ටෙක්සාස් වෙඩි තැබීම: ප්රාථමික පාසලකට එල්ල වූ ප්රහාරයකින් ළමුන් 19 ක් මරුට
ඡායාරූප මූලාශ්රය, Reuters
ඇමෙරිකාවේ දකුණු ටෙක්සාස් ප්රාන්තයේ ප්රාථමික පාසලක සිදුවූ වෙඩි තැබීමකින් කුඩා ළමුන් 19 දෙනෙකු සහ වැඩිහිටියන් දෙදෙනෙකු මියගොස් තිබේ.
ආරක්ෂක අංශ තුවක්කුකරුව මරා දැමීමට පෙර, ඔහු උවල්ඩේ නගරයේ වයස අවුරුදු 07 - 10 අතර ළමුන් ඉගනුම ලබන රොබ් ප්රාථමික පාසලට කඩා වැදී ඉවක් බවක් නොමැතිව වෙඩි තැබූ බව නිලධාරීහු පවසති.
18 හැවිරිදි සැකකරු සතුව අත් තුවක්කුවක්, AR-15 අර්ධ ස්වයංක්රීය රයිෆලයක් සහ අධි ධාරිතාවෙන් යුත් පතොරම් ගැබ් තිබු බව විමර්ශකයෝ පවසති.
නව යොවුන් වියේ පසු වූ තරුණයා ප්රහාරයට පෙර තම මිත්තණියට වෙඩි තැබූ බවට සැක කරයි.
ඔහු එම ප්රදේශයේ උසස් පාසල් සිසුවෙකු වන්නට ඇතැයි ප්රාදේශීය මාධ්ය වාර්තා කරයි.
දිස්ත්රික් පොලිස් ප්රධානී පීට් අරෙඩොන්ඩෝ පැවසුවේ වෙඩි තැබීම අඟහරුවාදා ප්රාදේශීය වේලාවෙන් 11:32 ට ආරම්භ වූ බවයි. ප්රහාරකයා "මෙම දරුණු අපරාධයේදී තනිවම ක්රියා කර ඇති" බව පරීක්ෂකයින් විශ්වාස කරන බවද ඔහු ප්රකාශ කළේය.
ටෙක්සාස් ආණ්ඩුකාර ග්රෙග් ඇබට් වෙඩික්කරු, සැල්වදෝර් රමෝස් ලෙස නම් කළ අතර, පාසලට ඇතුළු වීමට පෙර ඔහු වාහනයක් ද අතහැර දමා පැමිණ "භයානක ලෙස, තේරුම්ගත නොහැකි ලෙස" වෙඩි තැබීම සිදුකර ඇතැයි ආණ්ඩුකාරවරයා සඳහන් කළේය.
වෙඩි තැබීමෙන් මිය ගිය ළමුන් දෙදෙනෙකු අමෙරිකානු මාධ්ය විසින් හඳුනාගෙන තිබේ. 10 හැවිරිදි සේවියර් ලෝපේස් සහ ඇමරි ජෝ ග්රාෂා යන අයගේ මරණය පවුලේ සාමාජිකයන් විසින් අඟහරුවාදා රාත්රියේ ප්රකාශවල තහවුරු කළහ.
මෙම ලිපියේ X විසින් සපයන ලද අන්තර්ගතයන් අඩංගු වේ. ඔවුන් කුකීස් සහ වෙනත් තාක්ෂණයන් භාවිතා කරන නිසා, ඒ කිසිවක් පූරණය වීමට පෙර අපි ඔබගේ අවසරය ඉල්ලා සිටිමු. එයට අවසරදීමට පෙර ඔබට X කුකී ප්රතිපත්තිය සහ රහස්යතා ප්රතිපත්තිය කියවීමට අවශ්ය විය හැකි ය. මෙම අන්තර්ගතය බැලීමට 'පිළිගෙන ඉදිරියට යන්න' තෝරන්න.
End of X post
"මගේ පුංචි ආදරණිය පැටියා දැන් දේවදූතයන් සමඟ ඉහළට පියාසර කරනවා. කරුණාකර තත්පරයක් වත් අපතේහරින්න එපා. ඔබේ පවුල බදාගන්න. ඔබ ඔවුන්ට ආදරය කරන බව ඔවුන්ට කියන්න," ඇමරීගේ පියා ඒන්ජල් ABC ප්රවෘත්ති සේවයට පැවසීය.
