London Marathon 2019: Eliud Kipchoge ashinda London Marathon mara ya nne mfulululizo

Usomaji maandishi tu kupunguza gharama za data

Mkenya Eliud Kipchoge ashinda London Marathon 2019 — Maelezo ya picha, Mkenya Eliud Kipchoge

28 Aprili 2019

Muda wa kusoma: Dakika 2

Mkenya Eliud Kipchoge ameshinda London Marathon kwa mara ya nne mfululizo.

Kipchoge, 34, ambaye alivunja rekodi ya dunia ya mbio hizo mjini Berlin mwaka jana, alikamilisha mbio za leo kwa muda wa saa mbili dakika mbili na sekunde thalathini na nane (2: 02: 38.)

Waethiopia Mosinet Geremew na Mule Wasihun walimaliza katika nafasi ya pili na ya tatu nyuma ya Kipchoge, ambaye alikosa kuvunja rekodi yake mwenyewe ya Dunia kwa sekunde 59 ambayo ilikua 2:01:39.

Muingereza Mo Farah alichukua nafasi ya tano baada ya kumaliza dakika 3 na sekunde moja nyuma ya Kipchoge, huku Muingereza Callum Hawkins akimaliza katika nafasi ya 10.

Ruka X ujumbe

Ruhusu maudhui? (Mitandao ya kijamii)

Mkala hii imebeba madhui yaliyotoka kwenye mitandao ya kijamii. Tunaomba ruhusa yako kabla kitu chochote hakija pakiwa, sababu wanaweza wakawa wanatumia Cookies na tekinolojia nyingine. Unaweza ukasoma sera sera ya kutumia cookies katika mitandao ya kijamii kabla ya kukubali. Kutazama maudhui haya chagua accept and continue

Onyo: Imetoka kwingine na inaweza kuwa na matangazo

Mwisho wa X ujumbe

Haipatikani tena

Tazama zaidi katika XBBC haihusiki na taarifa za kutoka mitandao ya nje.

Mkenya mwingine Brigid Kosgei, 25, alishinda mbio hizo upande wa kinadada na kuwa mwanamke wa kwanza wa umri mdogo kushinda London marathon upande wa wanawake.

Kosgei alimshinda bingwa mtetezi Vivian Cheruiyot kwa kutumia mda wa saa 2:18:20 kushinda mbio hizo kwa mara ya kwanza.

Mkenya Vivian Cheruiyot alichukua nafasi ya pili huku Roza Dereje wa Ethiopia akimaliza wa tatu.

Muingereza Charlotte Purdue alimaliza nafasi ya 10.

Skip Iliyosomwa zaidi and continue reading

Iliyosomwa zaidi

End of Iliyosomwa zaidi

Maelfu ya watu waMEshiriki makala ya 39 ya mbio za London Marathon 2019.

Mbio hizo zimechangisha £1bn tangu zilipoanzishwa mwaka 1981, kwa mujibu wa wadhamini Virgin Money.

Mshirikishi wa mbio hizo Hugh Brasher amesema : "Hakuna mbio zingine zinazokaribia London Marathon kwa uchangishaji wa fedha.''

Women's elite race a — Maelezo ya picha, Wakimbiaji wa kike wanaoshiriki mbio hizo

Runner dressed as Paddington Bear — Maelezo ya picha, Zaidi ya rekodi 80 za Guinness World zinalengwa kuvunjwa, ikiwa ni pamoja na mtindo wa mavazi

Runners taking part in London Marathon — Maelezo ya picha, Tabasamu: Watu washangilia mwanzo wa mbio hizo

Kipchoge, Hajawahi kushindwa katika umbali wa zaidi ya maili 26.2 tangu mwaka 2013 katika mashindano ya Berlin Marathon.

Mshindi mara nane David Weir ameshiriki mbio hizo katika kitengo cha kutumia kiti cha magurudumu kwa mwaka wa 20 mfulululizo.

Maelezo ya picha, Sir Mo Farah alishinda Half marathon mjini London mwezi uliyopita

Maelezo ya picha, Wakenya Vivian Cheruiyot ma Mary Keitany

Ukweli kuhusu mbio za London Marathon

Watu 444,168 wamejiandikisha kuchangia mbio za mwaka huu idadi ambayo ni zaidi 7.3% ikilinganishwa na mwaka jana.
44% ya watu waliyotoa maombi ya kishiriki mbio hizo ni wanawake na nusu ya wakimbiaji hawajawahi kushiriki mbio za marathon.
Waandaaji wa mbio hizo mwaka huu wanalenga kukusanya jumla ya pauni milioni 3.5
Kundi la wanaume linalojiita ''Ever Presents'' limekua likishiriki mbio hizo tangu mwaka 1981