Kemi Adeosun don resign as Nigeria Finance Minister
Wia dis foto come from, @FinMinNigeria
Nigeria goment confam Friday night say di Finance Minister Kemi Adeosun don resign afta almost three years for office.
Madam Adeosun resign becos she find out say di National Youth Service Corps (NYSC) certificate wey she use qualify to become minister na fake, according to reason she give for her resign letter.
She feel say her position for office go cause wahala for President Buhari campaign for im 2019 elections, according to Nigeria local media.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 1
Wia dis foto come from, @HMKemiAdeosun
Zainab Ahmed na di Acting Minister of Finance wey Presido Muhammadu Buhari appoint as e accept make Kemi waka.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 2
Tori of Kemi Adeosun resign first break Friday afternoon for Nigeria local media witout official confamation on top di mata.
Wia dis foto come from, @HMKemiAdeosun
Tori be say for July 2018, tori pipo Premium Times bin do investigate wey show say di minister forge her National Youth Service Corps (NYSC) certificate.
Na Friday for inside di resign letter Adeosun tok anytin for di first time about di accuse wey make her resign.
