Бумбафканҳои омрикоӣ бар фарози Куреи Ҷанубӣ ба парвоз даромаданд
Дар ҷараёни размоиши муштараки Омрико ва Куреи Ҷанубӣ ду бумбафкани B-52- и Омрико бар фарози осмони Куреи Ҷанубӣ ба парвоз даромаданд.
Дар пайи изҳороти таҳрикомези мақомоти Куреи Шимолӣ ва як рӯз пас аз он ки ин кишвар хатти телефунии изтирории низомӣ бо Куреи Ҷанубиро қатъ кард, Омрико ин ду бумбафканро ба парвоз даровард.
Аз ин хатти телефунӣ умдатан барои барқарории иртибот ва танзими рафтуомади коргарони куреии муҷтамаъи санъатии Коисунг истифода мешавад.
Беш аз 140 коргари Куреи Ҷанубӣ имрӯз 8 фарвардин (27 март) баъд аз гирифтани иҷоза аз Куреи Шимолӣ аз марз убур карданд ва сари кори худ дар ин муҷтамаъ ҳозир шуданд.
Мақомоти Куреи Шимолӣ аз як хатти телефунии оддӣ барои анҷоми ҳамоҳангиҳои лозим барои рафтуомади коргарон истифода мекунанд.
Пружаи муштараки Коисунги ду Куре манбаъи даромаде барои Куреи Шимолӣ аст, ки шадидан ба он ниёз дорад.
Қариб ба 120 ширкати Куреи Ҷанубӣ ва 50 ҳазор коргари Куреи Шимолӣ дар муҷтамаъи Коисунг кор мекунанд.
Размоиши Куреи Ҷанубӣ ва Омрико ва таҳримҳои ҷадиде, ки пас аз озмоиши ҳастаии моҳи гузаштаи Куреи Шимолӣ алайҳи ин кишвар вазъ шуд, Куреи Шимолиро шадидан хашмгин кардааст.
Куреи Шимолӣ дар ҳафтаҳои ахир борҳо Омрико ва Куреи Ҷанубиро таҳдид карда ва аз ҷумла аз як ҳамлаи боздорандаи ҳастаӣ алайҳи таъсисоти низомии Куреи Ҷанубӣ ва Омрико сухан ба миён овардааст.
Тасаввур намеравад, ки Куреи Шимолӣ дорои фановарии ҳамла бо силоҳи ҳастаӣ ё мушакҳои болистик ба Омрико бошад, аммо метавонад баъзе пойгоҳҳои Омрико дар Осиё ва Уқёнусияро бо мушакҳои миёнбурд ҳадафи ҳамла қарор диҳад.
Омрико дар як баёнияи низомӣ гуфта, ки парвози ҷангандаҳои Стилт бар фарози Куреи Ҷанубӣ бахше аз амалиёти размоиши низомии ду кишвар аст.
Авоили моҳи ҷорӣ Омрико иттилоъ дода буд, ки аз ҷангандаҳои бумбафкани ҳастаии B-52 дар размоиши муштарак бо Куреи Ҷанубӣ истифода хоҳад кард ва ин мавзуъ хашми фаровони Куреи Шимолиро барангехт.
Чок Ҳайгел, вазири дифоъи Омрико дар як гуфтугӯи телефунӣ бо Ким Куон Ҷин, вазири дифоъи Куреи Ҷанубӣ гуфтааст, ки Омрико қотеъона аз он кишвар ҳимоят хоҳад кард.
Вазири дифоъи Омрико ҳамчунин гуфт, ки Куреи Ҷанубӣ ва Омрико "дар барқарории суботи шибҳҷазираи куре нақши муҳиме дорад".
Дар баёнияи низомии Омрико омадааст, ки парвози ҷангандаҳои бумбафкани Стилт нишон дод, ки Омрико комилан тавоноии кумак ба Куреи Ҷанубиро дорад ва метавонад барои ҳимоят аз соири муттаҳидонаш дар минтақаи Осиё Посифик амал кунад.
