TOOS, Netanyahu ayaa ka digay in Israel ay sii wadi doonto duqaymaha ay ku hayso Xisbullah

Tebin toos ah

1. 4 Daqiiqadood ka horIsraa'iil 'waxay isu diyaarisay inay si xoog ah uga jawaabto' haddii Iran soo weerarto - wasiirka gaashaandhigga

   

   Xigashada Sawirka, EPA/Shutterstock

   Wasiirka Gaashaandhigga ee Israel, Israel Katz, ayaa sheegay in howlgalkooda ka socda Lebanon uu “jab xoogan u geystay XezbUllah, taasoo ka dhigtay kooxda inay la yaabto oo ay jahawareerto xaddiga faragelinta iyo baaxadda dhaawaca.”

   Wasiirku wuxuu intaas ku daray in militariga Israel uu “diyaar u yahay inuu si xooggan uga jawaabo haddii Iran soo weerarto Israa’iil.”

   Mas’uuliyiinta Iran ayaa sheegay in weerarrada Israa’iil ee Lubnaan ay yihiin jebin heshiiska xabbad-joojinta.

   Madaxweynaha Iran ayaa dhankiisa wuxuu ka digay in Iran“wali ay farta ku hayso keybka qorigga.”

   Katz wuxuu sheegay in in ka badan 200 qof, oo uu ku tilmaamay “argagixiso,” ay ku dhinteen Arbacadii Lubnaan, taasoo tirada guud ee dadka ku dhintay howlgalkan ka dhigtay in ka badan 1,400.

   Hore, wasaaradda caafimaadka ee Lebanon ayaa sheegtay in 203 qof ay ku dhinteen weerarrada Israa’iil Arbacadii, mas’uuliyaduhuna waxay sheegeen in in ka badan 1,700 qof la dilay tan iyo markii Israa’iil bilowday howlgalka ugu dambeyay ee Lubnaan bishii hore.

2. 27 Daqiiqadood ka horLubnaan: Pakistan waxay xaqiijisay in Beirut ay ku jirto heshiiska xabad joojinta

   Ra’iisul Wasaaraha Lebanon, Nawaf Salam, ayaa weydiistay dhiggiisa Pakistan, Shehbaz Sharif, inuu caddeeyo in Lubnaan lagu daray heshiiska xabbad-joojinta, maalin kadib markii weerarrada Israel ay ku dileen in ka badan 200 qof.

   Xafiiska Mr. Salam ayaa war-saxaafadeed ku sheegay inuu u wacay Sharif si uu uga mahadceliyo dadaallada Islamabad ee lagu gaadhayo xabbad-joojin, isla markaana uu weydiistay inuu “caddeeyo in xabbad-joojintu ay sidoo kale ka mid tahay Lubnaan si looga hortago weerarro kale oo Israa’iil ah sida kii shalay dhacay.”

   Israa’iil iyo Mareykanka ayaa shaaca ka qaaday in Lubnaan aan lagu darin xabbad-joojinta, Israa’iilna waxay sheegtay inay sii wadi doonto weerarradeeda ka dhanka ah Hezbollah.

   Afhayeenka baarlamaanka Iran ayaa ku digay in Tehran ay u aragto Lubnaan “qayb aan laga maarmi karin oo xabbad-joojinta ka mid ah” isla markaana ay ka digtay “jawaab xooggan,” hadalladan ayaa imanaya iyadoo codsiyada caalamiga ah ee lagu darayo Lubnaan heshiiska xabbad-joojinta ay sii kordhayaan.

3. Saacad ka horIngriiska oo digniin u diray madaxweyne Ruushka Putin

   

   Xigashada Sawirka, Ministry of Defence

   Britain ayaa uga digtay madaxweyne Putin in aan loo dulqaadan doonin isku day kasta oo Ruushku ku doonayo in uu ku waxyeeleeyo fiilooyinka iyo dhuumaha badda hoostooda mara goobaha ku xeeran UK.

