Liverpool 2-0 Chelsea: Mohamed Salah goal scata Anfield, put di Reds back ontop

Mohamed Salah score one of di best goals of di Premier League season as Liverpool overcome Chelsea to retake di top spot from Manchester City.

Some clear chances bin dey di match before Sadio Mane head one in for di 51st minute afta one ogbonge move.

Two minutes later, Anfield scata again afta Salah fire one 25 yard angle shot inside di top right corner.

Eden Hazard try two times for di Blues, first wit one shot wey hit di post and anoda wey Alisson save.

Early on, City beat Crystal Palace 3-1 for Selhurst Park to lead di Reds briefly wit one point.