Caf awards 2025 winners list: Achraf Hakimi win African Player of di Year
Wia dis foto come from, Getty Images
Moroccan defender Achraf Hakimi don win di award for di African Player of di Year for di Confederation of African Football (Caf) awards ceremony for Rabat, Morocco. Marrakesh.
Di 27-year-old beat Egypt captain Mohamed Salah and Nigeria striker Victor Osimhen afta e help im club side Paris St-Germain to di French title plus one maiden Champions League trophy.
Hakimi, wey miss out on di top spot for 2023 and 2024, don bicom di first Moroccan to win di award since Mustapha Hadji for 1998.
Meanwhile, Morocco captain Ghizlane Chebbak win di African Women Player of di year award. She beat Nigeria captain Rasheedat Ajibade and Atlas Lionesses team-mate Sanaa Mssoudy.
Na one panel of experts wey include members of Caf technical committee plus African media professionals, players and coaches dey vote for di winners.
See di full list of winners.
Winners for di Men's Categories
African Player of the Year
- Achraf Hakimi (Morocco / Paris Saint-Germain) - Winner
- Mohamed Salah (Egypt / Liverpool)
- Victor Osimhen (Nigeria / Galatasaray)
Goalkeeper of the Year
- Yassine Bounou (Morocco / Al Hilal) - Winner
- Munir Mohamedi (Morocco / RS Berkane)
- Ronwen Williams (South Africa / Mamelodi Sundowns)
Interclub Player of the Year
- Mohamed Chibi (Morocco / Pyramids)
- Oussama Lamlioui (Morocco / RS Berkane)
- Fiston Mayele (DR Congo / Pyramids) - Winner
Men's Coach of the Year
- Bubista (Cape Verde) - Winner
- Mohamed Ouahbi (Morocco U-20)
- Walid Regragui (Morocco)
Young African Player of the Year
- Othmane Maamma (Morocco / Watford) - Winner
- Abdellah Ouazane (Morocco / Ajax)
- Tylon Smith (South Africa / Queens Park Rangers)
Men's National Team of the Year
- Cape Verde
- Morocco
- Morocco U-20 - Winner
Men's Club of the Year
- Mamelodi Sundowns
- Pyramids FC - Winner
- RS Berkane
Winners for di Women's category
African Women's Player of the Year
- Rasheedat Ajibade (Nigeria / Paris Saint-Germain)
- Ghizlaine Chebbak (Morocco / Al Hilal) - Winner
- Sanaa Mssoudy (Morocco / AS FAR)
African Women's Goalkeeper of the Year
- Andile Dlamini (South Africa / Mamelodi Sundowns)
- Khadija Er-Rmichi (Morocco / AS FAR)
- Chiamaka Nnadozie (Nigeria / Brighton & Hove Albion) – Winner.
Young African Women's Player of the Year
- Shakirat Abidemi Moshood (Nigeria / Bayelsa Queens)
- Doha El Madani (Morocco / AS FAR) - Winner
- Adji Ndiaye (Senegal / AS Bambey)
Women's National Team
- Ghana
- Morocco
- Nigeria - Winner
'Dis trophy na for all Africans wey get dream' - Hakimi
Wia dis foto come from, Getty Images
Hakimi na di deserved winner of di award afta im fine performances for both im national side and PSG, wey include scoring di opener as di French club beat Inter Milan 5-0 for di Champions League final.
Im side also win di Uefa Super Cup, Coupe de France and di French Super Cup last term, but Chelsea beat dem for di Fifa Club World Cup final.
"Na real honour for me to win dis ogbonge trophy," e tok. "Dis trophy no be for only me - na for all di Africans wey get dreams."
Chebbak make am Moroccan double
Wia dis foto come from, Getty Images
Chebbak don make history as di first Moroccan to win di women's award since dem first establish am for 2001.
Di 35-year-old midfielder bin finish as di top scorer for dis year delayed 2024 Women's Africa Cup of Nations.
"I dey extremely delighted to receive dis award," Chebbak tok. "Dis na di fruit of a lot of hard work ova di years."
Nigeria and Brighton goalkeeper Chiamaka Nnadozie win di award for di Women's Goalkeeper of di Year for di third time in a row.
She beat Andile Dlamini from South Africa and Khadija Er-Rmichi from Morocco to win di award.
Nigeria also win di award for di Women National Team of di Year.
