ਅਮਰੀਕਾ: ਲਾਸ ਵੇਗਾਸ ਦੇ ਮਿਊਜ਼ਿਕ ਫੈਸਟੀਵਲ 'ਚ ਫਾਇਰਿੰਗ
ਤਸਵੀਰ ਸਰੋਤ, Getty Images
ਅਮਰੀਕਾ ਦੇ ਲਾਸ ਵੇਗਾਸ ਵਿੱਚ ਸਨਸੈੱਟ ਸਟ੍ਰਿਪ ਇਲਾਕੇ ਦੇ ਮਾਂਡਲੇ ਬੇਅ ਹੋਟਲ ਵਿੱਚ ਗੋਲੀਬਾਰੀ 'ਚ 50 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਹੈ।
ਫਾਇਰਿੰਗ 'ਚ 400 ਤੋਂ ਵੱਧ ਵਿਅਕਤੀ ਜਖ਼ਮੀ ਹੋਏ ਹਨ।
ਲਾਸ ਵੇਗਾਸ ਗੋਲੀਬਾਰੀ ਬਾਰੇ 5 ਗੱਲਾਂ
- ਓਪਨ ਏਅਰ ਥਿਏਟਰ ਵਿੱਚ ਮਿਊਜ਼ਿਕ ਫੈਸਟੀਵਲ ਦੌਰਾਨ ਅਚਾਨਕ ਗੋਲੀਬਾਰੀ ਸ਼ੁਰੂ ਹੋ ਗਈ। ਹਮਲਾਵਰ ਨੇ ਮਾਂਡਲੇ ਬੇਅ ਹੋਟਲ ਦੀ 32ਵੀਂ ਮੰਜ਼ਿਲ ਤੋਂ ਫਾਇਰਿੰਗ ਸ਼ੁਰੂ ਕੀਤੀ।
ਤਸਵੀਰ ਸਰੋਤ, Getty Images
- ਮੌਕੇ ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਸੈਂਕੜੇ ਗੋਲੀਆਂ ਚਲਾਈਆਂ ਗਈਆਂ।
- ਪੁਲਿਸ ਦੇ ਮੁਤਾਬਕ 64 ਸਾਲਾ ਸਟੀਫਨ ਪੈਡਕ ਹਮਲੇ ਲਈ ਜ਼ਿਮੇਵਾਰ ਹੈ। ਉਸ ਨੇ ਹਮਲੇ ਤੋਂ ਬਾਅਦ ਆਪਣੇ ਆਪ ਨੂੰ ਮਾਰ ਲਿਆ।
- ਲਾਸ ਵੇਗਾਲ ਦੇ ਸ਼ੈਰਿਫ ਜੋਸਫ ਲੌਮਬਾਰਡੋ ਨੇ ਕਿਹਾ ਕਿ ਜਾਂਚ ਦੌਰਾਨ ਪੈਡਕ ਦੇ ਹੋਟਲ ਦੇ ਕਮਰੇ ਤੋਂ 10 ਰਾਈਫਲ ਮਿਲੇ ਹਨ।
- ਇਹ ਅਮਰੀਕਾ ਦੇ ਅਜੋਕੇ ਇਤਿਹਾਸ ਦੀ ਸਭ ਤੋਂ ਭਿਆਨਕ ਗੋਲੀਬਾਰੀ ਦੀ ਘਟਨਾ ਹੈ।
ਤਸਵੀਰ ਸਰੋਤ, Getty Images
ਸਨਸੈੱਟ ਸਟ੍ਰਿਪ ਇਲਾਕੇ 'ਚ ਨਾ ਜਾਣ ਦੀ ਹਿਦਾਇਤ
ਸਥਾਨਕ ਸਮੇਂ ਮੁਤਾਬਕ ਰਾਤ 10.30 ਵਜੇ ਫਾਇਰਿੰਗ ਹੋਈ।
ਸਥਾਨਕ ਪੁਲਿਸ ਨੇ ਸਨਸੈੱਟ ਸਟ੍ਰਿਪ ਇਲਾਕੇ ਵਿੱਚ ਨਾ ਜਾਣ ਦੀ ਹਿਦਾਇਤ ਜਾਰੀ ਕੀਤੀ ਹੈ।
ਤਸਵੀਰ ਸਰੋਤ, Getty Images
ਸਥਾਨਕ ਹਸਪਤਾਲ ਮੁਤਾਬਕ ਗੋਲੀਬਾਰੀ 'ਚ ਜ਼ਖ਼ਮੀ ਲੋਕਾਂ ਨੂੰ ਹਸਪਤਾਲ 'ਚ ਲਿਆਂਦਾ ਗਿਆ ਹੈ। ਘਟਨਾ ਤੋਂ ਬਾਅਦ ਲਾਸ ਵੇਗਾਸ ਏਅਰਪੋਰਟ 'ਤੇ ਕਈ ਉਡਾਨਾਂ ਦੇ ਰੂਟ ਬਦਲ ਦਿੱਤੇ ਗਏ ਹਨ।
ਤਸਵੀਰ ਸਰੋਤ, Getty Images
ਮਿਊਜ਼ਿਕ ਫੈਸਟੀਵਲ ਲਾਸ ਵੇਗਾਸ ਦੇ ਕਈ ਹੋਟਲਾਂ ਵਿੱਚ 'ਸ਼ੁੱਕਰਵਾਰ ਤੋਂ ਸ਼ੁਰੂ ਸੀ।
(ਬੀਬੀਸੀ ਪੰਜਾਬੀ ਦੇ ਫੇਸਬੁੱਕ ਪੰਨੇ ਉੱਤੇ ਜਾਣ ਲਈ ਇੱਥੇ ਕਲਿੱਕ ਕਰੋ ਇਸੇ ਤਰ੍ਹਾਂ ਲਿੰਕ ਉੱਤੇ ਕਲਿੱਕ ਕਰਕੇ ਇੰਸਟਾਗ੍ਰਾਮ ਪੰਨਾ ਦੇਖੋ।)