   Xoghayaha gaashaandhigga ayaa shaaca ka qaaday in ciidamada Britain iyo xulafadooda ay muddo bil ah ku raad joogeen mid ka mid ah maraakiibta badda quusa ee Gujiska oo uu leeyahay Ruushka iyo labo markab oo kuwa basaaska ah oo iyaguna ah kuwa badda quusa.

   maraaiibtan ayuu sheegay in ay imika dalkooda Ruushka dib ugu laabten.

4. Saacad ka horWar deg deg ah, Israa'iil ayaa soo saartay amar ay ku daadgurayn ah qaybo ka mid ah Beirut

   Israa’iil ayaa amartay in la daad-guro dadka ku nool dhowr xaafadood oo ku yaalla koonfurta oo ka tirsan caasimadda Lebanon, Beirut, iyadoo ay sheegtay inay qorsheyneyso weerarro dheeraad ah oo ka dhan ah “kaabayaasha militari ee Hezbollah”.

   Afhayeenka militariga Israa'iil, Avichay Adraee, ayaa u sheegay dadka deegaanka in Israa’iil “aysan damacsaneyn inay waxyeello gaarsiiso… sidaa darteed, iyada oo laga eegayo badbaadadiina, waa inaad si degdeg ah loo daad-gureeyo”.

   Xaafadaha ku jira amar-ka daad-guraynta waxaa ka mid ah: Haret Hreik, Ghobeiry, Al-Lilaki, Hadath, Borj el-Barajneh, Tahwitat al-Ghadir, Shiyyah iyo Al-Janah.

   Si aad wax badan u akhrido tag:

   Maxay raga mayalka adag ee hugaamiya Iran uga xanaaqsan yihiin xabad joojintii lala galay Maraykanaka?

   Sida siyaasiyiin sarsare oo Maraykan ah ay ugu ololeyayaan xil ka qaadista Trump

   "Netanyaahu ma noqon karaa qofka kaliya ee aan rabin nabadda Bariga dhexe" - The Economist

5. 2 Saacadood ka horIiraan oo sheegtay in aysan aqbali doonin in la xaddido barnaamijkeeda kobcinta uranium-ka

   Madaxa hay’adda tamarta nukliyeerka ee Iran, Mohammad Eslami, ayaa sheegay in Tehran aysan aqbali doonin wax xaddidaad ah oo lagu soo rogo barnaamijkeeda kobcinta uranium-ka — taas oo ah dalab muhiim u ah yoolalka dagaal ee Mareykanka iyo Israel.

   Eslami wuxuu sheegay in shuruudo noocaas ah ay yihiin “rabitaanno kaliya oo aysan xaqiiqo noqon doonin”.

   Dhanka kale, wasiir ku-xigeenka arrimaha dibadda Iran, Saeed Khatibzadeh, ayaa sheegay in weerarrada Israel ku qaaday Hezbollah ee ka socda Lebanon ay jebinayaan xabbad-joojinta — wuxuuna sheegay in United States ay tahay inay go’aansato inay rabto nabad ama dagaal.

   Si aad wax badan u akhrido tag:

   Maxay raga mayalka adag ee hugaamiya Iran uga xanaaqsan yihiin xabad joojintii lala galay Maraykanaka?

   Sida siyaasiyiin sarsare oo Maraykan ah ay ugu ololeyayaan xil ka qaadista Trump

   "Netanyaahu ma noqon karaa qofka kaliya ee aan rabin nabadda Bariga dhexe" - The Economist

6. 2 Saacadood ka horPakistan oo rejo wanaagsan ka muujisay wahadalaad Iran yo Mareykanka

   

   Xigashada Sawirka, EPA/Shutterstock

   Diyaargarow xooggan ayaa ka socda Islamabad, halkaas oo la filayo in lagu qabto wadahadallada. Maanta iyo berri waa fasax maxalli ah, taasoo sababtay in iskuullo iyo xafiisyo la xiro.

