Transfer deadline day – Spurs agree deal to sign Tel

Di transfer window go close midnight on Monday 3 February by 12am West African Time.

Most European clubs Like Manchester United, Arsenal, Chelsea dey work hard to bring in new players.

BBC Sport Simon Stone dey report say Manchester City neva reach agreement wit Porto for Spain Under-21 midfielder Nico Gonzalez.

BBC Sport Nick Mashiter and Nizaar Kinsella also dey report say Red Star Belgrade don accept Wolves £10m bid for dia defender Nasser Djiga, 22.

Brentford go keep Yoane Wissa Phil McNulty don confam say " di trail don go cold" for di 28-year-old afta Nottingham Forest initial interest for di forward.

Ipswich dey set to sign West Brom goalkeeper Alex Palmer – di 28-year-old dey due for a medical for Portman Road ahead of di deadline and im go leave di Hawthorns aft aim come through di academy.

Latest on Asensio, Chilwell and Tel

Marco Asensio, Ben Chilwell and Mathys Tel all dey linked to moves.

Aston Villa dey interested in signing three-time Champions League winner Marco Asensio from Paris St-Germain.

Since im switch from Real Madrid to di French capital, im don make 47 appearances for Luis Enrique side, scoring seven and help di club to di Ligue 1 title for 2023-2024.

Ben Chilwell dey likely to complete im move from Chelsea to Crystal Palace, na wetin BBC Sports tori pesin Alex Howell dey report.

Chilwell, 28, neva make Premier League appearance since April 2024, Enzo Maresca tell am last August say im no dey part of im plans.

Tottenham don agree a deal to sign Mathys Tel from Bayern Munich, sources tell BBC Sport.

Tori be say di 19-year-old bin reject Spurs earlier dis month but now dem expect am to move to north London.

One picture wey im agent Gadiri Camara post today appear to show both dem inside private jet.

Sources tell BBC Sport say Tel don agree to join Spurs, although di exact structure of di deal no dey confirmed yet .

E no clear if na permanent or loan deal.

Crystal Palace don reject one bid from Tottenham for defender Marc Guehi wey reach about £70m.

Di England international, wey bin attract interest from Newcastle for summer, get 18 months left for im contract wit Palace.

Im make 23 appearances and don score three goals for Premier League dis season as Palace find themselves 12th - three points above Tottenham wey dey 14th.

Spurs no dey expected to increase dia bid for di 24-year-old for dis window.

Palace bin turn down four bids from Newcastle for Guehi for di summer, wit di final offer worth up to £65m.

Arsenal go sign a striker?

Arsenal boss Mikel Arteta say im dey "actively look" to sign a striker for dis January transfer window wey fit "make impact", but to find di right target no dey easy as pipo think .

Di Gunners don lose Gabriel Jesus to season-ending injury and Kai Havertz, despite say im be di club top scorer dis season, many pipo dey criticise am well-well sake of di chances wey im dey miss - although im score for Sunday 5-1 win ova Manchester City.

Villa reject Arsenal bid for Ollie Watkins, Unai Emery insist say di England striker dey happy for di club. Alexander Isak na anoda player wey dey regularly linked to di Gunners, but e dey very unlikely for am to leave Newcastle.

RB Leipzig Benjamin Sesko and Wolves' Matheus Cunha - wey just sign a new contract for Molineux - also follow as potential targets.

But time no dey again, for Arsenal to sort out a deal quick?

What about Man Utd transfer

Manchester United don bring in Denmark defender Patrick Dorgu from Lecce for £25m and England Under-19s international Ayden Heaven from Arsenal for an undisclosed fee.

Ruben Amorim say Manchester United dey "try eviritin" to strengthen im squad bifor di transfer window close, na wetin im tok afta dia home defeat – but im add say dem no go repeat "di mistakes of di past".

Man Utd go need to bring in anoda striker afta Marcus Rashford join Aston Villa on loan.

Completed deals

Brighton don confam di signing of Stefanos Tzimas from Bundesliga 2 side FC Nuremberg – di move dey subject to international clearing.

James Ward-Prowse don return to West Ham from Nottingham Forest afta di two clubs reach mutual agreement to end im season-long loan.