ඝාතනයට ලක් වූ වැඩිහිටියන්ගෙන් එක් අයෙක් ගුරුවරියක් වන අතර ඇය ඊවා මිරේල්ස් ලෙස එක්සත් ජනපද මාධ්යවල නම් කර ඇත. ඇයට උසස් අධ්යාපනය ලබන දියණියක් සිටින අතර දිවීමට සහ කඳු නැගීමට ඇය ප්රිය කරන බව සඳහන් වෙයි.
සැන් ඇන්ටෝනියෝ නගරයට බටහිර දෙසින් 85 සැතපුම් (135km) පමණ දුරින් පිහිටි ප්රධාන වශයෙන් හිස්පැනික් හී පාසලට සිසුන් 500කට ආසන්න සංඛ්යාවක් ඇතුළත් කර ඇත.
ඇසෝසියේටඩ් ප්රෙස් ප්රවෘත්ති ඒජන්සිය වාර්තා කරන්නේ වෙඩි තැබීම ආරම්භ වන විට අසල සිටි එක්සත් ජනපද දේශසීමා මුර සංචාරයේ නිලධාරියෙකු පාසලට කඩා වැදී තුවක්කුකරුට වෙඩි තබා මරා දැමූ බවයි.
දේශසීමා මුර සංචාරය යනු එක්සත් ජනපදයට ඇතුල්වීමේ පිවිසුම් ස්ථාන ආරක්ෂා කරන ෆෙඩරල් ආයතනයකි.
මෙක්සිකෝවේ දේශසීමාවේ සිට සැතපුම් 80කට වඩා අඩු දුරකින් පිහිටි උවාල්ඩේ දේශසීමා මුර සංචාර මධ්යස්ථානයක් පිහිටා ඇත.
තුවක්කුකරු සමඟ ඇති වූ වෙඩි හුවමාරුවකදී දේශසීමා ආරක්ෂක නිලධාරීන් දෙදෙනෙකු තුවාල තබා ඇති බව වාර්තා වේ. එක් නියෝජිතයෙකුගේ හිසට වෙඩි වැදී ඇති අතර, ඔවුන් දෙදෙනාම මේ වන විට රෝහලේ ස්ථාවර තත්ත්වයේ පසුවන බව නිලධාරීහු පවසති.
CBS ප්රවෘත්ති වලට අනුව, ප්රහාරකයා ප්රහාරය සිදු කරන විට වෙඩි නොවදින කබායක් පැළඳ සිට ඇත. මැයි 14 වන දින නිව් යෝර්ක් හි බෆලෝ හි සිල්ලර වෙළඳසැලකට පහර දුන් බවට සැක කරන තවත් 18 හැවිරිදි තරුණයෙක් වෙඩි නොවඳින කබායක් පැළඳ අර්ධ ස්වයංක්රීය රයිෆලයක් ද රැගෙන සිටියේය - තුවක්කු මෙන්ම වෙඩි නොවදින කබා යන මේ දෙකම එක්සත් ජනපදයේ වාණිජමය වශයෙන් නිදහසේ ලබා ගත හැකිය.
උවාල්ඩේ අනුස්මරණ රෝහල මීට පෙර ෆේස්බුක් හි පළ කර තිබුණේ ළමුන් 13 දෙනෙකු "ගිලන් රථ හෝ බස් රථ මගින්" රෝහල් ගත කර ඇති බවයි.
66 හැවිරිදි කාන්තාවක් සහ 10 හැවිරිදි දැරියක් සැන් ඇන්ටෝනියෝ හි රෝහලක අසාධ්ය තත්ත්වයේ පසුවන බව විශ්ව විද්යාල සෞඛ්ය රෝහල් බලධාරීහු පවසති.
මෙය අතිශයින් කම්පා කරවන ඛේදවාචකයකි, නමුත් අමෙරිකාවේ එම මානසික අවපීඩනයට හුරුපුරුදු ය. රට පුරා ප්රකාශ වන ශෝකය සහ සංවේගය සැබෑ ය. නමුත් මෙවැනි ක්රියා සිදු විය හැකි වීම සම්බන්ධයෙන් කිසිවෙකු සැබවින්ම පුදුම වන්නේ නැත.
මේ වසරේ පමණක් අමෙරිකාවේ පාසල්වල වෙඩි තැබීමේ සිද්ධි 27ක් දැනටමත් සිදුවී ඇත. ඔවුහූ තුවක්කුකරුවෙකු තම පන්ති කාමරයට ඇතුළු වුවහොත් කුමක් කළ යුතු දැයි තරුණ පාසල් දරුවන්ට පෙර හුරු පවත්වති.