   Waddooyinka ku hareeraysan aagga loo yaqaan Red Zone — oo ay ku yaalliin dhismayaal dowladeed iyo safaarado — ayaa sidoo kale la xiray.

   Xabbad-joojinta ay dhexdhexaadisay Pakistan ayaa marar badan lagu tilmaamay “mid jilicsan”, waxaana durba soo muuqday dul-duleelo, gaar ahaan weerarrada Israel ku haysoLebanon.

   Qoraal uu ku shaaciyay heshiiska, Ra’iisul Wasaaraha Pakistan, Shehbaz Sharif, ayaa sheegay in labada dhinac iyo xulafadooda ay ku heshiiyeen “xabbad-joojin degdeg ah meel kasta, oo ay ku jirto Lubnaan”. Si kastaba, Israa’iil iyo aqalka Cad ayaa sheegay in Lubnaan aysan ka mid ahayn heshiiska.

   Arrimaha ka dhacaya Lubnaan ayaa si cad walaac ugu ah Pakistan — wasiirka arrimaha dibadda iyo ra’iisul wasaarahaba way muujiyeen. Shalay, Sharif wuxuu ku baaqay in la is xakameeyo si fursad loo siiyo dadaallada diblomaasiyadeed.

   Pakistan waxay rajaynaysaa in inkastoo ay jirto farqi weyn oo u dhexeeya mowqifyada Mareykanka iyo Iran, haddana haddii ay ku kulmaan Islamabad ay isu soo dhawaan karaan.

7. 3 Saacadood ka horMadaxweynaha Iran ayaa ka digay in wali ay keebka qoriga farta ku hayaan

   

   Xigashada Sawirka, Iran's Presidential website/WANA (West Asia News Agency)/Handout via REUTERS

   Madaxweynaha Iran, Masoud Pezeshkian, ayaa ku tilmaamay weerarrada Israel ku hayso Lebanon “xadgudub cad” oo ka dhan ah heshiiska xabbad-joojinta, wuxuuna sheegay inay tahay “calaamad khatar ah” oo muujinaysa in aan si dhab ah la isugu heellayn karin heshiisyo suurtagal ah.

   Hadalladan ayaa yimid maalin kadib markii militariga Israa’iil ay sheegeen inay ku qaadeen Lubnaan in ka badan 100 weerar oo cirka ah. Ra’iisul Wasaaraha Israa’iil, Benjamin Netanyahu, ayaa dhankiisa sheegay in Israa’iil ay sii wadi doonto weerarrada ka dhanka ah Hezbollah “meel kasta oo loo baahdo”.

   Qoraal uu ku daabacay barta X, Pezeshkian wuxuu ku sheegay in sii socoshada weerarradu ay ka dhigi doonaan wadaxaajoodyada “macno la’aan”, wuxuuna ka digay in gacmaha Iran ay “ku sii jiri doonaan keebka qoriga”.

   Dhanka kale, afhayeenka baarlamaanka Iran, Mohammad-Bagher Ghalibaf, ayaa ka digay in “jebinta xabbad-joojintu ay leedahay cawaaqib cad iyo jawaabo adag”.

   Ghalibaf wuxuu sidoo kale sheegay in Lebanon ay tahay “qayb aan laga maarmi karin oo ka mid ah xabbad-joojinta”, isla markaana aysan jirin “meel loogu laabto ama lagu inkiri karo”.

   Wuxuu ugu dambayn ku baaqay: “Dabka si degdeg ah ha loo demiyo.”

   Si aad wax badan u akhrido tag:

   Maxay raga mayalka adag ee hugaamiya Iran uga xanaaqsan yihiin xabad joojintii lala galay Maraykanaka?

   Sida siyaasiyiin sarsare oo Maraykan ah ay ugu ololeyayaan xil ka qaadista Trump

   "Netanyaahu ma noqon karaa qofka kaliya ee aan rabin nabadda Bariga dhexe" - The Economist

8. 3 Saacadood ka horTrump:"Nato nama garab istaagin markii aan u baahanahay,"

   Madaxweyne Donald Trump ayaa markii ugu horreysay wax ku qoray bartiisa Truth Social tan iyo kulankii uu maanta Aqalka Cad kula yeeshay madaxa NATO, Mark Rutte.

