DR Congo dash Nigeria hope of 2026 World Cup participation as dem win qualifying playoff final on penalties

DR Congo don extend dia bid to reach di 2026 Fifa World Cup by beating Nigeria 4-3 on penalties afta 1-1 draw for di African playoff final.

Leopards captain Chancel Mbemba bin net di crucial spot-kick afta Timothy Fayulu bin save from Super Eagles defender Semi Ajayi for di sixth round of di shootout.

Victory see di Central Africans progress to a final intercontinental qualifier wey go hold next March.

Meanwhile, Nigeria go miss from a second successive edition of di World Cup afta a poor performance for Rabat.

Frank Onyeka shot bin give di West Africans di perfect start for di third minute, but Meschack Elia level from close range for di Congolese soon afta di half hour mark.

Nigeria attacking threat bin disappear afta Eric Chelle substitute star striker Victor Osimhen for half-time, and DR Congo dominate possession.

Dramatic shootout happun, and Mbemba wey bin score di stoppage-time winner on Thursday against Cameroon, settle am as e guide im effort high into di net.

Di Congolese bin run di length of di pitch to celebrate in front of dia fans, wey fit still dream of a return to di World Cup for di first time since 1974, wen di kontri still dey bear Zaire.

Live text commentary

Penalty Shootout

Nigeria 3-4 DR Congo, DR Congo qualify for di Mexico round.

DR Congo - SCORE!!

Nigeria - MISS

Sudden death Nigeria 3-3 DR Congo now afta five penalty each

DR Congo - SCORE!!

Nigeria - Chidera Ejuke - SCORE!!

DR Congo - SCORE!!

Nigeria - SCORE!!

DR Congo - MISS as Nwabali save di ball.

Adams of Nigeria - SCORE!!

Sadiki of DR Congo - SCORE!!

Moses Simon of Nigeria - MISS!! DR Conbg goalkeeper save di kick.

DR Congo player - MISS AS NWABALI SAVE AM

Calvin Bassey of Nigeria step front to take di first kick - E MISS AM, e fire di ball over di ball.

Nigeria go take di first kick afta dis toss.

Second Half of Extra Time

PENALTY SHOOTOUT NEXT!!

120' Second Half of Extra time don end!

120' Save! Nigeria goalkeeper save beta ball wey DR Congo player fire wey almost enta net.

117' DR Congo player Wan Bissaka dey worry Nigeria, dem get anoda opportunoity near di gaol area but Calvin Bassy clear am.

115' Tolu Arokundare of Nigeria wey enta as substitute don comot as e be like say Coach Eric Chelle of Nigeria dey change pipo sake of penalty shootout.

113' Nigeria player bin dey ground dey receive treatment but di match don continue now.

110 Wait small drama dey happun, Referee say di ball no cross di line as Nwabali dive to save di ball bifor e enta net.

109' GOALLLL for DR Congo wey Sadiki score!

108' DR Congo dey dominate dis match do far.

106' DR Congo dey play long ball wey dey land for di Nigerian defence but di Super Eagles defenders di clear all di balls.

106' Substitrution for DR Congo as di Second Half of Extra time start.

First Half of Extra Time

Nigeria 1-1 DR Congo

105' Half Time of Extra Time don end.

105' Di pressure of di match dey increase as di first period of Extra Time go soon end. Referee add one minute.

103' Tolu Arokundare of Nigeria head one long ball near DR Congo goal area but di head di ball over di bar!

102' DR Congob again for Nigeria goal area but di player fire di ball over di bar!

100' DR Congo still dey enta Nigeria defence anyhow, infact Nigeria no get attack again , DR Congo make attempt again dfor Nigeria goal area but referee blow whistle for foul afta di ball touch person wey fall.

97' E be like say Nigeria donnvanish for dis match as all di players don turn defenders while DR Congo dey continue tompress dia neck to get second goal.

Nigeria 1-1 DR Congo

95' GOALLLL for DR Congo afta DR Congo player collect ball wey comot from Nigeria goalkeeper Nwabali hand. Referee blow whistle say di goal no go stand.

93' Nigeria and DR Congo still dey drag di ball, DR Congo get anoda chance to score but Calvin Bassy stretch leg clear di ball.

91' Match don start again for di first half of extra time

Second Half

90+3 Full Time don end, Nigeria 1-1 DR Congo Match go enta Extra Time now

90+1 Freekick for DR Congo near Nigeria goal area, goalkeeper Nwabali catch di ball.

90' Three minutes added time.

89' Chance for DR Congo! Wan Bissaka get chance to score but e fire di ball go wide!

87' Nigeria try counter attack from di back but nobody dey front and di ball land for DR Congo player leg.

85' Na five minutes remain for normal time na still Nigeria 1-1 DR Congo

83' Nigeria goalkeeper Nwabali almost cause kasala for Nigeria as e trap ball give DR Congo player , but referee save di day as e blown offside.

83' Calvin Bassey of Nigeria clear Wan Bissaka goal bound ball as e put im body on di line.

81' back to back shots for Nigeria goal area as DR Congo dey find dia second goal by all means but Nigeria defend dey hold di backline tight so far.

79' Chance for Nigeria but di player no balance and DR Congo give am body as e fall for ground.

77' Substitution for Nigeria , Iwobi ndon comot Arokundare don enta.

75' Nigeria dey hear ween for DR Congo hand and di Leopard just dey carry dem play.

71' Double substitution for DR Congo, goalscorer Mecheck Elia don comot Chipenga replace am. Mukau don play finish and Kayembe enta.

69' DR Congo get freekick but dem just play am anyhow sake of di pressure for di game.