මෙම වෙඩි තැබීම වාර්තා වුයේ නිව් යෝර්ක් හි සමූහ වෙඩි තැබීමකින් පුද්ගලයන් දස දෙනෙකු මිය ගොස් දින 10 කට පමණ පසුවයි.
ළමුන් සහ නව යොවුන් වියේ දරුවන්ගේ මරණයට ප්රධානතම හේතුව ලෙස මෝටර් රථ අනතුරු අභිබවා , තුවක්කු බවට පත්ව ඇති අතර දේශපාලකයින් මෙය ඇමරිකාවට අනන්ය වූ ගැටලුවක් ලෙස හඳුනාගෙන තිබේ.
නමුත් දේශපාලනය තුළින් විසඳාගත නොහැකි බව පෙනෙන ගැටලුවකි. උවල්දේ ඛේදවාචකය වැනි සිදුවීම්වලට ප්රතිචාර වශයෙන් ගිනිඅවි පාලනය පිළිබඳ ගැඹුරින් මුල් බැසගත් අදහස් වෙනස් නොවේ.
"ඇයි අපි දිගටම මේක වෙන්න දෙන්නෙ?" ජනාධිපති බයිඩන් විමසුවා. "ඇයි අපි මේ සංහාරය එක්ක ජීවත් වෙන්න කැමති?"
එහෙත්, දැඩි තුවක්කු පාලන නීති සම්මත කිරීමට ඩිමොක්රටික් පාක්ෂිකයින් සමීප වන බවට ලකුණක් හෝ නැත. සමහර රිපබ්ලිකන් පාක්ෂිකයින් දැනටමත් ඔවුන්ගේම දේශපාලන අරමුණු නරුම ලෙස ඉදිරියට ගෙන යාම සඳහා මෙම පාසලේ වෙඩි තැබීම භාවිතා කරන බවට චෝදනා කරති.
රොබ් ප්රාථමික පාසල, සැන්ඩි හූක් සහ පාක්ලන්ඩ් වෙඩි තැබීම් සමඟ පාසල් වෙඩි තැබීම්වල නම් කැඳවීම පැමිණීම සනාථ කර ගැනීම සඳහා. අහිංසක පාසල් සිසුන් ඝාතනය කිරීම ඇමරිකාවේ තුවක්කු පිළිබඳ විවාදය යළිත් ඇවිළී ඇතත් එය යෝජනාවකට සමීප කර නැත.
සවස් වන විට දැඩි වර්ෂාපතනයත් සමඟ උවාල්ඩේ ප්රජා මධ්යස්ථානයෙන් පිටත පොලිසිය රැඳී සිටියේය.
හවස්වරුවේ, එහි රැස්ව සිටි පවුලේ සාමාජිකයින්ට තම දරුවන් මරා දමා ඇති බවට වූ කුරිරු ආරංචිය ලැබීමත් සමඟ කෑගැසීම් සහ හඬා වැලපීම ද පාසලට පිටතින් ඇසෙන්නට විය.
ප්රහාරයේ ගොදුරු බවට පත් වු තවත් සමහර තරුණ වින්දිතයන් හඳුනා ගැනීමට DNA සාම්පල ලබා දෙන ලෙස ඉල්ලා තිබේ.
ප්රහාරයෙන් විපතට පත් වූවන් සහ දිවි ගලවා ගත් අය වෙනුවෙන් රොබ් ප්රාථමික පාසල ආසන්නයේ කුඩා සිහිකිරීමේ උත්සවයක් පැවැත්විණි.
තවමත් හඳුනා නොගත් අය අතර පාසලේ ශිෂ්යාවක් වන කුඩා දියණියක සිටින පවුලේ මිතුරෙකු ගැන ඇය කණ්ඩායමට පවසන විට කාර්ලා බෝමන්ගේ කටහඬ බිඳී ගියේය.
"ඇය ශල්යකර්මයකට භාජනය වී ඇත්ද නැතහොත් මාරාන්තික එකක් දැයි ඔවුන් නොදනිති, නමුත් ඇය අතුරුදහන් වී ඇති නිසා ඇය යම් ආකාරයක ගොදුරක් බව ඔවුන් දනී," බෝමන් කෑගැසුවාය. "මට මේක විශ්වාස කරන්න බෑ."
උවාල්ඩේ හි ජීවිත කාලය පුරාම පදිංචිව සිටි චෙරිල් ජුහාස් යාච්ඤාව අතරතුර නිහඬව හැඬුවාය.
"මේ වගේ නපුර තේරුම් ගන්න බෑ. කොතනින් උනත් ඒක ගෙදර උනොත් අමාරුයි."
