ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
නිරෝෂන් දික්වැල්ලට යළි ක්රිකට් තරග තහනමක්
තහනම් උත්තේජක විරෝධී චෝදනාවක් හේතුවෙන් ක්රිකට් ක්රීඩක නිරෝෂන් දික්වැල්ලට සියලුම ආකාරයේ ක්රිකට් තරගවලට සහභාගී වීම අත්හිටුවා ඇති බව ශ්රී ලංකා ක්රිකට් ආයතනය අද (අගෝස්තු 16 වැනිදා) නිවේදනය කළේය.
එම අත්හිටුවීම වහාම ක්රියාත්මක වන අතර නැවත දැනුම් දෙන තුරු ක්රියාත්මකවනු ඇත.
ලංකා ප්රිමියර් ලීග් (LPL) 2024 තරගාවලිය අතරතුර ශ්රී ලංකා තහනම් උත්තේජක මර්දන නියෝජිතායතනය විසින් ක්රිකට් ක්රීඩක නිරෝෂන් දික්වැල්ලට අදාළව එම පරීක්ෂණය පවත්වන ලද බව ද අදාළ නිවේදනයේ දැක්වෙයි.
තහනම් ද්රව්යවල බලපෑමෙන් ක්රිකට් ක්රීඩාව නිදහස්ව පවතින බව සහතික කිරීම අරමුණු කරගනිමින් ලෝක තහනම් උත්තේජක විරෝධී නියෝජිතායතනයේ (WADA) මාර්ගෝපදේශවලට අනුකූලව ක්රීඩා අමාත්යාංශයේ සහයෝගයෙන් එම පරීක්ෂණය කළ බව ද ශ්රී ලංකා ක්රිකට් ආයතනය පවසයි.
පිරිසිදු හා සාධාරණ ක්රීඩාවක් සඳහා වූ කැපවීම ශ්රී ලංකා ක්රිකට් ආයතනයට අතිශයින් වැදගත් බවත්, ඕනෑම චෝදනාවක් සහ උල්ලංඝනය කිරීමක් බරපත ලෙස සලකනු ලබන බවත් ශ්රී ලංකා ක්රිකට් ආයතනය නිකුත් කළ නිවේදනයේ වැඩිදුරටත් සඳහන් ය.
වසරක ජාත්යන්තර තරග තහනමක් මාස 6ක දේශීය තරග තහනමක්
2021 ජුනි මාසයේදී ශ්රී ලංකා කණ්ඩායමේ, එංගලන්ත තරග සංචාරය තුළදී ජෛව ආරක්ෂිත බුබුල බිඳ දැමීම හේතුවෙන් නිරෝෂන් දික්වැල්ලට මීට පෙර චෝදනා එල්ල විය.
දික්වැල්ල ඇතුළු ක්රීඩකයින් තිදෙනෙකුට ශ්රී ලංකා ක්රිකට් ආයතනය විසින් එම චෝදනාව සම්බන්ධයෙන් වසරක ජාත්යන්තර තරග තහනමක්, මාස 6ක දේශීය තරග තහනමක් සහ දඩ මුදලක් පැනවීමට කටයුතු කෙරුණි.
කෙසේ වුවත් ඔවුන්ට එරෙහිව පනවා තිබු ජාත්යන්තර තරග තහනම සහ දේශීය තරග තහනම 2022 වසරේ ජනවාරි මස 07 වැනිදා ඉවත් කිරීමට ශ්රී ලංකා ක්රිකට් ආයතන විධායක කමිටුව මීට පෙර තීරණය කළේය.
