ਟਵਿੱਟਰ ਨੇ ਯੂਜ਼ਰਜ਼ ਨੂੰ ਕਿਹਾ 'ਬਦਲੋ ਪਾਸਵਰਡ'
ਤਸਵੀਰ ਸਰੋਤ, Getty Images
ਟਵਿੱਟਰ ਦੇ ਅੰਦਰੂਨੀ ਨੈੱਟਵਰਕ ਵਿੱਚ ਕੁਝ ਗੜਬੜੀਆਂ ਸਾਹਮਣੇ ਆਉਣ ਤੋਂ ਬਾਅਦ ਟਵਿੱਟਰ ਵੱਲੋਂ ਆਪਣੇ 33 ਕਰੋੜ ਯੂਜ਼ਰਜ਼ ਨੂੰ ਚੇਤਵਾਨੀ ਦਿੱਤੀ ਗਈ ਕਿ ਉਹ ਆਪਣੇ ਅਕਾਊਂਟ ਦਾ ਪਾਸਵਰਡ ਬਦਲ ਲੈਣ।
ਟਵਿੱਟਰ ਨੇ ਕਿਹਾ ਹੈ ਕਿ ਅੰਦਰੂਨੀ ਜਾਂਚ ਤੋਂ ਅਜਿਹਾ ਕੋਈ ਸੰਕੇਤ ਨਹੀਂ ਮਿਲਿਆ ਕਿ ਪਾਸਵਰਡ ਚੋਰੀ ਕੀਤੇ ਗਏ ਹਨ ਜਾਂ ਫਿਰ ਉਨ੍ਹਾਂ ਦੀ ਦੁਰਵਰਤੋਂ ਕੀਤੀ ਗਈ ਹੈ।
ਇਸਦੇ ਬਾਵਜੂਦ ਟਵਿੱਟਰ ਵੱਲੋਂ ਆਪਣੇ ਯੂਜ਼ਰਜ਼ ਨੂੰ ਸਾਵਧਾਨੀ ਦੇ ਤੌਰ 'ਤੇ ਪਾਸਵਰਡ ਬਦਲਣ 'ਤੇ ਗੌਰ ਕਰਨ ਦੀ ਅਪੀਲ ਕੀਤੀ ਗਈ ਹੈ।
ਟਵਿੱਟਰ ਵੱਲੋਂ ਇਸ ਬਾਰੇ ਕੋਈ ਅੰਕੜਾ ਜਾਰੀ ਨਹੀਂ ਕੀਤਾ ਗਿਆ ਕੀ ਕਿੰਨੇ ਪਾਸਵਰਡ ਪ੍ਰਭਾਵਿਤ ਹੋਏ ਹਨ।
ਇਹ ਮੰਨਿਆ ਜਾ ਸਕਦਾ ਹੈ ਕਿ ਅੰਕੜਾ ਵੱਡਾ ਹੀ ਸੀ।
ਰੋਇਟਰਸ ਏਜੰਸੀ ਮੁਤਾਬਕ ਕੁਝ ਹਫ਼ਤੇ ਪਹਿਲਾਂ ਟਵਿੱਟਰ ਵੱਲੋਂ ਇੱਕ ਬਗ ਲੱਭਿਆ ਗਿਆ ਸੀ ਅਤੇ ਕੁਝ ਰੈਗੂਲੇਟਰਸ ਨੂੰ ਇਸ ਬਾਰੇ ਰਿਪੋਰਟ ਕੀਤੀ ਗਈ ਸੀ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post
ਚੀਫ਼ ਅਗਜ਼ੈਕਟਿਵ ਜੈਕ ਡੋਰਸੀ ਵੱਲੋਂ ਟਵੀਟ ਕਰਕੇ ਕਿਹਾ ਗਿਆ ਕਿ ਗੜਬੜੀ ''ਹੈਸ਼ਿੰਗ'' ਦੀ ਵਰਤੋਂ ਨਾਲ ਸਬੰਧ ਸੀ। ਇਸ ਵਿੱਚ ਉਪਭੋਗਤਾ ਉਸ ਨੂੰ ਨੰਬਰਜ਼ ਅਤੇ ਲੈਟਰਸ ਨਾਲ ਬਦਲਦਾ ਹੈ।
'ਹੈਸ਼ਿੰਗ' ਪ੍ਰਕਿਰਿਆ ਪੂਰੀ ਕਰਨ ਤੋਂ ਪਹਿਲਾਂ ਇੱਕ ਬਗ ਕਾਰਨ ਸਾਰੇ ਪਾਸਵਰਡ ਅੰਦਰੂਨੀ 'ਕੰਪਿਊਟਰ ਲੋਗ' ਵਿੱਚ ਸਟੋਰ ਹੋ ਗਏ।
ਤਸਵੀਰ ਸਰੋਤ, TWITTER
ਟਵਿੱਟਰ ਨੇ ਆਪਣੇ ਬਲਾਗ 'ਤੇ ਲਿਖਿਆ ਕਿ ਅਸੀਂ ਇਸ ਲਈ ਮਾਫ਼ੀ ਮੰਗਦੇ ਹਾਂ।
ਪਾਸਵਰਡ ਵਿੱਚ ਬਦਲਾਅ ਕਰਨ ਦੇ ਨਾਲ ਯੂਜ਼ਰਜ਼ ਨੂੰ ਇਹ ਵੀ ਸਲਾਹ ਦਿੱਤੀ ਗਈ ਹੈ ਕਿ ਉਹ ਅਕਾਊਂਟ ਨੂੰ ਹੈਕ ਹੋਣ ਤੋਂ ਬਚਾਉਣ ਲਈ ਦੋ ਪੱਧਰੀ ਪ੍ਰਮਾਣੀਕਤਾ ਦਾ ਪਾਲਣ ਕਰਨ।