   Wuxuu yiri:“NATO nama garab istaagin markii aan u baahnayn, mana joogi doonaan garabkeena haddii aan mar kale u baahanno. Xusuusta Greenland, jasiiraddaas weyn ee sida xun loo maamulo!!!”

   Trump wuxuu u muuqdaa inuu tixraacayo qorshihiisii hore ee ahaa in Maraykanku la wareego Greenland, taas oo ay si weyn uga soo horjeesteen xulafada Maraykanka ee NATO.

   Dhanka kale, Rutte ayaa hore u sheegay waraysi uu siiyay CNN in kulankoodu uu ahaa mid furan oo toos ah, isla markaana uu “si buuxda” u aaminsan yahay in dunidu ka ammaan badan tahay kadib weerarradii ay Mareykanka iyo Israel ku qaadeen Iran.

   Si aad wax badan u akhrido tag:

   Maxay raga mayalka adag ee hugaamiya Iran uga xanaaqsan yihiin xabad joojintii lala galay Maraykanaka?

   Sida siyaasiyiin sarsare oo Maraykan ah ay ugu ololeyayaan xil ka qaadista Trump

   "Netanyaahu ma noqon karaa qofka kaliya ee aan rabin nabadda Bariga dhexe" - The Economist

9. 3 Saacadood ka horNetanyahu ayaa ka digay in Israa’iil ay sii wadi doonto duqeymaha ay ku hayso Hezbollah ‘meel kasta oo loo baahdo’

   

   Xigashada Sawirka, Getty Images

   Ra’iisul Wasaaraha Israa’iil, Benjamin Netanyahu, ayaa sheegay in Israa’iil ay sii wadi doonto weerarrada ka dhanka ah Hezbollah “meel kasta oo loo baahdo”, kadib heshiis xabbad-joojin ah oo u dhexeeya Maraykanka iyo Israa’iil.

   Israa’iil ayaa hore u sheegtay in xabbad-joojintaasi aysan khusayn Lebanon, hase yeeshee Iran ayaa sheegtay in weerarrada joogtada ah ee Israa’iil ku hayso Lubnaan ay yihiin “xadgudub culus” oo ka dhan ah heshiiska.

   Netanyahu wuxuu yiri: “Farriinteennu waa cadahay: Qof kasta oo waxyeelleeya shacabka Israa’iil waa la bartilmaameedsan doonaa.”

   Wuxuu intaas ku daray: “Waxaan sii wadi doonnaa weerarrada aan ku hayno Hezbollah meel kasta oo loo baahdo, ilaa aan dib u soo celinno amniga buuxa ee dadka deggan waqooyiga.”

   Hadalladiisan ayaa yimid kadib markii militariga Israel ee (IDF) ay ku dhawaaqeen dilka Cali Yuusuf Xarshi, oo ahaa xoghayaha islamarka abti u ah xoghayaha guud ee Hezbollah, Naim Qassem.

10. 4 Saacadood ka horSafiirka Iran oo tirtiray qoraalkii ku saabsanaa wadahadalada Maraykanka iyo Iran ee Pakistan

    Danjiraha Iran ee Pakistan ayaa tirtiray qoraal uu ku daabacay barta X, kaas oo uu ku sheegay in wafdi ka socda Iran uu maanta u socdo Islamabad si ay u bilaabaan wadahadallo ay la yeeshaan Maraykanka.

    Wadahadalladan ayaa loo qorsheeyay in la qabto Sabtida, iyadoo ay la kulmi doonaan Madaxweyne-ku-xigeenka Maraykanka, JD Vance.

    Qoraalkaas, Reza Amiri Moghadam wuxuu ku sheegay in wadahadalladu ay ku salaysnaan doonaan “10 qodob oo ay soo jeedisay Iran”. Sida aan hore u soo sheegnay, Maraykanka iyo Iran waxay qabaan aragtiyo kala duwan oo ku saabsan waxa ay dhab ahaantii qodobadaasi yihiin.

