Qof aad kala dhaqaaqdeen saaxiib mala sii ahaan lahayd? Afartaan qodob tixgeli kahor inta aadan go'aansan

Xiriirka oo go'a waa adag tahay - si lama filaan ah ayaad u wayday qofkii aad wax walba la wadaagtay. Laakiin la saaxiibidda qof hore waxay la mid tahay isla xanuunka aad dareentay markaad kala harteen.

"Ma lihi saaxiibbo badan oo saaxiib la ah qof ay kala hareen, dhab ahaantii," ayay tiri Olivia Petter, qoraaga shukaansiga buug-gacmeedka Millennial Love. Laakiin waxay maareysay dhowr xaaladood.

Waa kuwan afarta su'aalood ee ay tahay inaad is waydiiso ka hor intaadan go'aansan inaad saaxiib la sii ahaato iyo inaadan la xiriirin qofkaagii hore.

1. Heer intee ah ayuu dhab ahaa xiriirku?

"Waxaa jira hal ama labo nin oo aan la yeeshay xiriir gaaban oo jaceyl oo caadi ah oo u xuubsiibtey saaxiibtinnimo," Olivia ayaa u sheegtay BBC Radio 4's Woman's Hour.

"Xaqiiqda ah inaan 'halkaas tagnay', si loo hadlo, waxay noo sahlaysaa inaan yeelanno saaxiibbo dhow iyadoon wax xiisad ah ama calaamado su'aal ah aysan jirin," ayay tiri.

Laakiin marka ay timaaddo xiriir dhab ah, waxay sheegtay in inta ay xiriir wanaagsan la leedahay aysan ahayn saaxiibbo dhow.

Tababaraha shukaansiga iyo xiriirka Kate Mansfield ayaa sheegaysa in xiriirka aan caadiga ahayn ay inta badan leeyihiin waxyaabo nolosha ah oo yar, sidaa darteed u gudubka saaxiibtinnimo waxay noqon kartaa mid sahlan.

Laakiin marmar, cilaaqaadka caadiga ah waxay kicin karaan shucuur weyn sababtoo ah "badanaa aad bay uga sii daran yihiin," ayay tiri.

"Runtii waxay ku xiran tahay qaabka uu xiriirku ku dhammaaday, iyo cidda soo afjartay, ma waxay ahayd isfaham la'aan, mise hal qof ayaa go'aansaday in uu dhammaado? Tani waxay leedahay saameyn badan marka loo eego waqtiga laftiisa, "ayay tiri Kate.

2. Maka dhammaatay iyaga?

Mid ka mid ah caqabadaha ugu waaweyn ayaa ah inaad awood u leedahay iyo in kale inaad kala saarto jacaylkii idin dhex maray iyo qofka laftiisa.

"Waa inaad si dhab ah uga soo kabsatay kala-tagga, oo aanad kaliya nolosha hore uga sii socon balse aad dhanka caadifadda ka bislaatay," ayay leedahay Kate.

Tixgeli inay jiraan waxyaabo badan oo idiin dhexeeya oo ka baxsan xiriirka, sida dano dhab ah oo jiray ka hor jacaylka, ayay tiri. Haddii xiriirku ku dhisnaa oo kaliya soo jiidasho, aad bay u adkaan doontaa in la sii wado.

Sidoo kale, waa muhiim inaad daacad ka ahaato sababta aad u rabto inaad saaxiibtinnimada u sii waddo.

"Haddii aad weli rajaynayso inay go'aanka beddelaan, ama haddii aad u xiriirineyso si aad ula socoto noloshooda dambe ee shukaansiga, taasi waa kalgacal huwan weji saaxiibtinnimo," ayay leedahay Kate.

Ugu dambayntii, saaxiib ahaanshuhu wuxuu shaqeeyaa oo kaliya haddii labada qofba ay si dhab ah u aqbaleen dhammaadka xiriirka, midkoodna uusan lahayn ujeeddo qarsoon."

3. Intee waqti kasoo wareegay?

Waxay noqon kartaa dhib in si degdeg ah looga gudbo dhex galka jacaylka loona gudbo saaxiibtinnimo.

"Waa muhiim in la helo xoogaa 'nasasho' ah iyo in la kala fogaado si looga fekero xiriirkii hore," ayay tiri Olivia.

Majaajiliistaha ahna qoraaga, Rosie Wilby, waxay sheegtay inay ku guuleysatay inay saaxiibtinnimo wanaagsan la lahaato saaxiibaddeedii hore.

Ayada iyo saaxiibteedii hore Donna waxay kala hareen wax yar uun ka dib markii ay dhimatay Rosie hooyadeed, ayna ku waayeen dhammaan hantidoodii dab qabsaday gurigooda.

Hadda oo laga joogo 25 sano: "Donna waxay iila mid tahay walaashay oo kale," ayay tiri.

4. Lammaanahaaga cusub raalli maka yahay?

Haddii aad go'aansataan inaad saaxiibtinnimada sii waddaan, Kate waxay leedahay waa inaad si furan uga wada hadashaan waxaad samayn doontaan haddii midkiin uu xiriir cusub galo.

Haddii wehelka cusub uu dhibsado saaxiibtinnimadaas, Kate waxay ku adkaynaysaa inaad walaacooda dhab u qaadataan.

"Mar walba ma aha kalsooni-darro; marna waa walaac dhab ah oo jira," ayay leedahay.

Waxa laga yaabaa inaad u baahato inaad la hadasho qofkii hore si aad u beddeshaan qaabka saaxiibtinnimada, taas oo noqon karta 'in xiriirku yaraado, in koox ahaan loo kulmo, ama in si furan loo sheego waxaad wada samaynaysaan,' ayay tiri.

Olivia waxay leedahay dumarka waxaa lagu barbaariyey inay u arkaan saaxiibbadii hore ee raggooda inay yihiin khatar.

Goorta aad xiriirka u jareyso

Kate ayaa sheegtay in ay jiraan kiisas marka saaxiibtinnimada aysan suurtagal ahayn; haddii xaaladdu tahay mid xad-gudub, shucuur ama jireed, waxaa luntay kalsoonidii ama hal qof ayaa weli ku lug leh jacayl.

"Mararka qaar waxa ugu wanaagsan ee aad labadiinnaba samayn kartaan waa inaad aqbashaan in cutubkani xiran yahay," ayay tri.

Olivia waxay tiri: "Dadka kaliya ee aan xiriirka dhammaan u jaray waa kuwa ii geystay dhibaato aad u daran si uun ama si kale."

Waxay sheegtay in inta badan saaxiibbadeed aysan la xiriirin lammaanahoodii hore.

"Waxay ila tahay inay jirto hab-dhaqan looga tago wixii la soo dhaafay."