Сиёсатмадори чинӣ расман ба ришвахорӣ ва сӯистифода аз қудрат муттаҳам шуд

Яке аз мақомоти собиқи Чин расман ба ришвахорӣ ва сӯистифода аз қудрат муттаҳам шудааст.

Рӯзи панҷшанбеи 25 июл, расонаҳои хабарии Ҷумҳурии Халқи Чин гузориш карданд, ки Бу Шилой, дабири собиқи дафтари ҳизби кумунист дар шаҳри Чунгкинг, ки ба занни ришвахорӣ ва сӯистифода аз мақом дар боздошт ба сар мебарад, бо ҳузур дар додгоҳ, расман тафҳими иттиҳом шуда ва муҳокимаи ӯ базудӣ оғоз хоҳад шуд.

Чунгкинг, дар ҷануби ғарби Чин, яке аз шаҳрҳои умдаи Чин ва аз марокизи умдаи иқтисодии ин кишвар аст.

Оқои Бу, ки замоне аз вузарои кобина ва ҳамчунин узви дафтари сиёсии ҳизби кумунисти Чин буд, барҷастатарин мақоми ин кишвар аст, тайи чанд даҳаи ахир ва аз замони оғози озодсозии нисбии фазои сиёсии Чин муҳокима мешавад.

Хабаргузории давлатии Шинҳуо дар гузорише дар ин замина ба нақл аз манобеъи додситонии устони Шондунг, маҳалли расидагӣ ба парванда, навиштааст, ки додхост алайҳи Бу Шилой барои расидагӣ ба додгоҳи кайфарии шаҳри Ҷинон, маркази ин устон, ирҷоъ шудааст.

Дар ин гузориш ба нақл аз додхост омадааст, ки "Бу Шилой бо сӯистифода аз мавқеъияти давлатии худ заминаи баҳрабардории молӣ соиринро фароҳам оварад ва худ низ ришваҳои калонеро ба шакли пули нақд ва амлок дарёфт кард."

Ихтилоси амволи умумӣ низ яке дигар аз иттиҳомоти оқои Бу унвон шудааст.