còmhla ris an Urr Pòl Moireach, Eaglais Shaor Cheann a' Loch.

Anns an t-seirbheis cluinnidh sibh na sailm agus an leughadh a leanas:
Salm 85: 7-8 air fonn Bangor agus 's e Coinneach MacLeòid a tha os cionn na seinn le taic bho Choitheanal Seamanaraidh na h-Eaglaise Saoire ann an Steòrnabhagh
Salm 1: 1-2 air fonn Evan agus 's e Torcuil MacLeòid a tha os cionn na seinn le taic bho Choitheanal Eaglais Shaor Chroisbost.
Salm 119: 105-107 air fonn Moravia agus 's e Iain Ailig MacLeòid a tha os cionn na seinn le taic bho Choitheanal Eaglais Shaor Ùige, an Eilean Sgiathanaich

Leughadh: Salm 119: 1-16
Ceann-teagaisg: Salm 119: 11
'S ann à Nis ann an Eilean Leòdhais a tha Pòl agus às dèidh dha an sgoil fhàgail, chaidh e a Ghlaschu far an robh e ag ionnsachadh mu choinneamh obair ann a bhith a' stiùireadh gnìomhachas togail. Nuair a bha e deiseil, thill e air ais a Leòdhas agus bha e ag obair aig companaidh togail athar.

Airson iomadach bliadhna bha Pòl a' faireachdainn gun robhas ga ghairm chun na ministrealachd, agus anns an t-Sultain 2014 lean e an t-slighe sin le bhith a' tòiseachadh air cùrsa ann an Sgoil Dhiadhaireachd Dhùn Èideann.

Chaidh Mgr Moireach a phòsadh ri coitheanal Eaglais Shaor Cheann a' Loch ann an 2017.

Tha Pòl pòsta aig Amanda a bhuineas dhan an t-Òb sna Hearadh agus tha ceathrar a theaghlach aca. Nuair a gheibh e ùine dha fhèin, 's caomh le Pòl a bhith a' leughadh agus a' cur seachad nas urrainn dha de dh'ùine còmhla ri theaghlach.