ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
කොන්දේසි විරහිත යටත් වීමක් හැර ඉරානය සමග කිසිදු ගනුදෙනුවක් සිදු නොවන" බව ඇමෙ රිකානු ජනාධිපති ඩොනල්ඩ් ට්රම්ප් පවසයි.
ඉරානයේ කාර්යබහුල ම ගුවන් තොටුපළ සහ දේශීය ගුවන් ගමන් ප්රධාන වශයෙන් සිදුවන මෙහ්රාබාද් ගුවන් තොටුපළේ ගුවන් යානයක් ගිනි ගන්නා අයුරු සහ විශාල දුම් වළා ගුවනට නැගෙන ආකාරය ඇසින් දුටුවන් විසින් සමාජ මාධ්යවල සටහන් තබා තිබෙනවා.
"කොන්දේසි විරහිත යටත් වීමක් හැර ඉරානය සමග කිසිදු ගනුදෙනුවක් සිදු නොවන" බව ඇමෙ රිකානු ජනාධිපති ඩොනල්ඩ් ට්රම්ප් පවසයි.
ඔහුගේ සමාජ මාධ්ය වේදිකාවක් වන Truth Socialහි සටහනක් තම්බමින් ට්රම්ප් මෙසේ තවදුරටත් පවසයි: “ඊට පස්සේ, සහ ශ්රේෂ්ඨ සහ පිළිගත හැකි නායකයෙකු (නායකයින්) තෝරා ගැනීමෙන් පසු, අපි සහ අපගේ අපූරු හා ඉතා නිර්භීත සගයන් සහ හවුල්කරුවන් බොහෝ දෙනෙක් ඉරානය විනාශයේ අද්දර සිට ආපසු ගෙන ඒමට වෙහෙස නොබලා කටයුතු කරන්නෙමු, එය ආර්ථික වශයෙන් වෙන කවරදාටත් වඩා විශාල, වඩා හොඳ සහ ශක්තිමත් කරන්නෙමු. එහි අවසානයේ මෙලෙස සටහන් කර තිබිණි. "IRAN WILL HAVE A GREAT FUTURE. 'MAKE IRAN GREAT AGAIN (MIGA!).'"
මැදපෙරදිග යුද්ධය සම්බන්ධ තොරතුරු ඔබ වෙත යළිත් සජීවීව ගෙන ඒමට අප සූදානම්...
ඉරානයට එරෙහි ඇමෙරිකා - ඊශ්රායල් යුද්ධය පිළිබඳ නවතම තොරතුරු සමග විරාමයකින් අනතුරුව හමුවෙමු.
රැඳී සිටින්න අපත් සමගින්...
"ටෙහෙරානයේ ඉරාන ත්රස්තවාදී පාලන යටිතල පහසුකම්" වෙත 15 වන ප්රහාර රැල්ල ආරම්භ කර ඇති බව ඊශ්රායල ආරක්ෂක හමුදා පවසනවා.
ඉරානයට පහර දීමට එරෙහිව මාර්තු 5 කොළඹ, දවටගහ ජුම්මා මුස්ලිම් දේවස්ථානය ඉදිරිපිට විරෝධතාවක් පැවැත්වුණා.
මෙය සංවිධානය කර තිබුණේ, නිදහස් පලස්තීනයක් සඳහා මිතුරෝ සංවිධානය විසින්.
ඊට ශ්රී ලංකාවේ ඉරාන තානාපති අලිරේසා ඩෙල්කොෂ් සහ ශ්රී ලංකාවේ දේශපාලනඥයින් ද සහභාගි වී සිටියා.
එහිදී මාධ්ය වෙත අදහස් දක්වමින් ඉරාන තානාපතිවරයා, "යුද්ධය පටන් ගත්තේ අපි නෙමෙයි. අපි අපිව ආරක්ෂා කර ගන්නවා විතරයි,"යනුවෙන් පැවසුවා.
ඉරානයට ශ්රී ලංකාවේ සහය පළ කරමින් සිකුරාදා කොළඹදී විරෝධතා පැවැත්වුණා.
බේරූට්හි දකුණු තදාසන්න ප්රදේශවල ප්රහාරවලින් පසු දුමාරයක් නැගුණා.
ඊශ්රායල ආරක්ෂක හමුදා (IDF) පවසන්නේ ඔවුන් එක රැයක් තුළ බේරූට් නගරයට එරෙහිව "පුළුල් පරිමාණයේ" ප්රහාර රැල්ලක් දියත් කළ බවයි.
ඉරානයට ඇමරිකානු හමුදා යැවීම දැනට "කාලය නාස්ති කිරීමක්" බවත්, ඒ ගැන ඔහු දැන් සිතමින් සිටින දෙයක් නොවන බවත් එක්සත් ජනපද ජනාධිපති ඩොනල්ඩ් ට්රම්ප් එන්බීසී ප්රවෘත්ති සේවයට පවසා තිබෙනවා.
"එය කාලය නාස්ති කිරීමක්. ඔවුන්ට සියල්ල අහිමි වී වෙලා. ඔවුන්ට ඔවුන්ගේ නාවික හමුදාව අහිමි වී වෙලා.
