Nigeria 2019 election: Yakubu Dogara no buy nomination form from APC
Wia dis foto come from, Twitter/@YakubuDogara
Yakubu Dogara, di Speaker for Nigeria House of Representatives, don pick 2019 election nomination form to return back to di House but no be from di ruling All Progressives Congress APC, according to wetin BBC News Pidgin find out.
Nigeria local tori pipo dey report say na under di platform of Peoples Democratic Party (PDP) im buy form.
'Dogara no buy form at all-at all from di party by di time of Wednesday deadline', one spokepesin for di ruling APC tok.
Wia dis foto come from, Twitter/@YakubuDogara
Tori be say Dogara wey neva tok say im don port comot from APC, pick im re-election form on Wednesday night come post dis message for twitter.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
For one interview wit BBC, one member of PDP wey no want make dem mention im name, tok say true-true Dogara don join dia party.
Di pesin tell BBC say oga Dogara waka come collect di form Wednesday night but because e neva tok anytin for public about di form, na im make dem too keep quiet.
Wia dis foto come from, NIGERIA HOUSE OF REPRESENTATIVES
Di speaker pick di form a day afta plenti of im constituents travel go Abuja from im home state wey be Bauchi.
APC spokespesin, Yekini Nabena tell one local tori pipo say dia party no dey surprise for wetin Dogara do because dem already know say he don dey work wit di PDP.
End of Di one wey oda users dey read well well
Oga Dogara first enta parliament for 2007 as member of PDP, from 1999-2015. E later join some PDP we vex leave di party go form APC for 2014.
