MBGN 2018: Miss Imo don win di most beautiful girl for Nigeria

Read am in 2 mins

Miss Anita Ukah don become di most beautiful girl in Nigeria. She win thirty six odas wey follow contest for di 2018 Most Beautiful Girl in Nigeria (MBGN) pageant wey dem do for Bayelsa state south south Nigeria.

Di win mean say na she go represent Nigeria for di Miss World pageant wey dem go do for China for December 8 2018.

23 years old Anita na di current Miss Imo state. She be graduate from Igbinedion University, Okada, Edo state wia she bin win most beautiful for di school.

Oda fine fine girls collect crowns for di ceremony

Miss Lagos Aramide Oluwatobi win Miss Universe.

Miss Sokoto Valentina Ogbonnaya win Miss ECOWAS.

Miss Kwara Damilola Adeshina collect Fast Track Winner .

Miss Nasarawa Obianuju Ononuju win MBGN Model.

Miss Oyo Chiamaka Okechukwu win Miss Charismatic.

Skip Di one wey oda users dey read well well and continue reading
Di one wey oda users dey read well well

End of Di one wey oda users dey read well well

Miss Rivers Berty Harry win Miss AMITY.

Miss Adamawa Sandra Chisom Ndigwe win Miss Select Pro.

Miss Edo Daniella Jatto win Best Traditional Outfit.

Miss Plateau Meyaroghene Ariagbobe win Best Evening Wear.