ਤਸਵੀਰਾਂ꞉ ‘ਜਵਾਲਾਮੁਖੀ ਦੀ ਧਮਕ ਉੱਚੇ ਵਜਦੇ ਸੰਗੀਤ ਵਾਂਗ ਸੀ’
ਤਸਵੀਰ ਸਰੋਤ, Getty Images
ਕਿਲੂਈਆ ਜਵਾਲਾਮੁਖੀ ਦੇ ਜਾਗਣ ਮਗਰੋਂ ਹਵਾਈ ਦੇ ਵੱਡੇ ਦੀਪ ਵਿੱਚ ਭੂਚਾਲ ਦੇ ਤੇਜ਼ ਝਟਕੇ ਆਏ। ਇਨ੍ਹਾਂ ਵਿੱਚੋਂ ਇੱਕ ਭੂਚਾਲ 6.9 ਤਾਕਤ ਦਾ ਸੀ। ਅਜਿਹਾ ਭੂਚਾਲ ਇਸ ਅਮਰੀਕੀ ਸੂਬੇ ਵਿੱਚ 1975 ਤੋਂ ਬਾਅਦ ਪਹਿਲੀ ਵਾਰ ਆਇਆ ਹੈ।
ਲੋਕ ਸੁਨਾਮੀ ਦੇ ਖਦਸ਼ੇ ਨਾਲ ਘਰ ਛੱਡ ਕੇ ਭੱਜ ਗਏ ਹਾਲਾਂਕਿ ਅਜਿਹੀ ਕੋਈ ਚੇਤਾਵਨੀ ਨਹੀਂ ਸੀ ਦਿੱਤੀ ਗਈ ਸੀ।
ਇਸੇ ਦੌਰਾਨ ਹੋਰ ਜਵਾਲਾਮੁਖੀਆਂ ਵੀ ਫਟੇ ਜਿਨ੍ਹਾਂ ਵਿੱਚੋਂ ਲਾਵੇ ਦੇ ਫੁਹਰੇ ਵਹਿ ਤੁਰੇ। ਇਹ ਫੁਹਰੇ 100 ਫੁੱਟ ਤੱਕ ਉੱਚੇ ਸਨ।
ਆਲੇ-ਦੁਆਲੇ ਦੇ ਕਈ ਘਰ ਤਬਾਹ ਹੋ ਗਏ ਅਤੇ ਸੜਕਾਂ ਵਿੱਚ ਵੱਡੀਆਂ ਦਰਾਰਾਂ ਪੈ ਗਈਆਂ।
ਤਸਵੀਰ ਸਰੋਤ, Getty Images
ਨਾਗਰਿਕ ਸੁਰੱਖਿਆ ਏਜੰਸੀ ਨੇ ਬਾਕੀ ਬਚੇ ਬਾਸ਼ਿੰਦਿਆਂ ਨੂੰ ਵੀ ਇਲਾਕਾ ਖਾਲੀ ਕਰਨ ਲਈ ਕਹਿ ਦਿੱਤਾ। ਚਿਤਾਵਨੀ ਵਿੱਚ ਕਿਹਾ ਗਿਆ ਕਿ ਹਵਾ ਵਿੱਚ ਸਲਫਰ ਡਾਇਕਸਾਇਡ ਦੀ ਖ਼ਤਰਨਾਕ ਮਾਤਰਾ ਹੈ ਜਿਸ ਕਰਕੇ ਸਹਿਤ ਕਰਮੀ ਕਿਸੇ ਦੀ ਕੋਈ ਸਹਾਇਤਾ ਨਹੀਂ ਕਰ ਸਕਣਗੇ।
ਤਸਵੀਰ ਸਰੋਤ, Getty Images
ਅਮਰੀਕੀ ਜੂਓਲੋਜਿਕਲ ਸਰਵੇ ਨੇ ਦੱਸਿਆ ਕਿ ਇਨ੍ਹਾਂ ਜਵਾਲਾਮੁਖੀਆਂ ਵਿੱਚੋਂ ਬਹੁਤ ਜ਼ਿਆਦਾ ਲਾਵਾ ਨਿਕਲਿਆ ਹੈ ਅਤੇ ਹੋਰ ਜਵਾਲਾਮੁਖੀ ਵੀ ਜਾਗ ਸਕਦੇ ਹਨ। ਵਿਭਾਗ ਨੇ ਕਿਹਾ ਕਿ ਲਾਵਾ ਫੁੱਟਣ ਦੀ ਥਾਂ ਤੋਂ ਕੋਈ ਬਹੁਤੀ ਦੂਰ ਨਹੀਂ ਜਾ ਰਿਹਾ ਸੀ।
