Dino Melaye arrest: Nigeria Immigration say na police tell dem to block di senator
Wia dis foto come from, @dinomelaye (Instagram handle)
Nigeria Immigration Service say dem bin stop Senator Dino Melaye from im journey to Morocco because dem get order from police.
Di talk-talk pesin for Immigration, James Sunday say di senator dey police watchlist na im make.
Police don dey try tey-tey to gbab Dino afta dem say e give some bad boys guns to cause kata-kata for Kogi State north-central Nigeria.
"We get directive to stop am and na im make we do dis one but di koko be say we no detain am, we just intercept am," im talk.
Di senator bin nack am for social media early mormor say dem hold am for Nnamdi Azikiwe International Airport for Abuja as e dey travel go Morocco.
Dis article contain content wey Instagram provide. We ask for una permission before anytin dey loaded, as dem fit dey use cookies and oda technologies. You fit wan read di Instagram cookie policy and privacy policy before accepting. To view dis content choose 'accept and continue'.
End of Instagram post
Police talk-talk for Police Zone 7 Abuja, ASP Istifanus Sunday Bako bin tell BBC News Pidgin say dem arrest di senator for di airport because im dey Interpol wanted list and im no suppose travel out of Nigeria.
Bako say as di senator wan travel, e be like say im wan run commot for Nigeria.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