    Danjiruhu ma uusan sharxin sababta uu u tirtiray qoraalkaas.

    Sidoo kale akhri

    Xabad joojintu dagaal ma joojisaa?

    Sidee Pakistan ugu suuragashay in ay xabad-joojin dhex dhigto Iran iyo Maraykanka?

    Muxuu yahay go'aanka israa'iil ee xabbad-joojinta Mareykanka iyo Iiran?

11. 5 Saacadood ka horIlhaan Cumar oo mar kale si adag uga hadashay Trump

    

    Xigashada Sawirka, Getty Images

    Ilhaan Cumar: Xildhibaan Ilhaan Cumar oo ka tirsan Congress-ka Minnesota ayaa ku baaqday in xilka laga xayuubiyo Madaxweyne Trump Talaadadii ka dib markii uu ugu hanjabay Iran inuu xasuuqi doono Iran haddii dalkaasi uu gaari waayo heshiis dib loogu furayo marin biyoodka Hormuz.

    Farriin ay soo dhigtay barta X, Cumar waxay ku tilmaantay hanjabaadda Trump " mid aad u xun".

    "Donald Trump waa in xilka laga qaado," ayay tiri. "Goorma ayay Republicans-ka awood u yeelan doonaan in laga saaro isaga?"

    Waa markii labaad ee todobaad gudihiis ay Ilhaan ku baaqdo in xilka laga qaado madaxweynaha.

    Warbixita oo dhameystirtan halkan ka akhriso

12. 5 Saacadood ka horWar deg deg ah, Degdeg: Iiraan oo shaacisay tirade guud ee uga dhintay dagaalka

    Madaxa hay'adda dawooyinka iyo seyniska ee Iiraan ayaa warbaahinta dowladda u sheegtay, in in ka badan 3,000 oo qof lagu dilay guud ahaan Iiraan intii uu socday dagaalkii billowday Febraayo 28-keedii.

    Wuxuu intaas ku daray in 40% dadka dhintay ay u baahan yihiin baaritaanno si loo aqoonsado ka hor inta aan loo gudbin qoysaskooda.

    Wasaaradda Caafimaadka Lubnaan ayaa ku warameysa in tirada dhimashada ee ka dhalatay duqeymihii shalay ee Israa'iil ay ka geysatay Lubnaan ay gaartay in ka badan 200, iyadoo 1,000 ay ku dhaawacmeem weerarkaas.

13. 5 Saacadood ka hor3 fitamiin oo kaa caawinaya inaan lagaa dareemin da'da

    

    Xigashada Sawirka, Getty Images

    Fitamiinnada ayaa mararka qaar la iska indhatiraa, laakiin waxay kaalin ka qaataan la dagaallanka gabowga marka loo eego noocyada kala duwan ee kareemada ee la marsado ee ka hortaga da'da. Hase yeeshee, cilmi-baaristan ayaa waxay muujinaysaa in fitamiinnada ay qayb muhiim ah ka yihiin hoos u dhigista geeddi-socodka gabowga.

    Iyadoo kareemada laga yaabo inay hoos u dhigaan muuqaalka gabowga ee meelaha la mariyo, haddana si caadi ah ulama dagaallami karaan gabowga ku dhacaya gudaha jirkaaga. Fiitamiinnadu, waxay ka shaqeeyaan gudaha jirka, taasoo keenta in caafimaadka gudahana uu wanaagsanaado.

    Si kastaba ha ahaatee, dhammaan fiitamiinnada ma wada simana marka ay timaado ka hortagga da'da. Fiitamiinnada qaar ayaa aad ugu awood badan la-dagaallanka saamaynta da'da marka loo eego kuwa kale.

    Haddaba fitamiinnadan waxay kaa caawin karaan la-dagaalanka gabowga ama muuqashada da'da.