පාසල් දිස්ත්රික් අධිකාරී හැල් හැරල් පැවසුවේ වෙඩි තැබීමෙන් පසු පාසල් අධ්යයන වසර කලින් අවසන් කළ බවයි.
ජනපති බයිඩන්ගේ ප්රතිචාරය
ධවල මන්දිරයේ සිට කළ කතාවක දී, අමෙරිකානු ජනාධිපති ජෝ බයිඩන් කියා සිටියේ, සමූහ වෙඩි තැබීම්වලට ප්රතිචාර ලෙස ගිනිඅවි පාලනය සඳහා ඉල්ලා සිටීමෙන් තමා "අසනීප සහ වෙහෙසකර තත්ත්වයකට පත්ව සිටින" බවයි.
" යුද පිටියක මෙන් තමන්ගේ මිතුරන් මිය යන ආකාරය කුඩා දරුවන් කී දෙනෙක් නම් දැක්කද , "ඔවුන් ඔවුන්ගේ ජීවිත කාලය පුරාම එය සමඟ ජීවත් වනු ඇත." අමෙරිකානු ජනාධිපතිවරයා ප්රකාශ කළේය.
ධවල මන්දිරයේ සහ අනෙකුත් එක්සත් ජනපද ෆෙඩරල් ගොඩනැගිලිවල කොඩි අඩකුඹු කර උවල්ඩේ හි විපතට පත් වූවන්ට ගෞරව කරන ලෙස අමෙරිකානු ජනාධිපතිවරයා නියෝග කළේය.
අධ්යාපන වෙළඳ ප්රකාශනයක් වන EdWeek ට අනුව, පාසල් වෙඩි තැබීම් අමෙරිකාවේ නිරන්තරයෙන් සිදුවන හදිසි අවස්ථා බවට පත්ව ඇති අතර, පසුගිය වසරේ වෙඩි තැබීම් 26ක් වාර්තා විය.
වෙඩික්කරුවෙකු මෙල්ල කිරීමේ අභ්යාස ප්රාථමිකයේ සිට උසස් පාසල දක්වා අමෙරිකානු පාසල් විෂය මාලාවේ පොදු කොටසකි.
2012 වසරේ කනෙක්ටිකට් හි සැන්ඩි හූක් ප්රාථමික පාසලේ සිදුවූ වෙඩි තැබීම එවැනි මාරාන්තික ප්රහාරයකි. මියගිය 26 දෙනාගෙන් 20 දෙනෙකුම වයස අවුරුදු පහත් හයත් අතර පසුවන්නන්.
අඟහරුවාදා වොෂින්ටන් ඩීසී හි අමෙරිකානු සෙනෙට් සභාව අමතමින්, කනෙක්ටිකට් ඩිමොක්රටික් සෙනෙට් සභික ක්රිස් මර්ෆි ගිනිඅවි පාලන නීති සම්මත කරන ලෙස තම සගයන්ගෙන් අයැද සිටියේය.
"මේ ළමයි අවාසනාවන්ත වුණේ නැහැ," ඔහු පැවසීය. "මේක වෙන්නේ මේ රටේ විතරයි. වෙන කොහෙවත් නෙවෙයි, පොඩි ළමයි ඉස්කෝලේ යන්නේ එදා වෙඩි තියයි කියලා හිතාගෙන."
නමුත් රිපබ්ලිකන් දේශපාලනඥයෙකු වන ටෙක්සාස් සෙනෙට් සභික ටෙඩ් කෲස් ගිනිඅවි පාලනය සඳහා වූ ඉල්ලීම් ප්රතික්ෂේප කළේය. ඔහු පැවසුවේ "නීති ගරුක පුරවැසියන්ගේ... අයිතීන් සීමා කිරීම වැඩැක් නැහැ. එය ඵලදායී නැහැ. අපරාධ වළක්වන්නේ නැහැ."
රෝග පාලන හා වැළැක්වීමේ මධ්යස්ථාන (CDC) විසින් පසුගිය මාසයේ නිකුත් කරන ලද දත්ත වලට අනුව, 2020 දී අමෙරිකාවේ ළමුන් සහ නව යොවුන් වියේ දරුවන්ගේ මරණයට ප්රධානතම හේතුව මෝටර් රථ අනතුරු අභිබවා තුවක්කු බවට පත්ව තිබීම විශේෂත්වයකි.
සඳුදා, FBI වාර්තාව දැක්වුණේ 2020 දී කොරෝනා වෛරසය ආරම්භ වූ දා සිට "වෙඩික්කරුවන්ගේ" ප්රහාර දෙගුණ වී ඇති බවයි.
