Rinn Mgr Esselmont moladh air prògraman leithid Father Ted

Seo a rèir Ceannard Phrògraman Seirbheisean nam Meadhanan Ghàidhlig (GMS), Ailean Esslemont.

Thuirt e gun robh luchd-amhairc òg ag iarraidh prògramam spòrsail agus èibhinn.

Thug Mgr Esslemont rabhadh seachad nach eil an t-ionmhas ann an-dràsta airson sreath fhada dràma.

Ann an cuairt-litir GhMS, thuirt Mgr Esselmont, nach eil e furasta a bhith a' sgrìobhadh comadaidh ann an Gàidhlig no ann am Beurla, agus gu bheil greis air a bhith ann bhon a bho prògram cho soirbheachail ri leithid Friends no Father Ted air an telebhisean.

"Airson gum bidh stèisean mar seo soirbheachail, feumaidh siabann, no sreath fhada dràma a bhith ann." thuirt e.

"Chan eil an t-airgead againn an-dràsta airson sreath fhada dràma ach feumaidh sinn tòiseachadh air smaointean a leasachadh agus, aig an aon àm, falbh a-mach a shireadh cnap mòr airgid am badeigin ."

Treànadh

"Cha tachair e a-màireach, ach tha mi cinnteach gun gabh e a dhèanamh."

Thug Urras a' BhBC ceud airson an t-seirbheis dhideastach Ghàidhlig san Fhaoilleach, agus thèid a ruith ann an compàirteachas eadar am BBC agus SMG.

Na lùib bidh seirbheisean telebhisean, air loidhne agus rèdio.

Thèid fhaotainn an toiseach air càbal, saideal agus air a' bhann leathann.

Nì Urras a' BhBC sgrùdadh mus tèid a chur air Freeview.

Fosglaidh ionad-trèanaidh telebhisean ùr san Eilean Sgitheannach Dihaoine.

Tha SMG an sàs sa phròiseact ann an co bhann le Sabhal Mòr Ostaig

Gheibh daoine an treànadh ann ann an obair camera, solais, fuaim, sgrìobhadh, gearradh agus sgilean eile.