    Sii akhri

14. 6 Saacadood ka horWar deg deg ah, Degdeg: Lubnaan oo shaacisay tirade dadka ku geeriyooday weerarkii Israa'iil

    Wasaaradda Caafimaadka Lubnaan ayaa ku warameysa in tirada dhimashada ee ka dhalatay duqeymihii shalay ee Israa'iil ay ka geysatay Lubnaan ay gaartay in ka badan 200, iyadoo 1,000 ay ku dhaawacmeem weerarkaas.

    Dhanka kale, wakaaladda Wararka Qaranka ee rasmiga ah ee Lubnaan ayaa ku warantay in in ka badan 10 qof ay ku dhinteen duqeyn ay Israa'iil ka geysatay magaalada Zrarieh ee koonfurta Lubnaan.

    Wakaaladda ayaa werisay in tirada dhimashada ee ka dhacday magaalada Al-Abbasiya, degmada Tyre, halkaas oo diyaaradaha Israa'iil ay saaka weerareen dhisme ay deggan yahiin dad shacab ah..Weerarrada Israa'iil ee tuulooyinka koonfureed ayaa sii socday tan iyo subaxnimadii, gaar ahaan Marjeyoun, Doueir, Bint Jbeil, Qasmiyeh, Khiam, Haboush iyo Deir Zahrani, sida laga soo xigtay Wakaaladda Wararka Qaranka.

    Ciidanka Israa'iil ayaa duqeeyay xaafadda Shiha ee ku taal xaafadaha koonfureed ee magaalada, sida ay sheegtay wakaaladda wararka ee rasmiga ah.

    Weerarradii Israa'iil ay ku qaadday Lubnaan Arbacadii waxay ahaayeen "xadgudub weyn" oo ka dhan ah xabbad-joojinta Mareykanka iyo Iiraan, sida uu ku sheegay ku xigeenka wasiirka arrimaha dibadda ee Iiraan Saeed Khatibzadeh barnaamijka BBC ee Today oo uu wareysi gaar ah siiyay.

    Sidoo kale akhri

    Xabad joojintu dagaal ma joojisaa?

    Sidee Pakistan ugu suuragashay in ay xabad-joojin dhex dhigto Iran iyo Maraykanka?

    Muxuu yahay go'aanka israa'iil ee xabbad-joojinta Mareykanka iyo Iiran?

15. 6 Saacadood ka horNinka dunida ka badbaadiyay “halista” dagaal culus.

    Soddon sana ka hor oo ay taariikhdu ku beegneyd 26-kii September, 1983, dunida waxay ka badaadday dagaal la isu adeegsan rabay hubka Niyuukilarka.

    Gelinka hore ee maalintaas waxaa dhawaaqay seeriga digniinaha hubka kaas oo sheegayey in Mareykanka uu Ruushka gantaallo ku soo riday ayna ku soo wajahan yihiin.

    Xogta Kombiyuutarka laga helay ayaa sheegeysay in dhowr gantaal Ruushka lagu soo riday. Sharciga ciidan ee Ruushkana wuxuu dhigayey in gantaal Niyuukilarka ee la soo riday Gantaal kale oo Niyuukilar ah loogu jawaabo.

    "Waa markan oo kale xilli uu qofka u baahan yahay inuu maskaxadiisa iyo dareenkiisaba si aad ah uga shaqeysiiyo," ayuu yiri wiilka uu dhalay Gaashaanle Dhexe Stanislav Petrov oo ah ninka 1983 dagaal Niyuukilayer dunida ka badbaadiyey.

    Xukumaddi Dimitry Petrov aabbihii wuxuu ka joogay halki ugu mudnaa iyo xilligi ku habboonayd.

    Wuxuu sheegay in aabbihii Gaashaanla Dhexe uu ka mid ahaa ciidamada cirka Midowgi Sofiyet, wuxuuna ka soo shaqeeyey xerada serpukov-15 oo ogaatay digniinti ugu horreysay ee gantaallada riddada dheer oo dhanka Mareykanka laga soo riday.

