Тосӣ эҳтимоли бемории қалбиро дар мардон 'афзоиш медиҳад'

  • 4 Апрел, 2013
Image caption Байни тосии пеши сар ва бемории курунерии қалбӣ робитае дида нашудааст ва фақат байни тосии васати сар бо ин беморӣ иртиботе вуҷуд дорад

Натоиҷи таҳқиқоти донишмандони жопунӣ, ки рӯйи 37 ҳазор нафар анҷом гирифта, нишон медиҳад эҳтимоли бемории рагҳои курунерии қалб дар мардоне, ки тос ҳастанд, 32 дарсад бештар аст, аммо ин хатар ба андозаи хатари чоқӣ ва сигор кашидан нест.

Донишмандони донишгоҳи Тукию бо баррасии натоиҷи таҳқиқоти гузашта, пас аз ҳазфи авомиле мисли собиқаи хонаводагӣ ва син, мутаваҷҷеҳи чунин робитае шуданд. Албатта резиши мӯйи пеши сар ё ба истилоҳ ақиб нишастани хатти рӯйиши мӯ таъсире дар афзоиши хатари бемории уруқӣ надошт.

Дуктур Тумуҳиде Ёмодо, устоди донишгоҳи Тукию ба Би-би-сӣ гуфт: "Мо робитае возеҳ, аммо хафифи байни тосӣ, ҳадди ақал тосии фарқи сар ва бемории уруқи курунерии қалб пайдо кардаем.

Мо фикр мекунем робитае байни ин ду вуҷуд дорад, аммо на ба қуввати робитае, ки байни сигор кашидан, чоқӣ ё боло будани фишори хун ва клустерул вуҷуд дорад. Бинобар ин ниёзе ба баррасии (ғирболгарии) бемории қалбӣ дар мардони тосӣ вуҷуд надорад."

Бо ин ҳол, Анҷумани Қалби Бритониё мегӯяд ин мавзӯъ набояд боъиси тавҷҷуҳи беш аз андозаи мардон ба тосӣ шавад, зеро ин падидае табиъӣ аст. Дар ниме аз мардон то панҷоҳсолагӣ мӯйи сар тунук мешавад ва то ҳафтодсолагӣ дар бештари мардон дарсаде аз тосӣ дида мешавад.

Ӯ гуфт мардони ҷавоне, ки дучори резиши мӯ ҳастанд, ба ҷойи тамаркуз бар мӯйҳояшон бояд ба солим будани сабки зиндагиашон таваҷҷуҳ нишон диҳанд.

Ҳанӯз тавзеҳи рӯшане барои иртиботи тосӣ бо бемории уруқи қалб вуҷуд надорад, аммо шояд ҳамон иттифоқе, ки дар бемориҳои курунерӣ дар рагҳои қалб меафтад (афзоиши ҳассосият ба ҳурмунҳои мардона, муқовимат ба инсулин ва илтиҳоб) дар рагҳои пӯст боъиси тосӣ мешавад.

Дуириён Мадук, парастори бемориҳои қалбӣ дар Анҷумани Қалби Бритониё мегӯяд: "Бо ин ки натиҷаи ин таҳқиқ ҷолиб аст, аммо набояд мардонеро, ки тосӣ шудаанд, нигарон кунад. Наметавон монеъи резиши мӯйи ирсӣ шуд, аммо парҳез аз сигор кашидан, фаъъолият ва варзишу вазни муносиб дар ихтиёри худи афрод аст."

Потрик Вулф, пруфессури устоди донишгоҳи коллеҷи Ландан мегӯяд ҳанӯз ин иртибот "комилан шинохташуда нест" ва бояд дар оянда таҳқиқоти бештаре сурат гирад.

То он замон нигарони резиши мӯ набошед, варзиш кунед, сигор накашед ва фишори хун ва кулеструлро кунтрул кунед ва нагзоред вазн боло равад.

Матолиби муртабит