ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
හමුදා රහස් පිට කළ චෙල්සිට ඔබාමා ගෙන් සමාව
ඇමෙරිකානු හමුදාවේ අතිශය රහස් තොරතුරු විකීලීක්ස් වෙබ් අඩවියට ලබා දුන් චෙල්සී මෑනිං ගේ දඬුවම ලිහිල් කරන බව ජනාධිපති බරක් ඔබාමා නිවේදනය කළේය.
ඒ අනුව දැනට වසර 2045 දක්වා තිස් පස් වසරක සිරදඬුවමකට ලක් කර සිටින චෙල්සී මෑනිං ලබන මැයි මාසයේ 17 වැනි දින බන්ධනාගාරයෙන් නිදහස ලැබීමට නියමිතයි.
සංක්රාන්ති ලිංගිකයකු වන 29 හැවිරිදි චෙල්සී එක්සත් ජනපද හමුදාවේ සොල්දාදුවකු ලෙසින් සේවය කළේ බ්රැඩ්ලි මෑනිං ලෙසිනි.
2010 දී විකීලීක්ස් අඩවියට රහස් තොරතුරැ ලබාදීමේ චෝදනාවට චෙල්සී මෑනිං වරදකරු බව 2013 අධිකරණය තීන්දු කළේය. එය ඇමෙරිකානු ඉතිහාසය තුළ අතිශය රහසිගත තොරතුරු එතරම් විශාල ප්රමාණයක් අනාවරණය වූ එක් අවස්ථාවකි.
සිරදඬුවමට ලක්කිරීමෙන් අනතුරුව චෙල්සී මෑනිං දෙවරක්ම සිය දිවි නසාගැනීමට උත්සාහ කළ අතර, වරක් ආහාර වර්ජනයකද නිරත වූවාය.
ලබන සිකුරාදා සිය ධුරයෙන් සමුගන්නා ජනාධිපති ඔබාමා, සිය අවසන් නිල කටයුත්තක් ලෙසින් සිරකරුවන් 209 දෙනකුගේ දඬුවම් ලිහිල් කර ඇති අතර තවත් 64 දෙනකුට සමාව ප්රදානය කර තිබේ.