    Habeennimadi September 26, 1983, Petrov wuxuu baddalay saaxibkii isaga oo shaqada xilli habeen ah soo galay.

    Haddaba seeriga (alarmiga) muujinayay in Mareykanaka gantaal uu soo riday ayaa dhawaaqay.

    Isaga iyo saaxibkiina waxay hubiyeen dhawaaqa seeriga ee baxayay inuu ahaa mid sax ah iyo mid cillad farsamo ku yimid. Waxayna labadoodiba isla qaateen gantaalka uu raadaarka soo qabtay inay dhanka dayax gacmeedka kala socdaan balse uma suuragelin inay gantaalkii dayax gacmeedka ku arkaan.

    Maxay ugu guulaysan waayeen inay arkaan gantaalka?

    Sii akhri

16. 6 Saacadood ka horDalal Yurub ah cambaareeyay duqeymaha Israa’iil ee Lubnaan

    

    Xigashada Sawirka, Reuters

    Sida aan horay u soo tebinnay, Xoghayaha Arrimaha Dibadda ee UK, Yvette Cooper, ayaa ku tilmaantay duqeymaha Israa'iil ee Lubnaan kuwo “gebi ahaanba khaldan” . Waxaa sidoo kale jiray falcelin ka timid dalal ka tirsan Yurub.

    • Weeraradii Israa'iil ay ku qaadday Lubnaan waxay ahaayeen kuwo "aan la aqbali karin", ayuu yiri Wasiirka Arrimaha Dibadda Faransiiska, Jean-Noel Barrot.
    • Weerarrada Israa'iil waxay ahaayeen "kuwo aan la aqbali karin maadaama ay wiiqayaan xabbad-joojintii ku-meel-gaarka ahayd ee shalay dhexmartay Mareykanka iyo Iiraan", ayuu yiri.

    • Ra'iisul Wasaaraha Talyaaniga, Giorgia Meloni, ayaa yiri: "Waxaan gaarnay heer aan laga soo kabsan karin, laakiin hadda waxaan wajahaynaa rajo nabadeed oo jilicsan oo ay tahay in si go'aan leh loo raadiyo."

    • Dhanka kale, Spain ayaa dib u furaysa safaaraddeeda Tehran, sida uu sheegay wasiirkeeda arrimaha dibadda. Jose Manuel Albares, ayaa sidoo kale ku eedeeyay Israa'iil inay "jabisay xabad joojinta" iyo inay "ku xadgudubtay sharciga caalamiga ah".

    Sidoo kale akhri

    Xabad joojintu dagaal ma joojisaa?

    Sidee Pakistan ugu suuragashay in ay xabad-joojin dhex dhigto Iran iyo Maraykanka?

    Muxuu yahay go'aanka israa'iil ee xabbad-joojinta Mareykanka iyo Iiran

17. 7 Saacadood ka horWar deg deg ah, Raysal wasaaraha UK oo ka degay Imaaraadka

    

    Xigashada Sawirka, Getty Images

    Raysal Wasaaraha UK, Keir Starmer, ayaa gaaray Imaaraadka Carabta, si uu wadahadallo dheeraad ah uga yeesho dagaalka Iiraan.

    Imaatinkiisa ayaa yimid iyadoo xabad joojintii Mareykanka iyo Iiraan ay caqabad ka taagan tahay - iyadoo Iiraan ay sheegtay in weerarrada socda ee Israa'iil ee ka dhanka ah Lubnaan ay yihiin "xadgudub weyn" oo ka dhan ah heshiiska la gaaray.

    Starmer ayaa horey dhaxal sugaha boqortooyada Sacuudiga Maxamed Bin Salman kula kulmay magaalada Jeddah, waxaana la filayaa inuu la kulmo Madaxweynaha Imaaraadka Carabta Sheikh Maxamed bin Zayed Al Nahyan.

    Sidoo kale akhri

    Xabad joojintu dagaal ma joojisaa?

