АКС: Вазъияти нобиноён дар Тоҷикистон; интизороти онҳо аз интихобот

Бархе аз нобиноён дар Тоҷикистон мегӯянд, ки аз раисҷумҳури оянда интизор доранд корхонаҳои вижа барои нбиноёнро фаъъол кунад.

Дар даврони Шӯравӣ анҷумани нобиноён 11 корхонаи вижа дошт, ки беш аз 80 дарсади кормандони онҳоро афроди нобино ва дорои навоқиси биноӣ ташкил медоданд.

Яке аз корхонаҳои вижа барои нобиноён дар маҳаллаи мавсум ба “Ҳаёти нав” (дар гузашта “Гулистон”)-и ноҳияи Ҳисор воқеъ аст.

Аксари таъсисоти идории маҳаллаи "Ҳаёти нав" куҳнаву фарсуда шуда ва ниёз ба бозсозӣ доранд.

Корхонаи таълимӣ ва тавлидӣ барои нобиноён дар ноҳияи Ҳисор аз бузургтарин корхонаҳои анҷумани нобиноён дар Тоҷикистон маҳсуб мешавад.

Нозимҷон Шарипов, масъули бахши фарҳангии маркази нобиноён, мегӯяд, ки сохтмони ин марказ тайи ду даҳаи ахир таъмир нашуда ва ба вайронае мубадал шудааст.

Дар деворҳои маркази фарҳангӣ ва ҳунарии нобиноён дар ноҳияи Ҳисор ҳамчунон наққошиҳои даврони Шӯравӣ ба назар мерасанд.

Аъзои анҷумани нобиноён дар Ҳисор мегӯянд китобхонаи онҳо, ки кутуби нодире бо ҳуруфи брейлӣ дорад, дар ҳоли хароб шудан аст.

Сақфи китобхона сурох буда ва дар фасли баҳор ва зимистон китобҳо хис (тар) мешаванд.

Дар дохили бархе аз биноҳои маҳаллӣ ҳамчунон шиъорҳои даврони Шӯравӣ ба назар мерасанд.

Афроди нобино дар ноҳияи Ҳисор мегӯянд аз номзадҳо хоҳанд хост, ки дар сурати пирӯзӣ дар интихобот ба масоили нобиноён расидагӣ кунанд.

Бештари аъзои Анҷумани нобиноён мегӯянд, ки омодаи ширкат дар интихобот ҳастанд.

Аммо ин зани ҷавон, ки Гулистон ном дорад, мегӯяд, ки аз рафтан ба маркази раъйгирӣ дар рӯзи интихобот худдорӣ хоҳад кард, зеро ба гуфтаи ӯ роҳҳо хароб аст ва ӯ камтар аз хона берун меравад

Танҳо чойхонаи мавҷуд дар шаҳраки "Ҳаёти нав" ба иҷора дода шуда ва афроди нобино ҷойи дигаре барои гирдиҳамоӣ ва тафреҳ надоранд

Сайлӣ Сафарова мегӯяд, ки дар кулбаи вайронааш ба ҷуз ӯ, писари маълул ва арӯси нобинояш ҳам ба сар мебаранд.

Дар корхонаи нобиноён дар маҳаллаи “Ҳаёти нав” дар гузашта беш аз 1200 нафар кор мекарданд. Ҳудуди 800 нафар аз онҳо афроди нобино буданд ва даромади хубе доштанд.

Беш аз 70 дарсади сокинони маҳаллаи “Ҳаёти нав”-ро нобиноён ташкил медиҳанд. Онҳо дар гузашта як толори хуби варзишӣ ва ҷойе барои бозии шатранҷ доштанд.

Бархе аз нобиноён мегӯянд, ки шикоёту дархостҳои онон ба раиси ҷумҳур барои фаъъол сохтани корхонаи нобиноён ҳамвора беҷавоб аст. Дафтари раиси ҷумҳур маъмулан ин номаҳоро ба Додситонии кул мефиристад, вале мушкилоти нобиноён ҳал то ҳол нашудааст.

Бузургсолон маъмулан дар назди биное, ки қаблан ошхона буд, гирдиҳам меоянд ва ахбору иттилоъоти ҷадид дар бораи вазъи Тоҷикистону ҷаҳонро бо ҳам мубодила мекунанд