පපුවේ ආසාදනයක් හේතුවෙන් කැමිලා රජ බිසව උත්සවවලට සහභාගි වීම අවලංගු කරයි
ඡායාරූප මූලාශ්රය, Getty Images
පපුවේ ආසාදනයක් හේතුවෙන් කැමිලා රජ බිසව මේ සතියේ පැවැත්වීමට නියමිතව තිබූ උත්සව ගණනාවකට සහභාගි වීමෙන් ඉවත් වූ බව බකිංහැම් මාලිගය ප්රකාශ කළේය.
ඇයගේ රෝගී තත්ත්වය හෝ ප්රතිකාර සම්බන්ධයෙන් වැඩිදුර තොරතුරු අනාවරණය වී නොමැති නමුත් ඇය වෛද්යවරුන්ගේ අධීක්ෂණය යටතේ නිවසේ විවේක ගනිමින් සිටින බව දැනගන්නට ඇත.
බ්රහස්පතින්දා වෙස්ට්මිනිස්ටර් ඇබේ හි පැවත්වෙන ක්ෂේත්ර අනුස්මරණ උලෙළේ වාර්ෂික විවෘත කිරීමේ උත්සවයට 77 හැවිරිදි රැජින වෙනුවෙන් ග්ලූස්ටර් ආදිපාදවරිය සහභාගි වීමට නියමිත ය.
මෙම සති අන්තයේ අනුස්මරණ උත්සවවලට සහභාගී වීම සඳහා , සුවය ලැබීමට රැජින බලාපොරොත්තු වන බව මාළිගාවේ ප්රකාශයක් සඳහන් කර සිටියේය.
ජ්යෙෂ්ඨ රාජකීයයන් සාමාන්යයෙන් අනුස්මරණ උත්සව ගණනාවකට සහභාගී වේ.
එදින ම සවස III චාල්ස් රජු විසින් සත්කාරකත්වය දරනු ලබන ඔලිම්පික් සහ පැරාලිම්පික් ක්රීඩක ක්රීඩිකාවන් සඳහා බකිංහැම් මාලිගයේ පැවැත්වීමට නියමිත පිළිගැනීමේ උත්සවයට ද රැජින සහභාගී නොවනු ඇත.
මාලිගාවේ ප්රකාශය මෙසේය: “මහ රැජින මේ වන විට පපුවේ ආසාදනයකින් අසනීපව සිටින අතර, ඇයගේ වෛද්යවරුන් කෙටි විවේකයක් සඳහා ඇයට උපදෙස් දී ඇත.
"ඉතා කනගාටුවෙන් යුතු වන්නේ, රැජිනියට මේ සතිය සඳහා ඇයගේ කාර්යයන්වල නියැලීමෙන් ඉවත් වීමට සිදුවී ඇත, නමුත් මෙම සති අන්තයේ අනුස්මරණ උත්සව වලට සාමාන්ය පරිදි සහභාගී වීමට හැකි පරිදි ඇය සුවය ලැබෙනු ඇතැයි ඇය බලාපොරොත්තු වේ."
රැජින සහ රජු මෑතකදී ඕස්ට්රේලියාවේ සහ සමෝවාහි රාජකීය සංචාරයකින් ආපසු පැමිණියහ.
චාල්ස් රජු අනාවරණය නොකළ පිළිකා තත්ත්වයක් සඳහා ප්රතිකාර ලබමින් සිටින අතර අප්රේල් මාසයේ ප්රසිද්ධ උත්සවවලට සහභාගි වීම නැවත ආරම්භ කිරීමට පෙර පෙබරවාරි මාසයේ මහජන හමුවීම්වලට සහභාගිවීමේ කටයුතු කල් දැමීය.
