Winter Olympics 2018: Buhari troway twale give Team Nigeria

Flag bearer Ngozi Onwumere of Nigeria leads the team during the Opening Ceremony — Wetin we call dis foto, Flag bearer Ngozi Onwumere dey lead di Nigeria team for di Opening Ceremony

9 February 2018

Nigeria President Muhammadu Buhari don troway salute give athletes wey dey represent Nigeria for di 2018 Winter Olympics for Pyeongchang, South Korea.

Di president say di team do well as dem make history to be di first Nigerians wey go participate for di competition.

Winter Olympics 2018: See Africans wey dey compete for Pyeongchang

Simidele Adeagbo of Nigeria practices during Women's Skeleton training ahead of the PyeongChang 2018 Winter Olympic Games — Wetin we call dis foto, Simidele Adeagbo of Nigeria dey practice during Women's Skeleton training for PyeongChang, South Korea

Di women's bobsleigh team get Seun Adigun, Ngozi Onwumere and Akuoma Omeoga and Olympian Simidele Adeagbo go represent Nigeria for Skeleton for di Games.

Winter Olympics 2018: Sports don do wetin nuclear threat no fit
Winter Olympics 2018: Norway athletes order 15,000 eggs by mistake

Team leader and driver Seun Adigun of Nigeria take a turn during the first unofficial bobsleigh women training session at the Olympic — Wetin we call dis foto, Team leader and driver Seun Adigun of Nigeria follow do dia bobsleigh training for PyeongChang

Mr Buhari say di country stand gidigba behind dem throughout di competition as dem choose to use patriotism, sacrifice, hard work and personal dedication to carry di Nigeria flag for di PyeongChang Olympic Stadium in South Korea.