Football Transfer: See deals wey don happen dis week
See players wey don change club dis week for Premier League.
Musa don leave Leicester City
Wia dis foto come from, Michael Regan/Getty Images
Russian side CSKA Moscow don sign back Nigeria player Ahmed Musa from Leicester until di end of di season.
Musa, 25, joined di former Premier League champions for £16m for 2016 and scored five goals for 33 games for di club.
Tottenham don gree Lucas fee
Wia dis foto come from, Getty Images
Tottenham don gree money wey reach £25m for Paris St-Germain Brazil player Lucas Moura.
Di deal dey subject to medical and if im agree personal terms.
Sturridge don join West Brom
End of Di one wey oda users dey read well well
Wia dis foto come from, Getty Images
West Brom don sign Liverpool and England striker Daniel Sturridge on loan until di end of di season.
Deulofeu don land for Watford
Wia dis foto come from, Getty Images
Watford don sign former Everton winger Gerard Deulofeu on loan from Barcelona until di end of di season.
Di 23-year-old don go back to Nou Camp, from Goodison Park last summer but na just once im don score for La Liga.
Aymeric Laporte don sign for Manchester City
Wia dis foto come from, Getty Images
Athletic Bilbao defender Aymeric Laporte sef don dey arrange bag to move go England, as im don complete im record move go Manchester City.
City dia manager Pep Guardiola body dey hungry am make im arrange new centre-half dis month.
