Mar a tha rocaidean a' dol dha na speuran

'S e adhbhar na h-aithisg seo fiosrachadh a thoirt seachad air an dòigh anns a bheil rocaidean a' dol dha na speuran.

Mus tèid rocaid suas do na speuran, feumar a bhith cinnteach gu bheil i
sàbhailte. As dèidh don rocaid a bhith air a h-ullachadh mar is còir, tha i deiseil airson a dhol air an ionad-losgaidh. 'S e inneal mòr a tha seo far am bi an rocaid a' seasamh, deiseil airson siubhal do na speuran.

Nuair a tha an rocaid a' fàgail an ionad-losgaidh, tha tòrr ceothaidh
a' tighinn a-mach às na h-einnseanan aice. Tha einnseanan sònraichte aig rocaid airson neart a thoirt dhi a dhol suas do na speuran. 'S e einnseanan neartachaidh an t-ainm a tha orra.

Air an t-slighe suas do na speuran, tha astar na rocaid a' fàs nas luaithe. Tha an rocaid a' cleachdadh na h-einnseanan neartachaidh a tha air gach taobh dhi airson barrachd cumhachd a thoirt dhi. Tha an criutha am broinn na rocaid ga stiùireadh don àite freagarrach sna speuran. Tha siostam iùil aca airson an cuideachadh.

Fhad 's a tha an rocaid anns na speuran, faodaidh an criutha a tha na broinn a thighinn a-mach aiste. Feumaidh grèim a bhith aca fhathast air an rocaid gus nach bi iad a' flòdradh air falbh. Tha innealan ceangailte ris a' chriutha a tha a' toirt ocsaidean dhaibh gus an tèid aca air anail a tharraing.

Nuair tha criutha na rocaid deiseil de an obair shuas anns na speuran, tha iad a' stiùireadh an inneil air ais gu talamh.