ਫੇਰ ਵੀ ਇਲਾਕੇ ਵਿੱਚ ਧਰਤੀ ਵਿੱਚ ਉਥਲ-ਪੁਥਲ ਦੇਖੀ ਗਈ ਅਤੇ ਹੌਲੀ-ਹੌਲੀ ਲਾਵੇ ਦੀ ਝੀਲ ਵਿੱਚ ਇਸਦਾ ਪੱਧਰ ਗਿਰਨਾ ਜਾਰੀ ਰਿਹਾ।
ਹਵਾਈ ਦੀਪ ਦੇ ਮੇਅਰ ਦੇ ਹਵਾਲੇ ਨਾਲ ਏਬੀਸੀ ਨਿਊਜ਼ ਨੇ ਕਿਹਾ ਹੈ ਕਿ ਇਸ ਨਾਲ ਦੋ ਘਰ ਨੁਕਸਾਨੇ ਗਏ ਹਨ।
ਤਸਵੀਰ ਸਰੋਤ, Getty Images
ਇਲਾਕਾ ਛੱਡ ਕੇ ਜਾ ਰਹੇ ਲੋਕਾਂ ਨੇ ਵੀਰਵਾਰ ਸ਼ਾਮ ਨੂੰ ਦੱਸਿਆ, "ਮੇਰਾ ਪਰਿਵਾਰ ਸੁਰੱਖਿਅਤ ਹੈ, ਬਾਕੀ ਸਾਮਾਨ ਬਦਲਿਆ ਜਾ ਸਕਦਾ ਹੈ। ਜਦੋਂ 14 ਸਾਲ ਪਹਿਲਾਂ ਮੈਂ ਇੱਥੇ ਘਰ ਖ਼ਰੀਦਿਆ ਸੀ ਤਾਂ ਮੈਨੂੰ ਪਤਾ ਸੀ ਕਿ ਕਦੇ ਨਾ ਕਦੇ ਦਿਨ ਇਹ ਜ਼ਰੂਰ ਆਵੇਗਾ।"
ਤਸਵੀਰ ਸਰੋਤ, Getty Images
ਵੀਰਵਾਰ ਨੂੰ ਇਨ੍ਹਾਂ ਜਵਾਲਮੁਖੀਆਂ ਕਰਕੇ ਸਥਾਨਕ ਐਮਰਜੈਂਸੀ ਲਾ ਦਿੱਤੀ ਗਈ ਅਤੇ 1,700 ਨਿਵਾਸੀਆਂ ਨੂੰ ਕੱਢਿਆ ਗਿਆ।
ਉੱਜੜੇ ਹੋਏ ਲੋਕਾਂ ਨੂੰ ਕਮਿਉਨਿਟੀ ਸੈਂਟਰਾਂ ਵਿੱਚ ਰੱਖਿਆ ਗਿਆ ਹੈ।
ਅਧਿਕਾਰੀ ਇੱਕ ਹਫਤੇ ਤੋਂ ਹੀ ਸਥਾਨਕ ਨਿਵਾਸੀਆਂ ਨੂੰ ਇਲਾਕਾ ਛੱਡਣ ਲਈ ਤਿਆਰ ਰਹਿਣ ਲਈ ਸੁਚੇਤ ਕਰ ਰਹੇ ਸਨ ਕਿਉਂਕਿ ਜਵਾਲਾਮੁਖਈ ਚੇਤਾਵਨੀ ਜ਼ਿਆਦਾ ਸਮਾਂ ਨਹੀਂ ਦੇਵੇਗਾ।
ਤਸਵੀਰ ਸਰੋਤ, AFP/GETTY
