро барои ифшо кардани ангезаҳои ин қатл идома медиҳанд.

Ин дар ҳолест, ки ҳафтаи қабл низ пулис аз қатли як зан аз сӯйи шавҳараш дар ноҳияи Файзободи Тоҷикистон хабар дода буд. Аммо он замон кормандони пулис гуфтаанд, ки ин мард гирифтори бемории равонӣ буда ва дар вақти хурӯҷи беморӣ даст ба қатли ҳамчараш задааст.