Premier League table 2020: How Leicester City vs Sheffield United, Manchester United vs Crystal Palace, Everton vs Aston Villa result go affect di top four race

Result from Leicester City vs Sheffield United and Manchester United vs Crystal Palace game on Wednesday night fit affect dia teams position for Premier table and di chance to qualify for next season Champions League.

Dat na because na goal difference dey separate Leicester and Man Utd, Brenda Rogers team dey sitdon for number four position table while Ole Gunnar Solskjaer side dey fifth with 59 points.

Ayoze Perez and Demarai Gray counter-attacking goal ensure on Wednesday night ensure say di Foxes stay fourth, a point behind third-placed Chelsea wit two games remaining.

Leicester City 2-nil win over Sheffield United also means dem qualify for next season Europa League at least.

But Leicester boss Brendan Rodgers want di club to secure Champions League football for a second time after becoming Premier League title-winners in 2016.

Na only di top four teams for Premier League go automatically qualify for di group stage of next season Champions League.

See di Score board of Thursday night game:

Manchester United beat Crystal Palace 2-0 for dia Premier League match on Thursday to keep dia hope alive as dem dey eye di top four position.

Na Marcus Rashford and Anthony Martial score di goals for dem.

Ole Gunnar Solskjaer'side bin dey under pressure afta Leicester City bin win 2-0 against Sheffield United .

Dis result mean say United still dey fifth position while Leicester dey fourth.

Na goal difference dey separate di two teams.

Man United next two games for league na against West Ham on July 23 and Leicester on Sunday July 26.

While Leicester go face Tottenham on Sunday 19th July and Manchester United on 26 July.

How di results go affect di Premier League table and di top four races?

If United win and Leicester drop points den di Red Devils go move to fourth position for table.

But if dem lose and Leicester win den di London club go stretch di lead ahead of United to three points with two games to di end of di season.

How di table look now?