ਹਵਾਈ ਕਾਊਂਟੀ ਦੇ ਮੇਅਰ ਦੇ ਬੁਲਾਰੇ ਨੇ ਦੱਸਿਆ ਕਿ ਇਲਾਕੇ ਵਿੱਚ ਸਲਫ਼ਰ ਦੀ ਮਾਤਰਾ ਵਧੀ ਹੋਣ ਕਰਕੇ ਲੋਕ ਵਾਪਸ ਨਹੀਂ ਆ ਸਕਦੇ। ਇਹ ਬਹੁਤ ਜ਼ਹਿਰੀਲੀ ਹੈ। ਇੱਥੋਂ ਤੱਕ ਕਿ ਬਚਾਅ ਕਰਮੀਆਂ ਲਈ ਵੀ ਬਿਨਾਂ ਕਿਸੇ ਤਰੀਕੇ ਦਾ ਬਚਾਅ ਮਿਸ਼ਨ ਚਲਾਉਣਾ ਕੀਤੇ ਜਾਣਾ ਖ਼ਤਰਨਾਕ ਸੀ।
ਇੱਕ ਪ੍ਰਤੱਖ ਦਰਸ਼ੀ ਨੇ ਕਿਹਾ ਕਿ ਇਸ ਤਰ੍ਹਾਂ ਲੱਗ ਰਿਹਾ ਸੀ ਜਿਵੇਂ ਕਈ ਉੱਚੀ ਆਵਾਜ਼ ਵਿੱਚ ਧਮਕਦਾਰ ਸੰਗੀਤ ਵਜਾ ਰਿਹਾ ਹੋਵੇ। ਤੁਸੀਂ ਧਮਕ ਅਤੇ ਲਾਵੇ ਦੀ ਤਾਕਤ ਮਹਿਸੂਸ ਕਰ ਸਕਦੇ ਸੀ।
ਤੁਸੀਂ ਜਿੰਨਾ ਇਸ ਦੇ ਨਜ਼ਦੀਕ ਜਾਂਦੇ ਉਤਨੀ ਹਾ ਇਸ ਦੀ ਸ਼ਕਤੀ ਮਹਿਸੂਸ ਕਰ ਸਕਦੇ ਸੀ। ਇਸ ਦੇ ਰੰਗ ਅਤੇ ਆਵਾਜ਼ ਉੱਤੇ ਯਕੀਨ ਨਹੀਂ ਸੀ ਹੋ ਰਿਹਾ।
ਮਜੀਆ ਸਟੈਨਬੈਕ ਨੇ ਅੱਗੇ ਦੱਸਿਆ ਕਿ ਸਾਨੂੰ ਦੋ ਘੰਟੇ ਪਹਿਲਾਂ ਕੱਢ ਲਿਆ ਗਿਆ ਸੀ ਅਤੇ ਹੁਣ ਅਸੀਂ ਆਪਣੇ ਮਿੱਤਰਾਂ ਨਾਲ ਹਾਂ।
ਤਸਵੀਰ ਸਰੋਤ, USGS
"ਜਵਾਲਾਮੁਖੀ ਫਟਣ ਦੇ ਅੱਧੇ ਘੰਟੇ ਦੇ ਵਿੱਚ ਹੀ ਇਸ ਦੀ ਚਰਚਾ ਸੋਸ਼ਲ ਮੀਡੀਆ ਉੱਤੇ ਸ਼ੁਰੂ ਹੋ ਗਈ। ਇਸ ਲਈ ਮੈਂ ਤੇ ਮੇਰੀ ਬੇਟੀ ਵੀ ਇਸ ਨੂੰ ਦੇਖਣ ਗਏ। ਤੁਸੀਂ ਇਸ ਦੀ ਧਮਕ ਅੱਧਾ ਮੀਲ ਦੂਰੋਂ ਸੁਣ ਅਤੇ ਮਹਿਸੂਸ ਕਰ ਸਕਦੇ ਸੀ।''
ਤਸਵੀਰ ਸਰੋਤ, Getty Images
ਇਹ ਧਮਾਕੇਦਾਰ ਲੱਗ ਰਿਹਾ ਸੀ- ਇਹ ਜਿੰਨੇ ਜ਼ੋਰ ਨਾਲ ਲਾਵਾ ਉਗਲ ਸਕਦਾ ਸੀ ਉਤਨੇ ਜ਼ੋਰ ਨਾਲ ਉਗਲ ਰਿਹਾ ਸੀ। ਇਹ ਸੁਣਨ ਨਾਲੋਂ ਵਧੇਰੇ ਮਹਿਸੂਸ ਕੀਤਾ ਜਾ ਸਕਦਾ ਸੀ।