ඔවුන්ට අහිමි විය හැකි සියල්ල ඔවුන්ට අහිමි වී වෙලා," ට්රම්ප් බ්රහස්පතින්දා [මාර්තු 05] එන්බීසී වෙත පැවසුවා.
ඉරාන විදේශ අමාත්ය අබ්බාස් අගාචි එන්බීසී වෙත මීට පෙර කළ ප්රකාශය "වැඩකට නැති ප්රකාශයක්" බව ඔහු තවදුරටත් පැවසුවා.
වත්මන් ඉරාන නායකත්ව ව්යුහය "පිරිසිදු කිරීමට" අවශ්ය බව ට්රම්ප් පැවසුවා.
"අපිට ඔවුන්ට හොඳ නායකයෙක් අවශ්යයි. හොඳට වැඩ කරයි කියලා මම සිතන සමහර අය අපට ඉන්නවා," ඔහු කිසිවෙකු නම් නොකර පැවසුවා.
ඉන්දියාවට රුසියානු තෙල් මිල දී ගැනීමට ඉඩ සැලසීම සඳහා ඇමෙරිකානු භාණ්ඩාගාර දෙපාර්තමේන්තුව තාවකාලිකව සම්බාධක ලිහිල් කර තිබෙනවා.
දින 30ක මෙම සහනය මගින් ගෝලීය වෙළෙඳපොළ තුළ තෙල් ගලා යාමට ඉඩ සැලසෙන අතර "ගෝලීය බලශක්ති ප්රාණ ඇපයට ගැනීමට ඉරානය දරන උත්සහය නිසා ඇතිවන පීඩනය සමනය වන" බව භාණ්ඩාගාර ලේකම් ස්කොට් බෙසන්ට් පැවසුවා.
මෙම පියවර "මනා අවබෝධයෙන් ගත් කෙටිකාලීන පියවරක්" වන අතර එය "රුසියානු රජයට මූල්ය ප්රතිලාභයක් ලබා නොදෙනු ඇත," මන්ද එය අදාළ වන්නේ මුහුදේ දැනටමත් සිරවී ඇති තෙල් නෞකාවලට පමණක් බව බෙසන්ට් Xහි සටහනක් තබමින් සඳහන් කළා.
රුසියාව යුක්රේනය ආක්රමණය කිරීමෙන් පසු එක්සත් ජනපද ජනාධිපති ඩොනල්ඩ් ට්රම්ප් රුසියානු තෙල් සඳහා සම්බාධක පැනවූ අතර, ඒ හේතුවෙන් ගැනුම්කරුවන්ට විකල්ප සෙවීමට වුණා.
රුසියානු බලශක්ති නිෂ්පාදනවල ප්රධාන ගැනුම්කරුවෙකු වන ඉන්දියාවට, යුක්රේන ආක්රමණයට ගලා එන මුදල් අඩු කිරීමේ උත්සහයක් ලෙස, එරට තෙල් මිල දී ගැනීම නතර කරන ලෙස වොෂින්ටනය විශේෂ පීඩනයක් එල්ල කර තිබෙනවා.
ප්රහාරයකින් මනමා අගනුවර හෝටලයක් සහ නේවාසික ගොඩනැගිලි දෙකක් ඉලක්ක කර ගනිමින් ඉරානයෙන් ප්රහාරයක් එල්ල වූ බව බහරේන් අභ්යන්තර කටයුතු අමාත්යංශය පවසනවා.
මෙම නවතම ප්රහාරයෙන් "ගොඩනැගිලිවලට හානි සිදුවී ඇති නමුත් ජීවිත හානි සිදු වී නැතැයි" යනුවෙන් අභ්යන්තර කටයුතු අමාත්යංශය Xහි සටහනක් තබමින් සඳහන් කර තිබුණා.
මෙම සතිය මුලදී, බහරේනයේ පිහිටා ඇති ඇමෙරිකා එක්සත් ජනපද නාවික හමුදා කඳවුර ඉරාන මිසයිල මගින් ඉලක්ක කර ගත්තා.
ආයුබෝවන්!
බීබීසී සිංහල සජීවී පිටුවට ඔබ සාදරයෙන් පිළිගන්නවා.
බීබීසී සිංහල අප කණ්ඩායම විසින් අද උදෑසන 9 සිට පස්වරු 7 දක්වා ඉරානයට එරෙහි ඇමෙරිකා-ඊශ්රායල් යුද්ධය සහ ඉරානය විසින් මැදපෙරදිග රටවලට එල්ල කරන ප්රතිප්රහාර හේතුවෙන් වර්ධනය වන ආතතීන්ගේ ඔබට වැදගත් වන ප්රවෘත්ති මෙමගින් ගෙන එනවා.
ඊයේ දිනයේ අප ගෙනා ආ සජීවී පිටුව කියවීමට මෙම ලිනික් ක්ලික් කරන්න
මේ සම්බන්ධයෙන් අපගේ වෙබ් අඩවියේ පළවී ඇති තවත් වැදගත් ලිපි කියවන්න
මේ සම්බන්ධයෙන් ඔබට අපගේ සමාජ මාධ්ය ඔස්සේ නැරඹිය හැකි වීඩියෝ
