Sida siyaasiyiin sarsare oo Maraykan ah ay ugu ololeyayaan xil ka qaadista Trump

Baaqyada lagu doonayo in xilka looga xayuubiyo Trump iyada oo la adeegsanayo qodobka 25-aad ayaa si weyn waxaa u soo dhaweeyay xisbiga Dimuqraadiga oo ku tilmaamay hadalka madaxweynaha Mareykanka mid mas'uuliyad darro ah iyo "dambiyo dagaal".

Dalka isu arka nabad ilaaliye caalami ah ayaa hadda dib loogu soo celiyay sharciga caalamiga ah. Waxaa kaloo jirta in hogaamiyihii dhaliilsanaa habka loo maamulo siyaasadda gudaha ee dal kale uu hadda ku dhaqmayo wax ka yaabiyay indhaha caalamka.

Kamala Harris: Madaxweyne ku xigeenkii hore ee Maraykanka Kamala Harris ayaa ka mid ah dadka aadka ugu horyimid qaabka uu haatan Trump wax ku wado.

"Falalka Trump waxay halis gelinayaan ciidamadeena geesiyaasha ah."

Ilhaan Cumar: Xildhibaan Ilhaan Cumar oo ka tirsan Congress-ka Minnesota ayaa ku baaqday in xilka laga xayuubiyo Madaxweyne Trump Talaadadii ka dib markii uu ugu hanjabay Iran inuu xasuuqi doono Iran haddii dalkaasi uu gaari waayo heshiis dib loogu furayo marin biyoodka Hormuz.

Farriin ay soo dhigtay barta X, Cumar waxay ku tilmaantay hanjabaadda Trump " mid aad u xun".

"Donald Trump waa in xilka laga qaado," ayay tiri. "Goorma ayay Republicans-ka awood u yeelan doonaan in laga saaro isaga?"

Waa markii labaad ee todobaad gudihiis ay Ilhaan ku baaqdo in xilka laga qaado madaxweynaha.

Austin Scott, oo ah xubin ka tirsan Congress-ka Jamhuuriga, kana soo jeeda Georgia, isla markaana ah xubinta ugu sareysa ee Guddiga Adeegga Hubka ee Aqalka, ayaa si adag u dhaleeceeyay hanjabaadda Trump ee burburinta Iran.

Waxa uu BBC-da u sheegay in hadalka madaxweynaha uu yahay mid aan habboonayn, uusanna ku raacsanayn.

Senator Ron Johnson oo laga soo doorto gobolka Wisconsin, oo inta badan daacad u ahaa Trump, ayaa sheegay in Trump uu "qalad weyn geli doono" haddii uu raaco rabitaankiisa. Wakiilka Nathaniel Moran ee Texas ayaa sidoo kale soo dhigay baraha bulshada in uusan taageersanayn tallabada uu soo jeediyay Trump.

Wuxuu yiri: "Tani ma ahan hab-dhaqankeena, mana ahan danta la aqoonsan yahay ee Mareykanka."

Seneter Amy Klobuchar ayaa ku tilmaantay hanjabaadihii Trump wax aan macquul ahayn.

"Wuxuu si cad ugu hanjabayaa inuu qalalaaso weyn ka dhalin doono Iran, waxaa loo baahan yahay in baarlamaanka uu si deg deg ah u codeeyo si arrintan loo joojiyo," ayay tiri.

Wakiil Angie Craig ayaa sheegtay in hanjabaaddu ay "ka baxsan tahay waxa la fahmi karo".

" Way caddahay in madaxwaynuhu uu luminayo kalsoonidiisa oo aanu lahayn xirfado hogaamineed," ayuu yiri xildhibaan Joaquin Castro fariin uu soo dhigay barta X.

Chuck Schumer, oo ka mid ah Dimuqraadiyiinta sare ee Senate-ka Mareykanka, ayaa sidoo kale sheegay in Jamhuuri kasta oo diida in uu u codeeyo joojinta dagaalka, "wax kasta oo dhaca ay dushooda tahay, oo ay ku jiraan."

Inkasta oo xubno ka tirsan xisbiga Trump ay taageereen, haddana ma helin taageeradii uu caadeystey.

Senator Lisa Murkowski oo laga soo doorto gobolka Alaska, oo aan wax xiriir ah la sameynin madaxweyne Trump muddo dheer, ayaa barteeda twitter-ka ku soo qortay in hanjabaadda madaxweynaha "aysan cudur daar u ahayn inuu wadahadal la galo Iran."

Madaxweynaha Mareykanka Donald Trump ayaa sheegay in dalkiisa uu si dhow ula shaqeyn doono Iran kadib heshiis xabad joojin ah oo laga gaaray dagaalka socda.

Trump ayaa boggiisa bulshada ee Truth ku qoray in Iran aysan sii wadi doonin tayeynta Uranium-ka, wuxuuna sheegay in Mareykanka uu Tehran kala shaqeyn doono sidii loo soo saari lahaa haraaga hubkii Mareykanka B-2 ee uu ku tuuray Iran sanadkii hore.

Go'aankan ayaa la gaaray saacado un ka hor waqtiga uu Trump u qabtay Iran inay furto marin biyoodka Hormuz ama uu Maraykanku weeraro xarumaha tamarta iyo gaadiidka.