    Sidee Pakistan ugu suuragashay in ay xabad-joojin dhex dhigto Iran iyo Maraykanka?

    Muxuu yahay go'aanka israa'iil ee xabbad-joojinta Mareykanka iyo Iiran?

18. 8 Saacadood ka horImisa waddan ayaa heysata hubka nuclear-ka, meeqa xabo ayaase taalla adduunka?

    

    Xigashada Sawirka, Getty Images

    illigan oo ay taagan tahay xiisadda u dhaxeysa Mareykanka iyo Iiraan, sheekadan waxaad wax badan uga fahmi kartaa arrimaha hubka nuclear-ka.

    Hubkan waxaa loo aqoonsaday inuu yahay midka wax gumaada ee khasaaraha ugu weyn u geysan kara dunida.

    Qaraxyadiisu aad ayey u awood badan yihiin, hal bambo oo nuclear ahna waxay baabi'in kartaa magaalo dhan.

    Qumbuladaha nuclear-ka waxay aad uga waxyeello badan yihiin xitaa bambada ugu weyn adduunka ee aan nuclear-ka ahayn

    Waxaa jira waddamo badan oo ay ka mid tahay Iiraan, kuwaasoo aan loo oggoleyn inay yeeshaan awoodda nuclear-ka, halka kuwo kalena ay heystaan.

    Waxaa laga yaabaa in aad su'aalo dhowr ah iska weydiiso arrimaha nuclear-ka - laakiin ha walwalin, waxaan isku soo toosinay jawaabaha aad uga baahan tahay inta badan su'aalahaas.

    Muxuu yahay hubka nuclear-ka?

    Waa qaraxyo si xad-dhaaf ah u awood badan.

    Waxaa laga yaabaa inaad xasuusatid erayada "atoms" iyo "isotopes", haddii aad soo dhigatay maadada seyniska - kuwaas ayaa qeyb ka ah hannaanka loo maro sameynta bambooyinka nuclear-ka.

    Sii akhri

19. 9 Saacadood ka horWar deg deg ah, Wasiir Iiraani ah oo BBC-da u warramay

    Weerarradii Israa'iil ay ku qaadday Lubnaan Arbacadii waxay ahaayeen "xadgudub weyn" oo ka dhan ah xabbad-joojinta Mareykanka iyo Iiraan, sida uu ku sheegay ku xigeenka wasiirka arrimaha dibadda ee Iiraan Saeed Khatibzadeh barnaamijka BBC ee Today oo uu wareysi gaar ah siiyay.

    Dhinacyo badan oo kala duwan oo wareysigaas ku saabsan ayaad goor dhow halkan ka akhrisan doontaan

20. 9 Saacadood ka horWar deg deg ah, Degdeg: Wefdiga Iiraan oo maanta tegaya Pakistan

    

    Xigashada Sawirka, Getty Images

    Safiirka Iiraan u fadhiya Pakistan, Reza Amiri-Moghaddam, ayaa Khamiista maanta ah sheegay in wafdi ka socda dalkiisa ay Khamiista fiidkii soo gaari doonaan caasimadda Pakistan ee Islamabad si ay u yeeshaan wadahadallo lagu xallinayo dagaalka Mareykanka iyo Israa'iil.

    Safiirka ayaa qoraal uu soo dhigay bogga X ku yiri: "In kasta oo shaki laga qabo ra'yiga dadweynaha Iiraan oo ay ugu wacan tahay xadgudubyada soo noqnoqda ee xabbad joojinta ee ay Israa'iil ku sameysay... wafdiga Iiraan ayaa caawa imanaya Islamabad si ay u yeeshaan wadahadallo dhab ah oo ku salaysan tobanka qodob ee ay soo jeedisay Iiraan.

    Sidoo kale akhri

    Xabad joojintu dagaal ma joojisaa?

    Sidee Pakistan ugu suuragashay in ay xabad-joojin dhex dhigto Iran iyo Maraykanka?

    Muxuu yahay go'aanka israa'iil ee xabbad-joojinta Mareykanka iyo I