Дифоъи Убомо аз корбурди 'одилонаи' ҳавопаймоҳои бидуни сарнишин

Борок Убомо, раиси ҷумҳурии Иёлоти Муттаҳида корбурди ҳавопаймоҳои бидуни сарнишин барои ҳадаф қарор додани тундравони хатарнокро дифоъи одилона надонистааст.

Оқои Убомо дар як суханронӣ, ки рӯзи панҷшанбе анҷом шуд, гуфт чунин ҳамалоте замоне анҷом мешавад, ки банисбат итминон ҳосил шавад, ки мунҷар ба талафоти ғайринизомӣ нахоҳад шуд.

Ӯ ҳачунин бори дигар хоҳони таътил шудани боздоштгоҳи низомии Гуонтоному шуд.

Раиси ҷумҳурии Омрико ҳамчунин аз корбурди ҳавопаймоҳои бидуни сарнишин барои ҳадаф қарор додани чаҳор шаҳрванди ин кишвар дар Яман ва Покистон дифоъ кард.

Оқои Убомо, ки дар донишгоҳи дифоъи миллӣ дар шаҳри Вошингтун суханронӣ мекард, гуфт: "Мо дар ҳоли ҷанг бо созмоне ҳастем, ки то ҳадди тавон омодаи куштани шаҳрвандони омрикоӣ аст, магар ин ки ҷилавашонро бигирем."

Ба гуфтаи Борок Убомо, корбурди ҳавопаймоҳои бидуни сарнишин одилона аст ва ба унвони охирин гузинаи мумкин дар дифоъ аз худ ба кор гирифта мешавад.

Борок Убомо ҳамчунин гуфт: "Дар ҳоле ки ҷанги мо вориди марҳилаи ҷадиде, иддаъои машрӯъи Омрико дар дифоъ аз худ поёни баҳс нахоҳад буд. Қонунӣ ва муассир донистани як токтики низомӣ ба маънии ин нест, ки дар ҳама маворид оқилона ва ахлоқӣ аст."

Оқои Убомо гуфт, ки давлати ӯ ҳозир аст назорати бештаре бар амалиёти ҳавопаймои бидуни сарнишин дар хориҷ аз манотиқи ҷангӣ монанди Афғонистон сурат бигирад.

Гурӯҳҳои мудофеъи ҳуқуқи башар аз корбурди ин ҳавопаймо барои ҳадаф қарор додани тундравон интиқод кардааст.

Ба гуфтаи оқои Убомо, ҷанги абадӣ алайҳи терурисм бо ба коргирии ҳавопаймоҳои бидуни сарнишин амалиёти нерӯҳои вижа ё эъзоми нерӯ ба манофеъи Омрико зарба хоҳад зад.

Ҳангоме ки оқои Убомо дар бораи иқдомҳои суратгирифта барои таътил кардани зиндони Гуонтоному суҳбат мекард, яке аз ҳуззор суханронии ӯро қатъ кард.

Оқои Убомо дар вокуниш гуфт: "Ба ин хонуми ҷавон иҷоза медиҳам суханамро қатъ кунад, чаро ки ин мавзӯъе аст, ки арзиш дорад бо он эҳсосӣ бархӯрд шавад."

Оқои Убомо ҳамчунин гуфт: "Гуонтоному дар тамоми ҷаҳон ба нумоди омрикое табдил шуда, ки қонунро таълиқ мекунад."

Оқои Убомо аз намояндагони кунгре хост монеъ аз талоши ӯ барои интиқоли зиндониёни боздоштгоҳи Гуонтоному ба зиндонҳои фавқиамниятӣ дар дохили хоки Омрико нашаванд.

Ӯ гуфт: "Ҳеҷ кас то кунун аз зиндонҳои фавқиамниятӣ ва низомии Иёлоти Муттаҳида нагурехтааст."

Талоши Борок Убомо барои таътил кардани зиндони Гуонтоному дар ибтидои давра нахусти раёсати ҷумҳуриаш ба иллати мухолифати кунгре муваффақиятомез набуд.

Оқои Убомо гуфт намояндагонеро аз вазоратхонаҳои дифоъ ва умури хориҷа таъйин хоҳад кард, то бо кишварҳои дигар барои интиқоли зиндониёни Гуонтоному музокира кунанд.

Раиси ҷумҳурии Омрико ҳамчунин аз лағви мамнӯъияти мубодилаи ин зиндониён бо Яман хабар дод, иқоме, ки аз сӯйи баъзе аз ҷумҳурихоҳони кунгре ба хотири "ғайриқобили эътимод будани мақомҳои яманӣ" мавриди интиқод қарор гирифтааст.

Суханронии оқои Убомо бо судури дастурамали корбурди ҳавопаймоҳои бидуни сарнишин дар манотиқи ғайриҷангӣ монанди Покистон,Сумолӣ ва Яман ҳамзамон буд.

Кохи Сафед эълом кардааст, ки бар асоси ин дастурамал авлавияти давлати Омрико боздошти мазнунон ба терурисм аст ва ҳавопаймоҳои бидуни сарнишин дар сурате ба кор гирифта мешаванд, ки Омрико "ба таври мустамар ва фаврӣ" дар маърази хатар бошад.