ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
"ස්ත්රී දූෂක සෙබළුන්ට වෙඩි තැබිය යුතුයි"
ස්ත්රී දූෂක සෙබළුන් වෙඩි තබා මරා දැමිය යුතු බව දකුණු සුඩානයේ ජනාධිපති සල්වා කියර් පවසයි.
ඔහු මෙම ප්රකාශය කළේ සුඩානයේ නිරිතදිග ප්රදේශයේ සංචාරයක නිරතවෙමිනි.
එදිරිවාදී කණ්ඩායම් දිනා ගැනීම සඳහා දියත්වන සංහිඳියාවේ මුලපිරීමක් වශයෙන්, ජනාධිපතිවරයාගේ මෙම සංචාරයේ යෙදී සිටී.
සමුහ දූෂණ
දකුණු සුඩානයේ සෙබළුන් විසින් ජනවර්ගය පදනම් කරගනිමින් කාන්තාවන් සමුහ ලෙස දූෂණය කරනු ලැබ ඇති බවට මානව හිමිකම් කණ්ඩායම් චෝදනා කර තිබේ.
ජනාධිපති සල්වා කියර් විසින් 2013 වසරේදී තම උප ජනාධිපතිවරයා තනතුරින් පහ කරනු ලැබීමත් සමඟ රට සිවිල් යුද්ධයකට අවතීර්ණ විය.
ප්රචණ්ඩත්වය පිළිබඳව වාර්තා පළවීමත් සමඟ දකුණු සුඩාන රජය සහ එරටට ආධාර සපයන බටහිර ලෝකයේ පාර්ශ්ව අතර මතභේද හට ගැනිණි.
