"Бузургтарин паҳподи эронӣ" рӯнамоӣ шуд
Вазорати дифоъ ва пуштибонии нерӯҳои мусаллаҳи Эрон мегӯяд як ҳавопаймои бидуни сарнишини ҷадид сохта, ки бузургтарин паҳподе аст, ки то кунун дар Эрон тавлид шудааст.
Ҳусайн Деҳқон, вазири дифоъи Эрон дар маросими муъаррифии 'паҳподи Футрус' тарроҳии онро 'мутаносиб бо ниёзҳои нерӯҳои мусаллаҳи Эрон" хонд ва гуфт ки бурди он ҳудуди 2000 килуметр аст.
Ин шуъоъи амалиётӣ бахши бузурге аз минтақаи Ховари Миёна аз ҷумла Исроилро дар бар мегирад.
Ба гуфтаи вазири дифоъи Эрон паҳподи Футрус бо сақфи парвозе 25 ҳазор по илова бар маъмуриятҳои шиносоӣ ва муроқибат, қобилияти мусаллаҳ шудан ба мушакҳои ҳаво ба замин ва анвоъи рокетро ҳам дорад.
Мушаххасоти фаннии эъломшуда барои паҳподи ҷадид нишон аз шабоҳатҳои он ба мудели қадимитари "Шоҳид 129" дорад, бо ин тафовут, ки ба гуфтаи вазири дифоъи Эрон ҳадди аксари замони парвози он ба 30 соъат мерасад, ки 6 соъат бештар аз қаблӣ аст.
"Мувозибат аз марзҳои дарёӣ ва хушкӣ, дидабонӣ аз хутути лӯлаҳои нафтӣ, мухобиротӣ, кунтрули трофики ҷодаҳо, дидабонии манотиқи ҳодисадида дар зилзила, оташсӯзӣ ва сел, муҳитбонӣ барои ҳифозат аз муҳити зист ва ирсоли филм ва аксҳои дақиқ дар тамоми тӯли муддати маъмурият" аз дигар қобилиятҳо аст, ки барои паҳподи Футрус муаррифӣ шудааст.
Оқои Деҳқон гуфтааст ки вазорати дифоъи Эрон дар тарроҳӣ ва сохти анвоъи паҳподҳои "офандӣ, падовандӣ ва шиносоӣ" ба худкафоӣ расида ва аз таҳқиқ рӯйи "мудел ва тарҳҳои мутаъаддиде" дар ин замина хабар додааст.
Вазири дифоъи Эрон таҳримҳои байналмилалиро дар масири "пешрафти саноеъи дифоъии Эрон" беасар донистааст.
Эрон ҳар аз чанд гоҳе аз таҷҳизоти низомии ҷадид монанди ҳавопаймо, тонк, мушак, зердарёӣ ва паҳпод рӯнамоӣ мекунад, ки таъйиди баъзе аз ин дастовардҳо ба сурати мустақил имконпазир нест.
