Nigeria vs Iceland: Ahmed Musa don redeem Super Eagles image
Wia dis foto come from, Lars Baron - FIFA
Nigeria Super Eagles redeem dia image wen dem win Our Boys of Iceland on Friday for dia second group D World Cup match.
Di match end 2 - 0 for ful time.
Ahmed Musa score di two goals for di match wey dem play for Volgovrad Arena stadium for Russia.
Musa wey wear number 7 shirt score di two goals wey sink Iceland for 49 and 75 minute for di match.
Iceland Gylfi Sigurdsson bin miss penalty for 83 minute of di game.
Wit dis result, Nigeria don chop three points become number two inside Group D wey Croatia dey lead wi six points afta dem beat Argentina 3 - 0 on Thursday.
Wia dis foto come from, Getty Images
Super Eagles wey vex say Croatia beat dem for di first match, carri serious gbege enta di match.
End of Di one wey oda users dey read well well
Ahmed Musa don redeem Super Eagles image become di first Nigerian player wey don score two goals inside world cup match.
