Таҳқиқ аз женероли бознишастаи омрикоӣ дар мавриди ҳамлаи Истокснет алайҳи Эрон
Ба гузориши як шабакаи хабарии Омрико қарор аст аз яке аз женеролҳои саршиноси бознишастаи туфангдорони дарёии Иёлоти Муттаҳида дар иртибот бо дарзи иттилоъоти табақабандишудаи марбут ба ҳамлаи сойберӣ ба таъсисоти ҳастаии Эрон таҳқиқоте шавад.
Ба гуфтаи шабакаи хабарии Эн-Би-Сии Омрико, вазорати додгустарии Иёлоти Муттаҳида ба женероли бознишаста Ҷеймз Кортройт иттилоъ дода, ки дар иртибот бо ин парванда аз ӯ таҳқиқоте сурат хоҳад гирифт.
Женерол Кортройт 63 сола, байни солҳои 2007 то 2011 муъовини ситоди муштараки артиши Омрико буд.
Аз Ҷеймз Кортройт дар давраи қабл аз бознишастагӣ дар соли 2011 ба унвони яке аз афроди наздик ба мушовирони амниятии Борок Убомо ном бурда мешуд.
Бадафзори Истокснет дар соли 2010 махфиёна вориди таъсисоти атумии Эрон шуд ва боъиси харобии синтрифужҳое шуд, ки дар ғанисозии урониюм корбурд дошт.
Масъулияти ҳамлаи Истокснетро касе бар уҳда нагирифт, аммо коршиносони амниятиинтернет эълом карданд, ки чунин бадафзори печидае бидуни ҳимоят ва бархӯрдорӣ аз имконоти як давлат қобили тарроҳӣ набудааст.