64' DR Congo player Bissaka get one -on-one chance to store but e miss di target. 62' Nigeria dey strugglde so far as DR Congo dey press dem. Di Super Eagles dey try to arrange diasef.

59' Substitution for DR Congo Cédric Bakambu comot Fiston Mayele enta.

59' Bakumbu of DR Congo fall down near nigeria goal area wen im bin wan score but referee say play -on!

57' Substitution for Nigeria, Ademola Lookman and Samuel Chukwueze don comot Moses Simon and Ejuke Chidera don enta.

57' As Victor Osimhen comot game just change, DR Congo dey press Nigeria, DR Congo player pass ball to Sadiki wey Nigeria defender bring down but referee say play-on!

56' DR Congo just dey run thru Nigeria defence anyhow, dem get anoda chance but Nigeria goalkeeper NBwabali catch di ball.

53' Sadiki of DR COngo make anoda goal attempt as e play corner kick wey go side nettin near di flanlk.

51' DR Congo make goal attempt in the last two minutes Sadiki fire shot toward Nigeria goal area but Nwabali Nigeria goalkeeper clear di ball.

49' Na still Nigeria 1-1 DR Congo 47' Di second half start wit substitutions for Nigeria, Victor Osimhen don comot and Akor Adams enta. E be like say Victor Osimhen get injury but e neva clear why coach change am.

46' Second Half don start

First Half

Nigeria 1-1 DR Congo

45+3 First Half don end

45+3 Di ball now na 50-50 Nigeria and DR Congo no gree for each oda.

45+2 Di crowd dey chant Osimhen name as DR Congo get freekick against Nigeria, dem play but nigeri defence clear di ball.

45' Referee add 3 minutes for half time to reach.

44' Iwobi of Nigeria fire shot DR Congo defence block am, freekick for Nigeria, Chukwueze of Nigeria play am but DR Congo defence balance well.

39' Corner kick for Nigeria afta Victor clear one goal bound ball wey e suppose score, Nigeria play di corner kick but dem miss di chanceas DR Congo follow dem wit counter attack. Samuel chukwueze save di day as e bring di DR COngo player down.

35' Di match don hot as DR Congo score, Alex Iwobi bin dey try holkd di ball but di DR Congo player tiff di ball from im leg fire sgot inside Nigeria net.

Nigeria 1-1 DR Congo

32' GOALLL for DR Congo M. Elia score for di Leopards

30' Samuel Chukwueze of Nigeria pass di ball to Lookman wey dey run go front but Lookman lose di ball to DR Congo player.

27' Corner kick for DR Congo dem play but di Nigeria defence clear di ball.

25' Nigeria 1-0 DR Congo

24' Victor Osimhen and Ademola Lookman jam togeda as dem dey try get di ball for DR Congo area but DR Congo defender tiff di ball for di middle of di incident.

24' Chance for Nigeria!

22' Di match dey hot and di tempo dey rise as Nigeria and DR Congo get plenti energy for dis match. No side dey dull all of di players active.

19' Samuel Chukwueze pass di ball to Osimhen wey fire di ball towards goal but dDR Congo defence clear am, di clearance land for anoda Nigeria player leg wey fire shot but DR Congo goalkeeper save di ball.

15' Wanbissaka of DR Congo dey worry Nigeria defence dem make two back to back attempts in less dan two minutes but Nigeria defence clear di threats.

13' Victor Osimhen dey hustle to score, corner kick for Nigeria botin come out.

11' Goal attempt by DR Congo but Nigeria defence deny dewm.

3' Frank Onyeka score for Nigeria afta e collect pass from Victor Osimhen , e fire di ball inside open net.2’ GOALLLLL

1’ Referee Jayal Jayed of Morocco don blow whistle, match don start.

Nigeria go play di Democratic Republic of Congo for di World Cup qualifying playoff final on Sunday 16 November.

Di Super Eagles bin enta dis final afta dem sama Gabon 4-1 on Thursday 13 November.

Di game hot up till di extra time and Nigeria get four goals wey push dem for di next round of di play off.

Di game bin end for 1-1 scoreline afta 90 minutes afta Akor Adams first score for Nigeria and Gabon player Mario Lemina equalise for di 89th minutes.

Afta added minutes, and Victor Osimhen miss late minute one-on-one, di game enta extra time.

Ejuke score im first goal for di Super Eagles for di 97th minutes while Osimhen top di goals.

DR Congo Chancel Mbemba late winner against Cameroon secure dem a spot for di final of di qualifying playoff.

Nigeria vs DR Congo wey go take place for di Stade Prince Moulay Abdellah for Rabat, Morocco, go kick-off by 8pm GMT.

Fifa official streaming service FIFA+ go livestream di match and BBC News Pidgin go also do live text commentary.

Meanwhile, Benin head coach Gernot Rohr believe say Nigeria go come out on top against DR Congo.

Di former Super Eagles coach wey follow Soccernet yarn tok say e expect di Super Eagles to defeat di Leopards.

E warn say di Congolese side pose a real threat, especially from set pieces and wit dia physical strength:

"Nigeria na di favourites, but dem gatz remain vigilant. Congo dey physically strong and dangerous on set pieces," Rohr tok.

Line ups

Nigeria starting 11: Nwabali, Fredrick, Sanusi, Ndidi, Ajayi, Lookman, Onyeka, Osimhen, Chukwueze, Iwobi, Bassey

DR Congo starting 11: Mpasi, Mbemba, Tuanzebe, Masuaku,, Bissaka, Moutoussamy, Mukau, Sadiki, Mbuku, Elia, Bakambu